| e-texts navigator |
| Wylie |
54b1 པ་རྣམས་ལ་བཤད་པར་བྱ། །ཐེག་པ་ཆེན་པོ་འོད་ཅན་གྱི། །ཏིང་འཛིན་ཡུལ་ནི་འདི་ཡིན་ཏེ། །དེ་ལ་གནས་ཤིང་རྒྱལ་སྲས་རྣམས། །ཚུལ་དགེ་རབ་ཏུ་སྟོན་པར་བྱེད། །བྱེ་བའི་ཞིང་རྣམས་རབ་ཏུ་མཐོང་། །དེ་དག་མགོན་པོ་དེ་བཞིན་ནོ། །རྡུལ་གྱི་མཐའ་མར་ཐུག་པ་རྣམས། །དེ་དག་རང
54b2 གི་ཞལ་སྟོན་ཏོ། །དགེའོ་དགེ་ཞེས་རབ་ཏུ་གསུང་། །འདི་ནི་རྣལ་འབྱོར་བཟང་ལྡན་ལམ། །ལམ་འདིས་ངེད་རྣམས་ཐམས་ཅད་ཀྱང་། །ཏིང་ངེ་འཛིན་ལ་དབང་སྒྱུར་བ། །ཐོབ་ནས་སངས་རྒྱས་དྲི་མེད་གྱུར། །གང་ཡང་སངས་རྒྱས་ཏིང་འཛིན་སྐྱེས། །ཐེག་པ་ཆེན་པོ་སྣང་བ་ཡི། །ཏིང་ངེ
54b3 འཛིན་གྱི་ཕྲ་སེམས་པ། །དེ་ལ་གནས་ཤིང་རྒྱལ་སྲས་དང་། །རྒྱལ་བ་བསམ་ཡས་སྤྱོད་ཡུལ་ཅན། །སྤྲུལ་པ་བྱེ་བ་མང་པོ་ཡིས། །སོ་སོ་རང་རིག་སྤྱོད་ཡུལ་གྱི། །ཏིང་འཛིན་སངས་རྒྱས་མཐོང་བ་ནི། །ཤིན་ཏུ་ཕྲ་བའི་རྡུལ་སྙེད་དོ། །སོ་སོ་རང་གིས་རིག་ཚུལ་ནི། །གང་ལ་སངས
54b4 རྒྱས་གནས་པ་ཡིན། །ཆོས་འདི་མཚན་མ་མེད་པ་སྟེ། །སྒྲ་དང་གཟུགས་ཀྱིས་རྣམ་པར་སྤངས། །མིང་ནི་མཚན་མས་བསྐྱེད་པ་ཡིན། །མཚན་མ་རྐྱེན་ལས་བྱུང་བ་སྟེ། །རྣམ་པར་རྟོག་པ་གཉིས་ལས་སྐྱེས། །ཆོས་རྣམས་ཀྱི་ནི་དེ་བཞིན་ཉིད། །དེ་ནི་ཡང་དག་སུས་མཐོང་བ། །
54b5 དེ་ཡི་ཡེ་ཤེས་ཡང་དག་མཚོན། །རང་བཞིན་བརྟགས་པ་མིང་ཡིན་ཏེ། །མཚན་མ་གཞན་གྱི་དབང་ལས་བྱུང་། །མིང་དང་མཚན་མ་མེད་པ་ན། །རང་བཞིན་དོན་གྱི་དམ་པ་ནི། །ཐམས་ཅད་ལུས་ལ་ཀུན་ནས་གནས། །ཀུན་གཞི་དེ་ཕྱིར་འབྱུང་བ་སྟེ། །བག་ཆགས་རྣམས་ཀྱི་རི་ཁྲོད
54b6 གནས། །ཡིད་ཀྱི་གནས་ངན་ལེན་གྱིས་གཡོགས། །ཡིད་ཀྱི་རྣམ་ཤེས་སྤྱོད་པ་ཡིས། །ཡིད་ནི་ཕྱིན་ཕྱོགས་རྒྱས་པར་བྱས། །རྣམ་ཤེས་ལྔ་པོ་ཡུལ་ཅན་དག་།འབྱུང་ཞིང་ཕྱིར་ཡང་ལྡོག་པ་ཡིན། །རྣམ་ཤེས་ལྔ་ཡི་ཡུལ་རྣམས་ནི། །སེམས་ཅན་བཞིན་གནས་ལུས་ཅན་ལ། །ཀུན
54b7 གཞིར་གྲགས་པའི་ཆུ་ཀླུང་ལས། །དབའ་རླབས་བཞིན་དུ་རབ་ཏུ་འབྱུང་། །རྣམ་ཤེས་ཀུན་གཞི་མཚོར་གནས་པ། །བག་ཆགས་རྣམས་ཀྱིས་བརྙོགས་པའི་རྣམས། །ཡུལ་གྱི་རླུང་གིས་བསྐྱོད་པ་དག་།རྣམ་པར་རྒྱུན་ཆད་མེད་པར་རྒྱུ། །ཆོས་ལ་བདག་མེད་མཁས་པ་ཡི། །
iiif viewer powered by OpenSeadragon
