| e-texts navigator |
| Wylie |
52b1 བྱེད། །དྲོད་ནི་མེའོ་སྲ་བ་ས། །གདེག་ལ་སོགས་པའི་བྱ་བ་རྣམས། །རླུང་གི་ཁམས་ཀྱིས་ཀུན་ནས་རྩོམ། །གཟུགས་ལ་སོགས་པའི་ས་མཚམས་ནི། །ནམ་མཁའ་ཀུན་ནས་རྩོམ་པར་བྱེད། །རྣམ་ཤེས་སྣ་ཚོགས་ཡུལ་ཅན་ནི། །བག་ཆགས་རྣམས་ཀྱིས་རབ་ཏུ་བསྐྱེད། །སྲིད
52b2 ཀྱི་མཚམས་དང་མིག་དག་གིས། །སྐྱེ་བའི་སྒོ་རྣམས་བྱེད་པ་ནི། །གཟུགས་ལ་སོགས་པའི་ཚོགས་ཀུན་ཏེ། །རྒྱལ་པོ་མཚན་ནི་རྣམ་པ་མང་། །ནོར་བུ་རིན་ཆེན་སྣ་ཚོགས་གནས། །དབང་སྒྱུར་ཕོ་བྲང་བཟང་པོ་ན། །རྣལ་འབྱོར་ལྡན་ཆེན་ཤུགས་འཛིན་པ། །རྒྱལ་སྲས་རྣམས
52b3 ཀྱིས་མདུན་བདར་ཅིང་། །སོ་སོའི་སྟན་ལས་ཀུན་ལངས་ཏེ། །ཡང་དང་ཡང་ཞིང་ཕྱག་འཚལ་ནས། །རིམ་གྲོར་རྡོ་རྗེའི་སྙིང་པོ་ལ། །མཆོད་པའི་དམ་པས་མཆོད་པ་བྱེད། །རིན་ཆེན་དྲ་བས་སྟེང་བཀབ་ཅིང་། །ཡང་དང་ཡང་དུ་གསོལ་བ་བྱེད། །དགེའོ་དགེའོ་ཡང་དག་སྟེ། །དགེ
52b4 བ་ལྡན་ལ་རབ་གནས་ཞིང་། །ཆོས་ཀྱི་སྤྲིན་གྱི་ཚུལ་རྙེད་ནས། །སངས་རྒྱས་ས་ལ་རབ་བཞུགས་ཏེ། །དབང་སྒྱུར་རྒྱལ་བའི་སྲས་རྣམས་ལ། །སངས་རྒྱས་ཡུལ་རྣམས་རབ་ཏུ་བསྟན། །རྒྱལ་པོ་ལྷ་མོ་བཅས་པ་ཡིས། །དེ་ནས་ཡང་དུ་མཆོད་བྱས་ཏེ། །རྣལ་འབྱོར་ཆེ་ཅན
52b5 དགེའོ་དགེ། །རྡོ་རྗེའི་སྙིང་པོ་འཇིགས་མེད་པ། །ལྷ་རྫས་དེ་བཞིན་གཤེགས་པ་ཡི། །ཆོས་དེ་བདག་ལ་བསྟན་པས་ན། །ནོར་བུ་རིན་ཆེན་སྣ་ཚོགས་ནས། །བཀྲ་ཤིས་གཙང་བར་རབ་ཏུ་བྱས། །ཐུབ་ལྡན་འཕགས་པ་སྤྱན་རས་གཟིགས། །བློ་གྲོས་ཆེན་པོ་བྱམས་པ་དང་། །
52b6 བློ་གྲོས་མི་ཟད་མཐུ་ཆེན་དང་། །འཇམ་དཔལ་རྣམ་པར་འཕྲུལ་པ་དང་། །ལྷ་ཡི་ཅོད་པན་རྣལ་འབྱོར་བདག་།ཤུགས་འཛིན་དྲུ་མ་བློ་གྲོས་དང་། །གཟུངས་ཀྱི་དབང་པོའི་རྒྱལ་པོ་དང་། །རིན་ཆེན་གཙུག་ཕུད་འཕྲུལ་ཆེན་དང་། །ཡང་དག་ཇི་བཞིན་མཐོང་བ་དང་། །མཚེ་མའི་རབ
52b7 དང་འགྲོ་འཛིན་དང་། །རྣལ་འབྱོར་སློབ་དཔོན་རྣལ་འབྱོར་ཆེ། །རྣལ་འབྱོར་ཅན་ལ་སེམས་སྟོན་པ། །ཐུབ་པ་ཐམས་ཅད་དོན་གྲུབ་པ། །ཐུབ་སྲས་འཇིགས་པ་མེད་པའི་རྣམས། །འདི་དག་གཞན་ཡང་མང་པོ་སྟེ། །རྒྱལ་བའི་སྲས་པོ་འཕྲུལ་ཆེན་རྣམས། །སོ་སོའི་སྟན
iiif viewer powered by OpenSeadragon
