| e-texts navigator |
| Wylie |
192a1 ཤེས་མཆོག་བརྙེས་ཁྱོད་ལ་བདག་ཕྱག་འཚལ། །ཇི་ལྟར་བར་སྣང་ནམ་མཁའ་རྣམ་པར་དག་།གཟུགས་མེད་གཟུང་དུ་མ་མཆིས་འདུས་མ་བགྱིས། །དེ་བཞིན་ཆོས་རྣམས་དྲི་མེད་རྣམ་པར་དག་།འཇིག་རྟེན་རྣམ་པར་འདྲེན་པས་རབ་ཏུ་བསྟན། །
192a2 ཡོད་དང་མེད་པར་ལྟ་བ་སྤངས་ནས་ཀྱང་། །རྣམ་དག་ཆོས་རྣམས་བདེ་བར་གཤེགས་པས་གསུངས། །རྐྱེན་དང་བཅས་ཤིང་རྒྱུ་དང་བཅས་པ་སྟེ། །སེམས་ཅན་མ་མཆིས་གང་ཟག་སྲོག་མ་མཆིས། །གཟོད་ནས་རྣམ་དག་ནམ་མཁའི་ངོ་བོ་ཉིད། །སྒྱུ་མ་སྨིག
192a3 རྒྱུ་ཆུ་ཟླ་འདྲ་བ་སྟེ། །ཤིན་ཏུ་དག་པ་ནམ་མཁའི་ངོ་བོ་ཉིད། །གནས་པ་མ་མཆིས་གློག་དང་འདྲ་བའི་ཚུལ། །སྔོན་གྱི་མཐའ་སྟོང་ཕྱི་མའི་མཐའ་ཡང་སྟོང་། །སྐྱེ་དང་འཇིག་དང་གནས་པའི་ངོ་བོ་སྟོང་། །འདིར་ནི་འདི་དག་དངོས་མེད་དངོས་མེད་མིན། །འདི
192a4 དག་ཐམས་ཅད་རང་བཞིན་མ་མཆིས་སྟོང་། །ཆོས་དབྱིངས་རང་བཞིན་ངོ་བོ་གང་ལགས་དེ། །སེམས་ཅན་ཁམས་ཀྱི་རང་བཞིན་ངོ་བོ་ལགས། །སེམས་ཅན་ཁམས་ཀྱི་རང་བཞིན་ངོ་བོ་གང་། །སངས་རྒྱས་ཆོས་ཀྱི་རང་བཞིན་ངོ་བོ་དེ། །སངས་རྒྱས་ཆོས་ཀྱི
192a5 རང་བཞིན་ངོ་བོ་གང་། །དེ་ནི་ཆོས་ཀུན་རང་བཞིན་ངོ་བོ་ཉིད། །ཆོས་ཀུན་རང་བཞིན་ངོ་བོ་གང་ལགས་པ། །སངས་རྒྱས་ཞིང་གི་ངོ་བོ་རང་བཞིན་ཏེ། །སངས་རྒྱས་ཞིང་གི་རང་བཞིན་ངོ་བོ་གང་། །སངས་རྒྱས་བྱང་ཆུབ་རང་བཞིན་ངོ་བོ་དེ། །སངས་རྒྱས་བྱང་ཆུབ་རང
192a6 བཞིན་ངོ་བོ་གང་། །དེ་ནི་ཆོས་དབྱིངས་རང་བཞིན་ངོ་བོ་ཉིད། །ཆོས་རྣམས་ཀུན་ལ་རྣམ་པར་དག་པ་འདི། །གང་ཚེ་བྱང་ཆུབ་སེམས་དཔས་དེ་ལྟར་མཐོང་། །དེ་ནས་རྒྱལ་རྣམས་ཡེ་ཤེས་དམ་པ་ཡིས། །བྱང་ཆུབ་མཆོག་ཏུ་དེ་ནི་ལུང་སྟོན་མཛད། །ཆོས་རྣམས
192a7 བརྡ་དང་མིང་དང་ཐ་སྙད་ཙམ། །མཉམ་པ་ལགས་ཏེ་མི་བདེན་མིང་དུ་བཏགས། །དེ་དག་སྔོན་ཆད་སུས་ཀྱང་མ་ཐོབ་སྟེ། །དེ་དག་གིས་ནི་མིང་རྣམས་ཀུན་ཏུ་བརྗོད། །མིང་མ་མཆིས་པར་མིང་ནི་རྣམ་པར་བརྟགས། །ཆོས་རྣམས་སྟོང་སྟེ་རང་བཞིན་རྣམ་པར
iiif viewer powered by OpenSeadragon
