| e-texts navigator |
| Wylie |
51a1 ཞིང་པ་རྣམས་ཀྱི་ལས། །འབྲས་བུ་མེད་པར་མི་འགྱུར་ཏེ། །དོན་དང་ལྡན་པ་དེ་དག་ནི། །གཞན་ཡང་འོང་ཞེས་རྨོ་བ་མེད། །ལྷ་རྫས་འགྲོ་བའི་སྐྱེས་བུ་ནི། །རྣལ་འབྱོར་ཅན་ལ་རྣལ་འབྱོར་སྟོན། །ལུས་ཅན་ལུས་ཀྱི་ནང་ནས་ཞིང་། །དེ་ནི་དགེ་བའི་ལས
51a2 བྱེད་དོ། །འདི་དང་ཕྱི་མའི་བདེ་བ་དང་། །ལྷ་ཡུལ་གནས་པའི་གནས་མཐོང་ཞིང་། །འཁོར་ལས་སངས་རྒྱས་རྒྱུར་འགྱུར་བའི། །བསོད་ནམས་རྣམས་ནི་རྟག་ཏུ་བྱེད། །ཐར་དང་ཕ་རོལ་ཕྱིན་རྣམས་དང་། །སངས་རྒྱས་བསམ་གཏན་སྤྱོད་ཡུལ་ཀུན། །འགྲོ་བའི་སྐྱེས་བུ
51a3 མེད་ན་ནི། །ཀུན་ཀྱང་འབྲས་བུ་མེད་པར་འགྱུར། །ལྷ་ཡི་བདེ་བ་ཐམས་ཅད་དང་། །དབང་སྒྱུར་རྣམས་ཀྱི་འབྲས་བུ་དང་། །དེ་བཞིན་ཉིད་མཐོང་ཐུབ་པ་ཡི། །རྣལ་འབྱོར་རྣམས་ཀྱང་མེད་པར་འགྱུར། །ལས་དང་ལས་ཀྱི་འབྲས་བུ་མཐོང་། །ལས་རྣམས་དོན་མེད་མ་ཡིན་ཏེ། །
51a4 འོ་དོད་འབོད་ལ་སོགས་པ་དང་། །མནར་མེད་མཐའ་དང་ལྷ་རྣམས་ཀྱི། །ལམ་གྱི་རྒྱུད་ཀྱང་ཡོད་པ་ཡིན། །འགྲོ་བའི་སྐྱེས་བུ་དེ་ཡོད་ན། །སྲེད་པའི་འཁོར་ལོས་འཁོར་བར་འགྱུར། །འཁོར་དང་བྲལ་ན་ཐར་པ་སྟེ། །བློ་ཞན་རྣམས་ཀྱིས་མི་ཤེས་སོ། །འཇུག་པའི་སྐྱེས་བུ
51a5 མེད་ན་ནི། །མོ་གཤམ་བུ་ཡང་འགྲོ་བར་འགྱུར། །བོང་བུའི་རྭ་ཡང་རྣོ་འགྱུར་ཏེ། །བྱེ་མ་ལས་ཀྱང་ཏིལ་མར་འབྱུང་། །ཕྱི་དང་ནང་གི་ས་རྣམས་ནི། །ཕན་ཚུན་སྟོབས་ཀྱིས་བྱུང་བ་སྟེ། །གང་དང་གང་དུ་འགྲོ་བ་དག་།དེ་དང་དེ་དག་འགྲོགས་པ་ཡིན། །ལྷ་དང་ལྷ་ཡི་བུ་མོའི
51a6 ཚོགས། །དབང་སྒྱུར་རྒྱལ་བའི་སྲས་རྣམས་དང་། །དྲི་ཟ་གྲུབ་པའི་རྒྱལ་པོ་དང་། །སྔགས་འཆང་ཆུང་མའི་ཚོགས་རྣམས་ཀྱང་། །ཐུབ་ལ་མཆོད་པར་འོས་པ་ཡི། །རྡོ་རྗེའི་སྙིང་པོ་སྲས་བཅས་ལ། །མཆོད་དེ་གསོལ་བ་འདེབས་པར་བྱེད། །ཐམས་ཅད་དགེའོ་དགེ་ཞེས་སྨྲ། །
51a7 ཉམས་པ་མེད་པའི་ཆོས་ཀྱི་ཚུལ། །རྒྱུ་དང་དཔེ་ཡིས་བརྒྱན་པ་ནི། །གཞན་གྱི་རྒོལ་བ་འཇོམས་པ་སྟེ། །དཔའ་བོ་ཆེན་པོ་ཁྱོད་ཀྱིས་བསྟན། །བགབ་ཟུངས་ལྟག་ཆོད་ཚར་གཅོད་པ། །བདག་གི་ཕྱོགས་ཀྱི་ཡོན་ཏན་སྟོན། །ཤེས་རབ་ཅན་གྱིས་བསྟན་དུ་གསོལ། །འགྲོ་བ་འདི
iiif viewer powered by OpenSeadragon
