| e-texts navigator |
| Wylie |
142a1 ཉོན་མོངས་པ་ཐམས་ཅད་སྲེག་པའོ། །སེམས་ཅན་ཐམས་ཅད་ཡོངས་སུ་སྨིན་པར་བྱེད་པའོ། །ཆུ་བོ་བཞི་ལས་སྒྲོལ་བའོ། །བདུད་བཞི་རྣམ་པར་འཇོམས་པའོ། །སེམས་ཅན་ཐམས་ཅད་ལ་འཛུམ་པའི་བཞིན་སྟོན་པའོ། །སེམས་ཅན་ཐམས་ཅད་མགུ
142a2 བར་བྱེད་པའོ། །ཤེས་རབ་རིན་པོ་ཆེའི་སེམས་ཡང་དག་པར་སྐྱེད་པའོ། །དཀོན་མཆོག་གསུམ་གྱི་གདུང་མི་འཆད་པར་བྱེད་པའོ། །ཕས་ཀྱི་རྒོལ་བ་ཐམས་ཅད་ཡང་དག་པར་འཇོམས་པའོ། །ཉོན་མོངས་པའི་མཆེ་བ་ཕྱེ་མར་རློག་པའོ། །གསང་བ་གསུམ་གྱི་གསང་སྔགས་ཀྱིས
142a3 ཀུན་ཏུ་སྲུང་བའི་གཟུངས་སོ། །ཆོས་ཐམས་ཅད་ལ་རྣམ་པར་ལྟ་བའོ། །ཉོན་མོངས་པའི་ཁུར་ལས་སྒྲོལ་བའོ། །འཇིགས་པ་དང་སྐྲག་པ་ཐམས་ཅད་དང་བྲལ་བའོ། །རྒྱ་ཆེ་ཞིང་ཟབ་པའི་ཆོས་ལ་ལྟ་བའོ། །སེང་གེའི་རྩལ་སྤྱོད་པའོ། །སེམས་ཅན་ཐམས་ཅད་ཀྱི་ཉེ་བར་འཚོ
142a4 བའོ། །མྱ་ངན་ལས་འདས་པའི་ལམ་དུ་འགྲོ་བའོ། །གཡོན་ཕྱོགས་ཀྱི་ལམ་ཡོངས་སུ་སྤོང་བའོ། །གཡས་ཕྱོགས་ཀྱི་ལམ་དུ་འཛུད་པའོ། །དེ་ལྟར་ཡེ་ཤེས་རིན་པོ་ཆེ་དང་ལྡན་པ་དེ་ནི་སེམས་ཅན་ཐམས་ཅད་ཀྱི་སྤྱོད་པ་དང་། བསམ་པ་དང་། ཆོ་ག་ཤེས་པའོ། །
142a5 མངོན་པར་ཤེས་པ་ལྔ་རྟོགས་པར་ཁོང་དུ་ཆུད་པའོ། །བསམ་གཏན་རྩེ་གཅིག་པ་ལ་དགའ་བའོ། །འཕགས་པའི་བདེན་པ་བཞིའི་ཁ་དང་ལྡན་པའོ། །སྤྱན་ལྔའི་མིག་བཟང་པོ་དང་ལྡན་པའོ། །ནམ་མཁའི་དཀྱིལ་མཐའ་དག་གི་ལུས་དང་ལྡན་པའོ། །ཆོས་ཀྱི
142a6 དབྱིངས་དང་མཉམ་པའི་དཔྲལ་བ་དང་ལྡན་པའོ། །དེ་བཞིན་ཉིད་ཀྱི་མགྲིན་པ་དང་ལྡན་པའོ། །མི་སྐྱེ་བའི་ལྕེ་དང་ལྡན་པའོ། །མཉམ་པ་ཉིད་དང་རོ་གཅིག་པའོ། །ཆོས་ཐམས་ཅད་ལ་ཐོས་པ་འཛིན་པའོ། །སྒྲ་ཐམས་ཅད་རྟོགས་པའི་ཐོས་པ་དང་ལྡན་པའོ། །དྲི་ལ་རྗེས་སུ
142a7 ཆགས་པ་མེད་པའོ། །དྲི་ལ་ཁོང་ཁྲོ་བ་མེད་པའོ། །དྲི་ཐམས་ཅད་རིག་པའོ། །དྲན་པ་ཉེ་བར་གཞག་པ་བཞིའི་མགོ་བོ་དང་ལྡན་པའོ། །ཚངས་པའི་གནས་པ་བཞིའི་སྐྲ་དྲི་ཞིམ་པོ་དང་ལྡན་པའོ། །རྣམ་པར་ཐར་པ་གསུམ་གྱི་གཙུག་ཕུད་དང་ལྡན་པའོ། །ཡང་དག་པར
iiif viewer powered by OpenSeadragon
