| e-texts navigator |
| Wylie |
153b1 ལ་ལྟ་བས་སྐྱེ་བོ་ཆོག་མི་ཤེས། །སྤྱོད་ལམ་དང་ནི་སྤྱོད་པ་ཤེས་བཞིན་རྒྱུ། །འགྲོ་ལ་ཕན་དོན་བྱེད་ཅིང་འཇིག་རྟེན་རྒྱུ། །གང་ཚེ་གཟུངས་འདི་ཐོབ་པར་གྱུར་པ་ན། །བརྒྱ་བྱིན་དེ་བཞིན་ཚངས་པ་འཇིག་རྟེན་སྐྱོང་། །དེ་ཡི་རྐང་མཐིལ་དུ་ནི་གུས་པར་འདུད། །འོན་ཀྱང་དེ་ཡིད
153b2 གང་དུའང་ཁེངས་པ་མེད། །དེ་ནི་སྐད་སྙན་ཚངས་པའི་དབྱངས་དང་ལྡན། །སྐྱེ་བའི་ཡིད་ནི་རྣམ་སྤྱོད་མགུ་བར་བྱེད། །སྐྱོན་མེད་སྙན་ཅིང་དག་ལ་དུས་སུ་སྨྲ། །དེ་ཡི་བསྟན་པ་དོན་མེད་ཡང་མི་འགྱུར། །གང་ཚེ་དེ་ཡིས་གཟུངས་ནི་ཐོབ་གྱུར་ན། །དེ་ནི་འཁོར་གྱི་ནང་དུ་འཇིགས
153b3 པ་མེད། །སེང་གེའི་སྒྲ་ཅན་མི་འཇིགས་སྒྲོགས་པར་བྱེད། །ཕ་རོལ་ཚོགས་རྣམས་ཐམས་ཅད་རབ་ཏུ་འཇོམས། །སེམས་ཅན་གཡོ་ཅན་གདུལ་དཀའ་ང་རྒྱལ་ཁེངས། །མངོན་པའི་ང་རྒྱལ་སྐྱོན་ལྡན་གང་ཡིན་པ། །དེ་དག་མཁས་པའི་ཆོས་ནི་ཐོབ་གྱུར་ན། །ང
153b4 རྒྱལ་སྤངས་ནས་རྐང་མཐིལ་འདུད་པར་བྱེད། །ཆོས་ཀྱི་དབྱིངས་ནི་རང་བཞིན་ཞི་བ་དང་། །དོན་རྟོགས་དང་ནི་ཆོས་ཉིད་ངེས་པར་ཤེས། །དེ་ཕྱིར་ཆོས་ནི་གཏན་ལ་འབེབས་པ་དང་། །ཡི་གེ་འབྱེད་ལ་དེ་ཡི་ཚིག་མི་ཟད། །སེམས་ཅན་རང་བཞིན་རྣམ་དག་ཆོས་ཀྱི་དབྱིངས། །
153b5 དེ་བཞིན་བདག་ཉིད་རྣམ་དག་དེ་ཡིས་ཤེས། །དེ་ལྟར་སེམས་ཅན་དེ་བཞིན་ཉིད་ཤེས་པས། །དེ་ཡི་ཆོས་རྣམས་བསྟན་པ་ཐོགས་པ་མེད། །ཟད་པ་ནམ་ཡང་ཟད་པར་མི་ནུས་ལ། །མི་ཟད་པ་ཡང་ནམས་ཀྱང་ཟད་མི་འགྱུར། །ཆོས་ཉིད་རབ་ཞི་འདི་ནི་རྟོགས་ནས་ཀྱང་། །
153b6 དེར་ནི་མདོ་སྡེ་བྱེ་བ་མཐའ་ཡས་སྟོན། །ཡི་གེ་འདི་དག་ལུས་ལ་མི་གནས་ཤིང་། །ཡིད་ལ་མི་གནས་སེམས་ལས་མ་བྱུང་སྟེ། །ཇི་ལྟར་བྲག་ཅའི་སྒྲ་ནི་ཐོས་པ་བཞིན། །ཡི་གེ་རྣམས་ཀྱི་རང་བཞིན་སྟོང་ཞིང་དབེན། །གཟུངས་འདི་ཡི་གེ་རྣམས་དང་སྒྲ་ལ་མེད། །ཚིག་གི
153b7 ལམ་དང་ལུས་དང་ངག་ལའང་མེད། །དེ་ལྟར་ཡི་གེའི་ཚུལ་རྣམས་རྟོགས་པས་ན། །སྨྲས་ཀྱང་དེ་ཡི་ཚིག་ནི་ཐོགས་པ་མེད། །དེ་ནི་སྟོན་ཀྱང་ཡིད་ལ་རྣམ་རྟོག་མེད། །སེམས་ལའང་རློམ་སེམས་བྱེད་པ་ཡང་མེད་དེ། །འོན་ཀྱང་ཆོས་འདི་རྟོགས་པར་བྱ་བའི་ཕྱིར། །ཆོས་ཉིད
iiif viewer powered by OpenSeadragon
