| e-texts navigator |
| Wylie |
52a1 འདོང་ཞིང་། །རྒྱལ་བ་ཉན་ཐོས་ཚོགས་འཁོར་དུ། །པི་བང་སྒྲ་དབྱངས་སྙན་བླངས་པས། །ཐུབ་པ་དྲུ་མ་ལྟོས་ཤིག་ཅེས། །ཕན་ཚུན་གཅིག་ལ་གཅིག་ཀྱང་གསུང་། །བསྙེམས་བྲལ་མང་པོ་སྣ་ཚོགས་ན། །མིའམ་ཅི་དང་འགྲོགས་རྩེ་ཞིང་། །པི་བང་བཻ་དཱུརྱས་སྤྲས་པ། །
52a2 ལེན་ཅིང་མཁའ་ལ་འགྲོ་བའི་ཚེ། །པི་བང་ཡིད་འོང་ཤིན་ཏུ་སྙན། །དབྱངས་ཀྱིས་ཡོངས་སུ་སྦྱང་བ་སྟེ། །མིའམ་ཅི་ཡི་བདག་པོ་ཡིས། །རབ་ཏུ་བླངས་པར་བྱས་པའི་ཚེ། །ཉན་ཐོས་རྣམས་ཀྱང་གར་བྱེད་དེ། །ཉན་ཐོས་དེ་དག་གྱུར་པ་དེ། །རྒྱལ་སྲས་རྣམས་ཀྱིས་མཐོང་བ་དང་། །འོད་སྲུང
52a3 རྣལ་འབྱོར་བཟང་ཅན་དང་། །ལྷ་ཡི་ཅོད་པན་ལ་སྨྲས་པ། །རྣམ་རྟོག་མེད་པའི་སྒྲ་དབྱངས་ཀྱི། །པི་བང་སྒྲ་ནི་བསྒྲགས་པ་ཡིས། །འདོད་ཆགས་བྲལ་བ་ཅི་ཕྱིར་གྱུར། །འོད་སྲུང་ཁྱོད་ཀྱིས་ངེད་ལ་སྟོན། །རྒྱལ་སྲས་སྟོབས་ཆེན་དམུ་རླུང་བཞིན། །རྣམས་དང་འདྲ་བ་ནི། །ཉན
52a4 ཐོས་གཡོ་བའི་བློ་ཅན་རྣམས། །བག་ཆགས་འདམ་གྱི་དྲི་མ་ཅན། །ཉོན་མོངས་རྣམ་རྟོག་བྱུང་བས་མནར། །ཡང་དག་སངས་རྒྱས་སྐུ་རྙེད་ནས། །བག་ཆགས་དྲི་མ་ཡོངས་བསལ་ཏེ། །བདག་མེད་གཉིས་ཀྱིས་ཡོངས་དག་ཅིང་། །ཤེས་བྱ་སྒྲིབ་པའི་དྲི་མེད་ན། །སེམས་ཀྱི་ཁམས་ལས་གཞན
52a5 གྱུར་པ། །དེ་བཞིན་གཤེགས་པར་རབ་ཏུ་འགྱུར། །ཁྱོད་ནི་དབང་ཆེན་ཕྲ་ཡུལ་ལྡན། །ཤེས་རྒྱ་ཆེ་ཞིང་གཙུག་ལག་མཁས། །དབང་པོ་འཇིག་རྟེན་ཕྱོལ་བ་ཡི། །གཙུག་ལག་མཚན་ལ་ཁྱོད་གནས་ཏེ། །མིའམ་ཅི་ཡི་གཙུག་ལག་ཀྱང་། །དེ་བཞིན་གཤེགས་པའི་རྣལ་འབྱོར་དགེ། །
52a6 ས་ཡི་མཚན་ཉིད་མཁས་བྱ་ལ། །བསླབ་སྟེ་ཟླ་བ་བཞིན་གནས་པ། །མིའམ་ཅི་ཡི་དབང་པོ་ཁྱོད། །ས་དང་ཞིང་རྣམས་བྱེ་བར་མཛེས། །ཁྱོད་ནི་དེ་ལྟར་རྣམ་མཛེས་ཞིང་། །ཐུབ་ཅན་དབང་སྒྱུར་ཚོགས་དབུས་སུ། །ཁམས་ཀྱི་སེམས་ལས་སྐྱེས་པའི་མི། །ཁོ་བོ་ལ་ནི་སྲས་ཀྱིས
52a7 དྲིས། །མཉམ་སེམས་མཉམ་པར་གཞག་པ་ཡིས། །ཐམས་ཅད་ལྷན་ཅིག་མཉན་པར་གྱིས། །ཁམས་རྣམས་གང་དུ་ཅི་ཚུལ་གང་། །སེམས་སུ་གྲགས་པའི་སྐྱེས་བུ་ལ། །རྒྱུ་རྣམས་གང་གིས་འབྱུང་བ་ཡི། །དེ་ཚུལ་བདག་གིས་བསྟན་པར་བྱ། །ཆུ་ནི་རླན་རྣམས་སྐྱེད་པར
iiif viewer powered by OpenSeadragon
