| e-texts navigator |
| Wylie |
137b1 དམ་པ་དང་ལྡན་པ་རྣམས་དང་། རྟེན་རྣམ་པར་དག་པ་རྣམས་དང་། དྲང་བའི་དོན་དང་། ངེས་པའི་དོན་མཉམ་པར་རྟག་པ་རྣམས་དང་། ཀུན་ནས་ཉོན་མོངས་པ་དང་། རྣམ་པར་བྱང་བའི་གཞི་ཇི་ལྟ་བ་བཞིན་དུ་བསྟན་པ་རྣམས་དང་། སེམས་ཅན་ཐམས་ཅད་ཀྱི་སྤྱོད་པ་ལ
137b2 འཇུག་པར་རྟོགས་པའི་བསྟན་པ་འཆད་པ་རྣམས་དང་། དབང་པོ་བརྒྱད་ཁྲི་བཞི་སྟོང་རྐྱེན་ཇི་ལྟ་བ་བཞིན་དུ་རབ་ཏུ་རྣམ་པར་འབྱེད་པ་རྣམས་དང་། ཡི་གེ་རྣམས་ཀྱིས་ཀྱང་ཆོས་དེ་དག་གླེང་བར་བྱེད་ན། འོན་ཀྱང་དེའི་ཡི་གེ་ཟད་པའམ། ཆོས་བརྗོད་པ་ཟད་པའམ། དཔེར
137b3 བྱ་བ་བཀོད་པ་ཟད་པའམ། དུས་བསྟན་པ་ཟད་པའམ། རྒྱུ་དང་འབྲས་བུ་བསྟན་པ་ཟད་པའམ། ཚོད་དང་གནས་དང་མཚམས་ཟད་པའམ། སེམས་ཀྱི་འཇུག་པ་ཟད་པའམ། ཨ་ཞེས་བྱ་བའི་སྒོའི་ཚིག་ཟད་པའམ། ཨ་ཞེས་བྱ་བའི་མཚམས་སྦྱོར་བའི་ཚིག་ཟད
137b4 པའམ། དེ་བཞིན་དུ་སྦྱར་ཏེ། པ་ཞེས་བྱ་བའི་ཟད་པ་ནས་ལ་ཞེས་བྱ་བའི་བར་དུ་ཟད་པའམ། རྣམ་པར་བྱང་བ་རྣམ་པར་གཞག་པའི་བར་དུ་ཟད་པའམ། ཆོས་ཀྱི་ངེས་པའི་ཚིག་གི་གཏམ་ཟད་པའམ། སྣ་ཚོགས་དང་ཟབ་མོའི་གཏམ་ཟད་པའམ། སྣརེལ་ཞིའི
137b5 རྒྱུད་སྟོན་པའི་གཏམ་ཟད་པའམ། སྤྱིའུ་ཚུགས་དང་འཐུན་པའི་གཏམ་ཟད་པའམ། འཐུན་པ་དང་མི་འཐུན་པའི་གཏམ་ཟད་པའམ། ངེས་པའི་ཚིག་མེད་པའི་གཏམ་ཟད་པའམ། སངས་རྒྱས་དང་། ཆོས་དང་དགེ་འདུན་གྱི་ཡོན་ཏན་གྱི་བསྔགས་པ་བརྗོད་པ་ཟད
137b6 པའམ། བདེན་པ་བསྟན་པའི་གཏམ་ཟད་པའམ། བྱང་ཆུབ་ཀྱི་ཕྱོགས་ཀྱི་ཆོས་བསྟན་པའི་གཏམ་ཟད་པའམ། ལས་ཀྱི་རྣམ་པར་སྨིན་པ་བསྟན་པའི་གཏམ་ཟད་པའམ། ཕ་རོལ་ཏུ་ཕྱིན་པ་བསྟན་པའི་གཏམ་ཟད་པ་མེད་དོ། །ཀླུའི་བདག་པོ་དེ་ལྟར་ན་ཡི་གེ་ཐམས
137b7 ཅད་བསྟན་པ་ལ་ཟད་པ་མེད་པ། གང་ཡིན་པ་དེ་ནི་མི་ཟད་པའི་ཟ་མ་ཏོག་ཅེས་བྱ་བའི་གཟུངས་ཞེས་བྱའོ། །ཀླུའི་བདག་པོ་མི་ཟད་པའི་ཟ་མ་ཏོག་གི་གཟུངས་འདི་ནི་མི་ཟད་པ་ཉིད་བཞིས་རྟོགས་པར་བྱ་སྟེ། བཞི་གང་ཞེ་ན། སོ་སོ་ཡང་དག་པར་རིག་པ་མི་ཟད་པ་ཉིད་དང་།
iiif viewer powered by OpenSeadragon
