| e-texts navigator |
| Wylie |
139b1 ཡང་དག་པར་གཤེགས་པས་གཞུང་འདི་བསླབས་པའི་ཚིགས་སུ་བཅད་པས་བཤད་པ། ཆོས་ནི་རྣམ་པར་རྟོག་ལས་སྐྱེས། །སླར་ཡང་རྣམ་པར་རྟོག་ལ་བཀག་།རྣམ་པར་རྟོག་པའི་ཆོས་བཀག་ན། །ཆོས་དེ་སྐྱེ་ཤི་ཞི་བ་མེད། །དེ་ནས་ཡ་རབས་ཚངས་པར་སྤྱོད་པས་ལེའུ
139b2 བཤད་པ་ཐོས་ནས་ཡིད་ཤིན་ཏུ་དགའ་སྟེ་གཞུང་འདི་བསླབས་པར་ཚིགས་སུ་བཅད་པ་བཤད་དོ། །ཆོས་རྣམས་སྟོང་པ་ཕྱི་མོ་ཞི། །སྟོང་པ་ཞི་བ་སྐྱེ་བ་མེད། །ཆོས་གཞན་སྐྱེས་ཤིང་ཤི་བ་ཡིན། །ཆོས་འདི་སྐྱེ་བ་མེད་པ་མེད། །དེ་དང་འདི་ནི་མི་འཐུན་ཏེ། །ཆད་དང་རྟག་དང
139b3 ཡོད་ཕྱིར་རོ། །འདི་ནི་གཉིས་དང་བྲལ་བ་སྟེ། ཚིག་གཅིག་ལ་ཡང་མི་འཇུག་གོ། །ཆོས་གཅིག་ཡོད་ཅེས་བཤད་པ་ནི། །དེ་ཡི་གཟུགས་སྤུའི་འཁོར་ལོ་བཞིན། །སྨིག་རྒྱུའི་ཆུ་རུ་བསླད་དང་མཚུངས། །སྒྱུ་མ་མི་བདེན་རྣམས་ཕྱིར་རོ། །ཆོས་ལ་མེད་པར་མཐོང་བ
139b4 ནི། །ཆོས་སྟོང་པར་ནི་འཐུན་པ་ཡིན། །དམུས་ལོང་གཉིས་མེད་ལོང་བ་བཞིན། །ཆོས་རྣམས་རུ་སྦལ་སྤུ་དང་མཚུངས། །བདག་ང་སངས་རྒྱས་བཤད་པ་ཐོས། །ཆོས་ལ་གཉིས་མཐོང་མེད་པར་རིག་།དབུ་མ་ལ་ཡང་མི་ཆགས་སོ། །དེ་ལྟ་བས་ན་ཆགས་བླངས་ཏེ། །
139b5 ཡང་དག་གཤེགས་པས་ཆོས་བཤད་པ། །ཀུན་ཀྱང་མ་ཆགས་མེད་ལས་བྱུང་། །བདག་ནི་ཆགས་པ་མེད་གནས་ནས། །ཡང་དག་གཤེགས་ལ་ཕྱག་འཚལ་ལོ། །ཡང་དག་གཤེགས་ལ་གུས་ཕྱག་འཚལ། །ཡེ་ཤེས་མི་གཡོ་སྟོང་པ་བཞིན། །ཆགས་མེད་པ་ལའང་མི་ཆགས
139b6 ཏེ། །ཆགས་མེད་ལུས་ལ་གུས་ཕྱག་འཚལ། །བདག་ནི་གནས་ཀུན་ཐམས་ཅད་ན། །རྟག་པར་ཡང་དག་གཤེགས་རྣམས་མཐོང་། །ཡང་དག་གཤེགས་པ་རྣམས་མཐོང་གིས། །བདག་ལ་རྟག་ཆོས་བཤད་པར་སྨོན། །དེ་ནས་ཡང་དག་པར་གཤེགས་པས་ཚིག་འདི་གསུངས་སོ། །ཕོ་དགེ་བ་རྣམས
139b7 ཁྱོད་ལ་སོགས་པ་བརྟགས་པར་ཉོན་ཅིག་། ཁྱེད་མང་པོ་ལ་སོགས་པ་ལ་བརྟགས་པའི་ཆོས་བཤད་དོ། །ཕོ་དགེ་བ་བརྟག་པའི་ཆོས་དང་། བརྟག་པ་མེད་པའི་ཆོས་ལ་བཤད་པ་ཡང་མེད། ཡི་གེ་འབྲུ་ཡང་མེད། བདེན་པ་ཡང་མེད། གྲོལ་ཐར་ཡང་མེད། མེད་པ་ཡང
iiif viewer powered by OpenSeadragon
