| e-texts navigator |
| Wylie |
50b1 བུ་ནི། །འགྲོ་ཡང་བྱུང་བ་མ་ཡིན་ཏེ། །ཁམས་རྣམས་དྲུག་པོ་སྐྱེས་བུ་ཡིན། །སྐྱེ་མཆེད་བཅུ་གཉིས་དེ་བཞིན་ཏེ། །བརྒྱད་རྣམས་ལ་ཡིད་རྒྱུ་བ། །དབང་སྒྱུར་ཞེས་ནི་བྱ་བ་སྟེ། །དབང་སྒྱུར་ཕོ་བྲང་སྣ་ཚོགས་པ། །ནོར་བུ་རིན་ཆེན་གྲོང་རྡལ་དང་། །དགའ་ལྡན
50b2 ལ་སོགས་བསྙེམས་བྲལ་དང་། །མཚེ་མའི་གནས་སུའང་དེ་བཞིན་བཤད། །རྡོ་རྗེ་སྙིང་པོ་དབང་ཅན་ལ། །རྒྱལ་སྲས་འཇིགས་པ་མེད་པའི་རྣམས། །དགེའོ་དགེ་ཞེས་དགའ་འབོད་ཅིང་། །ཐམས་ཅད་མགོ་བོས་ཕྱག་འཚལ་ལོ། །ཐུབ་ལྡན་རྣལ་འབྱོར་སྤྱོད་པ་དང་། །རྒྱལ
50b3 བ་དག་དང་རྒྱལ་བའི་སྲས། །ཞིང་དང་ཞིང་ན་བཞུགས་པ་དང་། །ལྷ་ཡུལ་གནས་པའི་རྒྱལ་སྲས་དང་། །རྣལ་འབྱོར་བདག་པོ་རྣལ་འབྱོར་ཅན། །ཡེ་ཤེས་དབང་པོ་འཕྲུལ་ཆེན་དང་། །དབང་སྒྱུར་ལྷ་མོའི་ཚོགས་རྣམས་ཀྱང་། །ཐལ་མོ་སྦྱར་ཏེ་གནས་པར་གྱུར། །ཕན་ཚུན
50b4 གཅིག་ལ་གཅིག་ལྟ་ཞིང་། །རྒྱལ་བའི་སྲས་ལ་སྨྲ་བ་ནི། །འགྲོ་བའི་ལྷ་རྫས་སྐྱེས་བུ་ཡང་། །མུར་འདུག་བདག་སྨྲ་སྤངས་པ་སྟེ། །ཐུབ་ཅན་ཀུན་གྱི་སྐྱེས་བུ་ནི། །ཐུབ་པའི་ཁྱུ་མཆོག་ཁྱོད་ཀྱིས་བསྟན། །འདས་དང་ད་ལྟར་བྱུང་བ་ཡིས། །སྔོན་བྱས་མ་བྱས་ཐོབ་པ་ནི། །
50b5 སྔོན་གྱི་རྒྱལ་བའི་སྲས་རྣམས་ཀྱིས། །ཁམས་དྲུག་སྐྱེས་བུ་དགེ་བའོ། །ཇི་ལྟར་མཁའ་ལ་བྱ་རྗེས་རྣམས། །རྣམ་པར་བཞག་པ་དེ་བཞིན་དུ། །སེམས་ཚོགས་ལྡན་པའི་ཁམས་ཀྱི་རྣམས། །གཏན་ཚིགས་བཅས་པ་རབ་ཏུ་བསྟན། །ཇི་ལྟར་ཤིང་ལས་མེ་དག་གི། །མེ
50b6 ལྕེ་གནམ་དུ་གནས་པར་འགྱུར། །བསྲེག་པ་གཞན་ནི་མ་རྙེད་ཅིང་། །རླུང་གིས་བབ་ན་གཏན་མི་འབར། །བྱ་རྗེས་རྣམ་པར་བཞག་པ་ནི། །མཁའ་ལ་གནས་པ་མི་སྣང་སྟེ། །འཁོར་བའི་འཁོར་ལོར་འཁོར་བ་ཡི། །འགྲོ་བའི་སྐྱེས་བུ་སྣང་བ་ཡིན། །བྱ་རྣམས་རྐང
50b7 པས་མི་འདོང་སྟེ། །དེ་དག་སྒྲོ་ཡི་ཤུགས་ཀྱིས་འདོང་། །བྱ་ཡི་རྗེས་དང་འདྲ་བ་ནི། །སྐྱེས་བུའི་སྒོ་ནས་རབ་ཏུ་བསྟན། །ལས་ཀྱི་སྐྱེས་བུ་བསྟན་པ་ནི། །འཁོར་རྣམས་རྟག་ཏུ་འཁོར་བ་སྟེ། །བདེ་དང་སྡུག་བསྔལ་མྱོང་བྱེད་པ། །བྱས་པའི་ལས་ནི་ཆུད་མི་ཟ། །ཇི་ལྟར
iiif viewer powered by OpenSeadragon
