| e-texts navigator |
| Wylie |
51b1 དག་ཉན་པར་འགྱུར། །ཇི་སྙེད་རྒྱལ་བའི་སྲས་རྣམས་དང་། །ལྷ་ཡི་རྒྱལ་པོ་ཀུན་ཀྱང་ཉོན། །ཤིན་ཏུ་དཀའ་བའི་བསམ་ཡས་རྒྱུ། །བརྟགས་འདས་རྟོགས་དང་བྲལ་བ་ཡི། །རྒྱུ་དང་དཔེ་ཡི་མེ་ཏོག་སྟེ། །རྣལ་འབྱོར་རྣམས་ཀྱི་ཐུབ་དགེ་བ། །སྟུག་པོའི་རྒྱན་ནི་བཤད་པར་བྱ། །
51b2 དེ་ནི་ཐུབ་ལ་རྣལ་འབྱོར་སྟོན། །སྟུག་པོའི་རྒྱན་དེ་སྣ་ཚོགས་ཏེ། །སྟུག་ན་སྤྱོད་པའི་ཐུབ་པ་ཡི། །སངས་རྒྱས་རྣམས་ཀྱི་གནས་ཀྱི་མཆོག་།ཐུབ་པ་ཀུན་གྱི་དམ་པའོ། །ས་སྟེངས་ཐུབ་པའི་དྲུ་མ་ལ། །རྡོ་རྗེ་སྙིང་པོས་ཡང་སྨྲས་པ། །རྟག་པར་དྲུ་མ་ཁྱོད་ཀྱིས་ཀྱང་། །ཆོས་ཀྱི་དངོས་ཉིད
51b3 ཤེས་པར་གྱིས། །དངོས་པོ་རྣམས་ཀྱི་རང་བཞིན་ནི། །དངོས་སུ་སྟོང་ངམ་རྟག་པ་ཞེས། །འདི་འདྲའི་ལྟ་དང་ལྡན་པ་ཡི། །ཐུབ་པའི་རྣལ་འབྱོར་མི་འཁྲུལ་ལོ། །ཆོས་པ་གཅིག་པུ་རྟོགས་པ་ཡིས། །ཆོས་པར་མངོན་དུ་ཤེས་པ་སྟེ། །དངོས་པོ་ཀུན་གྱི་རང་བཞིན་ཡང་། །དངོས་པོ་གཅིག་གིས
51b4 ཤེས་པར་འགྱུར། །ཇི་ལྟར་ཇི་བཞིན་བསྲུབས་པའི་ཞོ། །སོར་མོའི་རྩེ་མོས་མངོན་ཤེས་པ། །དེ་བཞིན་དངོས་པོ་ཐམས་ཅད་ཀྱི། །རང་བཞིན་དངོས་པོས་ཤེས་པར་འགྱུར། །དངོས་པོ་ཇི་མེད་སྟོང་པ་ཉིད། །དངོས་པོ་དངོས་པོར་ཡོད་པའང་མེད། །འདི་དག་ཀུན་གཞི་རྣམ་པ་སྟེ། །སྟོང
51b5 ཉིད་ཀུན་གཞི་རྣམ་པའོ། །རྒྱལ་སྲས་དྲུ་མ་འཇིགས་མེད་པས། །རྡོ་རྗེའི་སྙིང་པོ་དེ་ལ་སྨྲས། །ལུས་ཅན་རྣམས་ཀྱི་ཁམས་ཀྱི་མི། །ཇི་ལྟ་བུར་ན་སེམས་ཙམ་འགྱུར། །འབྱུང་བ་ཆེན་པོ་རྒྱུར་བྱས་ཤིང་། །འབྱུང་ལས་འབྱུང་བའི་ཇི་ལྟ་བུ། །གཡོ་གཤེར་ཚ་དང་སྲ་བ་ཡི། །ཁམས་རྣམས
51b6 ཇི་ལྟར་འབྱུང་བར་འགྱུར། །རྒྱལ་སྲས་རྡོ་རྗེ་སྙིང་པོ་ཡིས། །དྲུ་མའི་བདག་པོའི་ཚིག་ཐོས་ནས། །མིའམ་ཅི་བདག་ཁྱོད་དགེ་སྟེ། །ཁྱོད་ནི་དགེ་འོ་ཡང་དགེ་འོ། །རྣལ་འབྱོར་ཅན་གྱི་སྙིང་པོའི་མཆོག་།ཡིད་འོང་བྱེད་པ་གང་དྲིས་པ། །སེམས་ཀྱི་སྐྱེས་བུའི་ལུས་ཅན་ལ། །ཁམས་རྣམས་སྐྱེ
51b7 འགྱུར་ཇི་ལྟ་ཞེས། །དེ་ཕྱིར་དབང་སྒྱུར་རྒྱལ་སྲས་ལ། །དེ་ནི་དགེ་བར་བཤད་པར་བྱ། །དེ་བས་མིའམ་ཅི་ཡི་བདག་།པི་བང་སློབ་དཔོན་བདག་ལས་ཉོན། །ཇི་ལྟར་མིའམ་ཅི་ཡི་བདག་།ཁྱོད་དང་མི་ཅི་མང་བཅས་པ། །བསྙེམས་བྲལ་མང་པོ་སྣ་ཚོགས་ཀྱིས། །ནམ་མཁའ་ལས་ནི་རབ
iiif viewer powered by OpenSeadragon
