| e-texts navigator |
| Wylie |
130b1 ཡོད་པར་མཐོང་ནས་བུ་ལ་སྨྲས་པ། ཁྱེའུ་གསེར་གྱི་དོང་ཙེ་ཁྱེར་བ་ཅིའི་ཕྱིར་ན། བླངས་ཏེ་མ་སྤྱད་ལ། ཡིད་ལ་ཅི་དགོས་པ་ཆོག་པར་མི་བྱ། བུ་དེས་དྲན་ནས་གསེར་གྱི་དོང་ཙེ་རྙེད་དེ་སེམས་ལ་ཤིན་ཏུ་དགའ་ནས་དོང་ཙེ་རྙེད་ཅེས་ཟེར་རོ། །ཕས་བུ་བསླབ་པ་ལ་སྨྲས་པ། ཁྱོད་དགར
130b2 མ་བྱེད་ཅིག་། གསེར་གྱི་དོང་ཙེ་རྙེད་པ་ནི་ཁྱོད་ཉིད་ཀྱི་ནོར་ཡིན་ཏེ། ཁྱོད་ཀྱིས་གུད་ནས་རྙེད་པ་མ་ཡིན་ན་ཇི་ལྟ་བུར་དགར་རུང་། ཕོ་དགེ་བ་གཙང་དག་པའི་ཤེས་པ་ཡང་དེ་དང་མཚུངས་ཏེ། ཕྱི་མོ་ནས་འབྱུང་བའི་མཚན་མ་མ་མེད། ད་གདོད་ཞུགས་པ་མ་ཡིན་ནོ། །སྔོན་བསླབ
130b3 པའི་ཕྱིར་གྱི་མེད་པ་མ་ཡིན་ནོ། །ད་ཚོར་བའི་ཡིན་གྱིས་གདོད་ཞུགས་པ་ཡིན་ནོ། །ཆགས་མེད་བྱང་ཆུབ་སེམས་དཔས་གསོལ་པ། ཕ་དེས་བུ་བསླབ་པར་རིག་ནས་ཅི་བསླབས་ནས་ལོ་ལྔ་བཅུ་ལོན་གྱི་བར་དུ་ཕྱོགས་བཅུར་བགྲོད་དེ། དབུལ་རྒྱང་ལ་ཤིན་ཏུ་ཉོན་མོངས་ནས་གདོད
130b4 བསྒོ། སངས་རྒྱས་ཀྱིས་གསུངས་པ། ལོ་ལྔ་བཅུ་ལོན་ཞེས་བྱ་བ་ནི་ཡུད་ཙམ་ཞིག་བསམས་པས་སེམས་གཡོས་པའོ། །ཕྱོགས་བཅུར་བགྲོད་པ་ནི་རིང་པོར་སོང་སྟེ་ཁྱབ་པར་ཆགས་སོ། །ཆགས་མེད་བྱང་ཆུབ་སེམས་དཔས་གསོལ་པ། ཇི་ལྟ་བུར་ན་ཡུད་ཙམ་བསམས
130b5 པས་སེམས་གཡོ་ཞེས་བགྱི། སངས་རྒྱས་ཀྱིས་གསུངས་པ། ཡུད་ཙམ་བསམས་པས་སེམས་གཡོས་པས་ནི་ལྔ་ཕུང་ཅིག་ཆར་སྐྱེས་སོ། །ལྔ་ཕུང་སྐྱེས་པའི་ནང་ན་ངན་པ་ལྔ་བཅུ་ཚང་ངོ་། །ཆགས་མེད་བྱང་ཆུབ་སེམས་དཔས་གསོལ་པ། རིང་པོར་སོང་སྟེ་ཁྱབ་པར་ཆགས་པ
130b6 དང་། ཕྱོགས་བཅུར་བགྲོད་པ་དང་ཡུད་ཙམ་བསམས་ཏེ། སེམས་སྐྱེས་པས་ངན་པ་ལྔ་བཅུ་ཚང་ན་ཇི་ལྟ་བུར་སེམས་ཅན་དེ་དག་ཡུད་ཙམ་སེམས་པ་མི་སྐྱེ་བར་བགྱི། སངས་རྒྱས་ཀྱིས་གསུངས་པ། སེམས་ཅན་དེ་དག་སེམས་པ་བདེན་པར་འདུག་པར་བྱ་སྟེ། རྡོ་རྗེའི་ས་ལ་གནས་པ
130b7 དང་སེམས་མི་གཡོ་སྟེ། ལྡང་བ་མེད་པས་སེམས་རྟག་པར་བདེ་ཞིང་ཡངས་པས་ཡུད་ཙམ་བསམ་པ་མེད་དོ། །ཆགས་མེད་བྱང་ཆུབ་སེམས་དཔས་གསོལ་པ། བསམ་གྱིས་མི་ཁྱབ་བོ། །ཚོར་བའི་སེམས་མ་སྐྱེས་ན། དེའི་སེམས་བདེ་ཡངས་ཏེ་ཕྱི་མོའི་ཚོར་བའི་བཟོད་པ་ལགས
iiif viewer powered by OpenSeadragon
