| e-texts navigator |
| Wylie |
133b1 རླབས་བཞིན་པ་ལ་ནི་ཚུལ་ཁྲིམས་བཤད་དོ། །སེམས་ཀྱི་རྒྱན་གྱིས་ཤེས་པའི་མཚོ་ནི་དང་གུའི་ཤེས་པ་ནི་གཙང་མར་བབ། རླུང་གིས་ནི་གཡོས་པར་མི་ནུས། རླབས་དང་དབའ་ཡང་མི་ལྡང་བས་ནི་ཚུལ་ཁྲིམས་ཀྱི་ངོ་བོ་ཉིད་སྟོང་པ་དང་མཚུངས་པས་འཛིན་པ་རྣམས་བསླད་ཅིང
133b2 ཕྱིན་ཅི་ལོག་སྟེ། དེ་ལྟ་བུའི་མིང་ནི་བདུན་དང་དྲུག་ནི་མི་སྐྱེ། འདུས་པ་རྣམས་ནི་བགག་ཅིང་ཐུབ་པས། སངས་རྒྱས་གསུམ་ལས་མ་བྲལ་ཏེ། བྱང་ཆུབ་གཡོས་ནས་མཚན་མ་མེད་པ་གསུམ་ལ་སེམས་བཞིན་དུ་རབ་ཏུ་ཞུགས་པས་དཀོན་མཆོག་གསུམ་ལ་ཤིན་ཏུ་གུས་ཏེ།
133b3 ཆོ་ག་མ་སྟོར་བས་དགེ་སྦྱོང་དག་ལ་རི་མོ་གུས་པ་མེད་པ་ཡིན་ནོ། །བྱང་ཆུབ་སེམས་དཔའ་དྲ་མ་དེ་ནི་འཇིག་རྟེན་གྱི་གཡོ་མི་གཡོའི་ཆོས་ལ་མི་ཆགས་ཏེ། སྟོང་པ་གསུམ་གྱི་ཕུང་པོར་ཞུགས་པས་ཡོད་པ་གསུམ་གྱི་སེམས་ཞིའོ། །མཐུ་ཆེན་བྱང་ཆུབ་སེམས་དཔས་གསོལ་པ།
133b4 དྲ་མ་དེས་ནི་འབྲས་བུ་འོ་ཅོག་ཚང་བས་ཡང་དག་པར་གཤེགས་པའི་སངས་རྒྱས་ཀྱི་མཛོད་ཐོབ་སྟེ། སངས་རྒྱས་ཀྱི་བྱད་དང་གཟུགས་ཀྱིས་སངས་རྒྱས་དང་། དེ་ལྟ་བུའི་སངས་རྒྱས་ཀྱི་གནས་ནས་བྱང་ཆུབ་གཡོས་པས་གསུམ་འདུས་པའི་ཚུལ་ཁྲིམས་ཆུད་དེ། དེའི་མཚན་མ་ལ
133b5 མི་ཆགས་པས་ཁམས་གསུམ་གྱི་སེམས་ཞིའོ། །སྟོང་པའི་ས་ལ་ཡང་མི་ཆགས་མི་གནས་ན་ཕལ་རུང་བ་མ་བཏང་སྟེ། གདུལ་བ་མེད་པའི་སར་ཞུགས་པ་བསམ་གྱིས་མི་ཁྱབ་བོ། །དེ་ནས་ཤཱ་རིའི་བུ་འདུག་པ་ལངས་ཏེ། མདུན་དུ་ཚིགས་སུ་བཅད་པ་བཤད་དོ། །ཤེས
133b6 རབ་མཚོར་ནི་ཆོག་ཅིང་ཚང་། །མྱ་ངན་འདས་མཁས་མི་ཆགས་ཏེ། །དམ་པའི་མེ་ཏོག་པད་མོ་བཞིན། །སྤོས་དོན་ལ་ནི་བྱུང་མ་ཡིན། །སངས་རྒྱས་བསྐལ་པ་གྲངས་མེད་དུ། །མྱ་ངན་འཁྲུགས་པ་ཀུན་མ་བཏང་། །འཇིག་རྟེན་བསྒྲལ་ནས་གདོད་ཐོབ་སྟེ། །པད་མོ
133b7 རྫབ་ལས་བྱུང་དང་མཚུངས། །དྲུག་སྤྱོད་པ་ཡི་ས་དེ་ནི། །བྱང་ཆུབ་སེམས་དཔའི་སྤྱོད་པའོ། །སྟོང་པ་གསུམ་གྱི་ཕུང་པོ་དེ། །བྱང་ཆུབ་ཀྱི་ནི་དྲང་པོའི་ལམ། །ངན་སུ་ཆགས་མེད་འཁོད་པར་བྱས། །སངས་རྒྱས་ཀྱིས་སུ་བཤད་པ་བཞིན། །འོངས་པ་ཡང་ནི་སླར་ཡང
iiif viewer powered by OpenSeadragon
