| e-texts navigator |
| Wylie |
55b1 སོར་གདུབ་བཞིན་དུ་གནས། །ས་རྣམས་སྣ་ཚོགས་ཀུན་གཞི་སྟེ། །བདེ་གཤེགས་སྙིང་པོ་དགེ་བའང་དེ། །སྙིང་པོ་དེ་ལ་ཀུན་གཞི་སྒྲས། །དེ་བཞིན་གཤེགས་པ་སྟོན་པ་མཛད། །སྙིང་པོ་ཀུན་གཞིར་བསྒྲགས་པར་ཡང་། །བློ་ཞན་རྣམས་ཀྱིས་མི་ཤེས
55b2 སོ། །གསེར་མགར་མཁས་པས་རྣམ་དག་གི། །གསེར་ལས་སོར་གདུབ་བྱས་པ་ནི། །སོར་མོ་རྣམས་ལ་རྣམ་པར་མཛེས། །ཕན་ཚུན་ཐ་དད་མཚན་ཡིན་ཏེ། །སོར་གདུབ་ཅེས་ཀྱང་བརྗོད་མོད་ཀྱི། །ལས་ཀྱི་མཁན་པོས་ཡོངས་བསྒྱུར་བས། །གསེར
55b3 ནི་གཟུགས་བཞིན་རབ་ཏུ་གནས། །ཆོས་མཐོང་རྣལ་འབྱོར་ལྡན་པ་ཡི། །སེམས་དང་རྣམ་པར་ཤེས་པའི་ཡུལ། །བདུན་པའི་ས་ནི་རྙེད་པ་དང་། །འབྱུང་བ་ལས་ཀྱང་རྣམ་པར་ལྡོག་།འཕགས་པ་མཐོང་བའི་ཆོས་ལྡན་གྱི། །སོ་སོ་རང་གིས་མཐོང་བ་དང་། །
55b4 སྤྱི་དང་བདག་གི་ལེགས་འཕགས་པ། །ཐམས་ཅད་བརྗོད་པར་མི་ནུས་སོ། །ཇི་སྙེད་ཡུལ་ཡོད་ཅི་ཡང་རུང་། །སེམས་དང་རྣམ་ཤེས་སྤྱོད་ཡུལ་དུ། །སྣ་ཚོགས་སྣང་བ་དེ་དག་ཀྱང་། །རྣམ་ཤེས་ཡིན་ཏེ་ཡུལ་མེད་དོ། །སེམས་ནི་རྣམ་པ་གཉིས་དངོས་སུ། །
55b5 གཟུང་དང་འཛིན་པར་སྣང་བ་སྟེ། །རྫ་ཕྲུ་སྣམ་བུ་སོགས་པ་ཡི། །ཡུལ་ནི་གང་ཡང་ཡོད་པ་མིན། །ཇི་ལྟར་རི་རབ་རྟེན་བྱས་ཤིང་། །ཉི་ཟླ་གཟའ་ཡི་ཚོགས་ཀྱི་རྣམས། །བྲལ་བ་མེད་པར་རྟག་ཏུ་འཁོར། །དེ་བཞིན་རྣམ་ཤེས་ཀུན་གཞི་ལ། །རྣམ
55b6 དག་འཕགས་པའི་སྤྱོད་ཡུལ་ནི། །རྟག་པར་གསེར་བཞིན་རབ་ཏུ་འབར། །ཀུན་གཞི་སྙིང་པོར་བསྒྲགས་པ་ནི། །རྟོག་པའི་སེམས་ཀྱི་ཡུལ་མ་ཡིན། །རང་བཞིན་རྣམ་པར་བརྟགས་པ་དག་།རྟོག་པར་ནུས་པ་མ་ཡིན་དང་། །ཡོངས་སུ་གྲུབ་པའི་རང་བཞིན
55b7 ཡང་། །རྣལ་འབྱོར་ཐུབ་ཅན་རྟག་ཏུ་མཐོང་། །ཡིད་ཀྱི་རྣམ་ཤེས་ཡུལ་ཅན་ནི། །བུས་པ་རྣམས་ལ་འཆིང་བའི་དངོས། །སྨིག་རྒྱུ་སྒྲ་ཚོགས་བྱུང་བ་སྟེ། །འཕགས་པ་རྣམས་ཀྱིས་དྲི་མེད་གཟིགས། །སྟོང་ཕྲག་བཅུ་གཉིས་པའི་རྒྱན་སྟུག་པོ་ལས་ཇི་སྙེད་པའི་མདོ་རྫོགས་།། །།
iiif viewer powered by OpenSeadragon
