| e-texts navigator |
| Wylie |
134b1 དགེ་བའི་ཆོས་ཀྱི་ཚུལ་དེ་ལྟ་བུ་སྤྱོད་པས་ན་གདོད་རིག་པར་ནུས་སོ། །མཐུ་ཆེན་བྱང་ཆུབ་སེམས་དཔས་གསོལ་པ། ཡང་དག་པའི་དབྱིངས་ཀྱི་ཚོར་བའི་བསོད་པ་ལས་འབྱུང་འཇུག་མ་མཆིས་ན། གང་ལ་སོགས་པའི་ཆོས་ནི་སེམས་ཀྱིས་ཡང་དག་པའི་དབྱིངས་སུ་ཆུད་པར་རུང་། སངས
134b2 རྒྱས་ཀྱིས་གསུངས་པ། དབྱིངས་ཀྱི་ཆོས་ནི་དབྱིངས་མེད་དེ་དབྱིངས་མེད་པའི་སེམས་ཀྱིས་ན་གདོད། ཡང་དག་པའི་དབྱིངས་སུ་ཆུད་དོ། །མཐུ་ཆེན་བྱང་ཆུབ་སེམས་དཔས་གསོལ་པ། དབྱིངས་མེད་པའི་སེམས་ཀྱི་ཡེ་ཤེས་ནི་འགྲམ་མེད་དོ། །འགྲམ་མེད་པའི་སེམས
134b3 ཀྱིས་སེམས་རང་དབང་ཐོབ་སྟེ། རང་དབང་གི་ཡེ་ཤེས་ཀྱིས་ན་ཡང་དག་པའི་དབྱིངས་སུ་ཆུད་པར་རུང་ངོ་། །དཔེར་ན་མི་ཐ་མལ་པ་སེམས་ཞན་པ་དེ་ལྟ་བུའི་སེམས་ལ་དབུགས་རྒྱུ་བ་མང་ན་ཆོས་གང་སྤྱད་དེ་ཐུལ་ན་སྲན་ཐུབ་པའི་སེམས་པར་བགྱིས་ལ། ཡང་དག་པའི་དབྱིངས
134b4 སུ་ཆུད་པར་རུང་། སངས་རྒྱས་ཀྱིས་གསུངས་པ། བྱང་ཆུབ་སེམས་དཔའ་དེའི་སེམས་ཀྱི་དབུགས་ནི་ཕྱི་ནང་སྤྱད་པས་མངགས་ཏེ། མངགས་པ་བཞིན་དུ་འབབ་ཅིང་རྒྱུ་བས་ཐིགས་པས་མཚོར་ལངས་ཏེ། གནམ་གྱི་རླུང་གིས་དབའ་བསྐྱོད་པས་ཀླུ་ཆེན་པོ་དངངས་འདྲོགས་སོ། །
134b5 དངངས་འདྲོགས་པའི་སེམས་ཀྱིས་ན་དབུགས་རྒྱུ་བ་མང་བར་བྱས་སོ། །བྱང་ཆུབ་སེམས་དཔའ་སེམས་ཅན་དེས་གསུམ་མ་ཉམས་ཤིང་གཅིག་བསྲུང་བར་བྱས་ན་ཡང་དག་པར་གཤེགས་པའི་བསམ་གཏན་དུ་ཆུད་དེ། བསམ་གཏན་གྱི་བསམ་གཏན་ཐུབ་པར་སྤྱད་པས་ན།
134b6 སེམས་ལ་དབུགས་མེད་དོ། །མཐུ་ཆེན་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་གསུམ་མ་ཉམས་ལ་གཅིག་བསྲུངས་ན། ཡང་དག་པར་གཤེགས་པའི་བསམ་གཏན་དུ་ཆུད་ཅེས་བགྱི། སངས་རྒྱས་ཀྱིས་གསུངས་པ། གསུམ་མ་ཉམས་ཞེས་བྱ་བ་ནི་གྲོལ་ཐར
134b7 གསུམ་མ་ཉམས་པ་གཅིག་བསྲུངས་པ་ནི་སེམས་མི་གཡོ་བ་གཅིག་བསྲུང་ངོ་། །ཡང་དག་པར་གཤེགས་པའི་བསམ་གཏན་དུ་ཆུད་ཅེས་བྱ་བ་ནི་གཞུང་ལ་བཏགས་རྟག་པ་དེ་ལྟ་བུའི་སེམས་ཀྱིས་ནི་ཡང་དག་པའི་དབྱིངས་སུ་ཆུད་དོ། །མཐུ་ཆེན་བྱང་ཆུབ་སེམས་དཔས་གསོལ
iiif viewer powered by OpenSeadragon
