| e-texts navigator |
| Wylie |
53b1 སྟེ། །ཀ་ལ་པིང་ཀའི་སྒྲ་སྐད་དུ། །རྒྱ་ཆེན་ལྕེ་ཡིས་རབ་སྙན་པར། །རྡོ་རྗེའི་སྙིང་པོས་ཤིན་ཏུ་བཤད། །སེང་གེ་རོ་སྟོད་ལུས་འཆང་བ། །མཚན་རབ་སུམ་ཅུ་རྩ་གཉིས་དང་། །དཔེ་བྱད་བཟང་པོས་བརྒྱན་པའི་ལུས། །རྡོ་རྗེའི་སྙིང་པོས་ཤིན་ཏུ་བསྟན། །ཀིམ་ཀའི་སྒྲ་ལ་མཁས་པས་ན། །སྒྲ་ཡི་མཚན
53b2 ཉིད་གྲགས་པ་ཡིས། །མདོར་ན་དེ་ཡི་ཉིས་གྱུར་ཏུ། །རྒྱལ་སྲས་དེ་ནི་ཤིན་ཏུ་སྟོན། །སང་སང་དག་པ་དབྱངས་ལ་སོགས། །མཐོང་ཞིང་རིང་བའི་སྒྲ་སྐད་དང་། །གན་ད་ར་དང་རན་ལྡན་པར། །རྒྱལ་བའི་སྲས་པོས་རབ་ཏུ་བསྟན། །རཱི་ཥ་བྷ་དང་དྷཻ་བ་ཏ། །ཥཌྫ་ཀེ་ཤི་ལྔ་པོ་ཡི། །སྒྲ་སྐད་མཚན་ཉིད་ལྡན་པ
53b3 ཡི། །དབྱངས་ཀྱིས་ཐུབ་པ་རྣམ་པར་གསུང་། །དང་དལ་བ་མེད་པའི་ཚིག་།ཟབ་ཅིང་སྙན་པའི་སྒྲ་དབྱངས་ཏེ། །མཚན་ཉིད་མཁས་དང་དྲི་ཟ་ལ། །དེ་བཞིན་སིམ་པར་བྱེད་པ་ཡི། །ཚིག་གི་ཡོན་ཏན་ལྡན་པའི་ཚིག་།རྡོ་རྗེ་སྙིང་པོས་བརྗོད་པ་ནི། །ལྷུན་གྱིས་གྲུབ་པར་བྱས་པ་སྟེ། །སྤྲུལ
53b4 པའི་བཞིན་དུ་འབྱུང་བ་ཡིན། །ཐུབ་སྲས་རྡོ་རྗེའི་སྙིང་པོ་ནི། །ཅི་ཡང་བརྗོད་པར་མི་བྱེད་པར། །ཐམས་ཅད་ཡན་ལག་མཚན་གྱི་སྒྲ། །ཡན་ལག་རྣམས་ལ་མངོན་པར་འབྱུང་། །སྨིན་མ་དཔྲལ་བ་སྤྱི་བོ་དང་། །ཕྲག་པ་སྣ་རྩེ་བྱིན་པ་ལས། །ཆོས་ཀྱི་ཚུལ་རྣམས་རབ་སྟོན་ཅིང་། །
53b5 དགེ་བའི་སྒྲ་རྣམས་བྱུང་བར་གྱུར། །རྡོ་རྗེ་སྙིང་པོ་ཐུབ་པ་ཡི། །སྨོན་ལམ་ལེགས་ལས་བྱུང་བ་སྟེ། །བྲེ་མོའི་ངང་པའི་རྒྱལ་པོ་བཞིན། །རྒྱལ་བའི་སྲས་རྣམས་ཀུན་ནས་འདུས། །དབང་སྒྱུར་ཕོ་བྲང་བཟང་པོ་ན། །ཐམས་ཅད་གཟུགས་ཀྱི་རིན་ཆེན་བཞིན། །དཔའ་ཆེན
53b6 རྡོ་རྗེའི་སྙིང་པོ་དེ། །རྣམ་པར་མཛེས་ལ་ཀུན་ལྟའོ། །སྐར་མའི་དབང་པོ་སྐར་མ་དེ། །གཟའ་ཡི་དབུས་ན་མཛེས་པ་བཞིན། །རྡོ་རྗེའི་སྙིང་པོ་རྣལ་འབྱོར་ཅན། །དམ་པའི་སྟན་ལ་རྣམ་པར་མཛེས། །ཇི་ལྟར་སྐར་མའི་དབང་པོ་དང་། །ཟླ་བའི་འོད་དུ་བྱེ་བྲག་མེད། །དེ་བཞིན
53b7 རྡོ་རྗེའི་སྙིང་པོ་དང་། །རྒྱལ་བ་རྣམས་སུ་ཁྱད་པར་མེད། །ཡང་དག་ཇི་བཞིན་དོན་མཐོང་བའི། །རྒྱལ་བའི་སྲས་པོ་སྟོབས་པོ་ཆེ། །རྣལ་འབྱོར་ཅན་དང་ཐུབ་པའི་མཆོག་།རྣལ་འབྱོར་སྤྱོད་པའི་ལམ་གནས་པ། །སྟན་ལས་ལེགས་པར་ལྡང་བྱས་ཤིང་། །རྒྱལ་སྲས་རྣམས་ལ
iiif viewer powered by OpenSeadragon
