| e-texts navigator |
| Wylie |
53a1 ལས་ཀུན་ལངས་ནས། །དེ་དག་གཅིག་ལ་གཅིག་བལྟས་ཏེ། །རྡོ་རྗེའི་སྙིང་པོ་དེ་ལ་སྨྲས། །ཆོས་ཀྱི་ཚུལ་ནི་བརྟན་པར་གྱིས། །ཁྱོད་ནི་རྒྱལ་དབང་བྱིན་གྱིས་བརླབས། །རྒྱལ་སྲས་རྣམས་ཀྱིས་རབ་ཏུ་མཆོད། །ས་ཡི་མཚན་ལ་མཁས་པ་ཡང་། །
53a2 ཁྱོད་ལ་ཐམས་ཅད་ཤིན་ཏུ་གནས། །ཁྱོད་ལ་གསོལ་བ་འདེབས་པ་ནི། །རྒྱལ་སྲས་སྟོབས་ཆེན་ཐམས་ཅད་དང་། །རྣལ་འབྱོར་ཅན་དང་རྣལ་འབྱོར་བདག་།སྔགས་འཆང་བུད་མེད་ཐམས་ཅད་དོ། །རྒྱལ་བ་རྣམས་དང་རྒྱལ་སྲས་དང་། །འཇིག་རྟེན་རྣམས
53a3 ཀྱི་ངོ་མཚར་གཞི། །མདོ་སྡེ་ཀུན་གྱིས་དྲི་མེད་ཅིང་། །བསྟན་དང་བཀླག་པ་རྣམས་སྤངས་པ། །སྟུག་པོའི་རྒྱན་འདི་བསྟན་པའི་ཕྱིར། །རྣལ་འབྱོར་བདག་ཁྱོད་སྤོབས་པར་གྱིས། །སྤྲུལ་པས་བཤད་པ་སྤངས་པ་སྟེ། །དེ་བཞིན་གཏམ་དང་སྤྲུལ་པས་ཀྱང་། །ཟག་པ
53a4 མེད་པའི་ཆོས་ཀྱི་དབྱིངས། །སོ་སོ་རང་རིག་སྤྱོད་པའི་ཡུལ། །ལྷ་རྫས་མཐོང་བའི་ཆོས་ལ་བདེ། །འཕགས་པ་རྣམས་ལ་དེ་སྟོན་ཅིག་།ཕུང་པོ་ལྷག་མ་མ་ལུས་པར། །གཏུགས་པའི་ཆོས་ཀྱི་དབྱིངས་སྟོན་ཅིག་།ཏིང་ངེ་འཛིན་དང་གཟུངས་ཀྱི་རྣམས། །རྣམ་པར
53a5 ཐར་དང་དབང་རྣམས་དང་། །ཡིད་བཞིན་རྣམ་པ་བཅུ་པོ་ཡི། །ལུས་ཀྱི་ཚོགས་ཀྱང་བསྟན་པར་གྱིས། །སངས་རྒྱས་རྣམས་ཀྱི་བསམ་ཡས་དང་། །མགོན་པོ་རྣམས་ཀྱི་ཞིང་གི་རྒྱན། །རྒྱལ་བ་རྣམས་དང་རྒྱལ་སྲས་ཀྱི། །རྡུལ་ཕྲན་བཞིན་གྱི་སྐུ་ཕྲ་དང་། །སྐྲ་རྩེ
53a6 བརྒྱ་ཆར་ཕྲ་བ་དག་། རྒྱལ་སྲས་ཁྱོད་ཀྱིས་བཤད་པར་གྱིས། །བསྟན་དང་བཀླག་དང་རྣམ་བྲལ་ཞིང་། །བརྗོད་པས་རྣམ་པར་སྤངས་པ་ཡི། །སྟུག་པོ་ཞིང་གི་དམ་པ་དེར། །ཅི་ནས་ཐུབ་པ་འདོང་བའི་ཕྱིར། །རྣལ་འབྱོར་མཁས་པས་སེང་གེ་ལྟར། །ཐུབ་པས་དེ
53a7 དག་ཀུན་བལྟས་ཏེ། །འགྲོ་བའི་ཚོགས་རྣམས་ཐམས་ཅད་ལ། །བརྟག་པར་མི་ནུས་བརྟག་བྲལ་བའི། །ཆོས་ཚུལ་རབ་ཏུ་བསྟན་པར་བྱ། །བློ་ཡི་མཐུ་ཡང་ཀུན་བརྟགས་ན། །རྣལ་འབྱོར་ཅན་དག་ཆོས་ཀྱི་ཚུལ། །སྔོན་གྱི་གཞུང་ལུགས་ཉན་ནུས་པས། །ཚངས་པའི་སྒྲ་དང་དབྱངས་སུ
iiif viewer powered by OpenSeadragon
