| e-texts navigator |
| Wylie |
50a1 ཚོགས་ཀུན་དུ་ཕན་འདོགས་ཏེ། །སེམས་ཅན་རྣམས་ཀྱང་ཉེ་བར་འཚོ། །ཡོན་ཏན་དངོས་སུ་རྟོན་པ་ཡིན། །དེ་བཞིན་ཀུན་གཞི་རྣམ་ཤེས་ཀྱང་། །རྣམ་རྟོག་རྣམས་དང་ལྷན་ཅིག་འབྱུང་། །དེ་ནི་འཁོར་བ་འཕེལ་བྱེད་དེ། །གྱུར་ན་དེ་བཞིན་གཤེགས་པ
50a2 ཡིན། །དེ་བཞིན་གཤེགས་པ་སྟོབས་བཅུ་ཅན། །སྤྱོད་པ་ལེགས་སྤྱད་གཙང་བ་སྟེ། །ས་བཅུ་པ་ལས་མངོན་བྱུང་སྟེ། །བདེ་བར་གཤེགས་པའི་སར་ཞུགས་ནས། །ཡང་དག་མཐའ་ལ་རབ་གནས་པ། །སྣ་ཚོགས་སེམས་ཅན་རྣམ་སྤྲུལ་པར། །འཇིག་པ་མེད
50a3 པར་འབྱུང་བ་ནི། །རྣམ་པར་རྟོག་མེད་ས་བཞིན་ནོ། །སོས་ཀ་མེ་ཏོག་མང་པོའི་གཟུགས། །མི་དང་བྱ་ཡི་ཡིད་དུ་འོང་། །དེ་བཞིན་སྣ་ཚོགས་ལེན་པའི་སེམས། །ཐུབ་ཤེས་ཡིད་འོང་མྱོས་པར་བྱེད། །ཇི་ལྟར་དོན་མཁས་རྒྱལ་བའི་སྲས། །འབྱུང་ལས་བྱུང་བ
50a4 མ་ཡིན་པ། །མེད་པའི་བློ་ཅན་དེ་བཞིན་ཏེ། །ལོག་པར་སྨྲ་ལ་བརྩོན་པ་དག་།ཆོས་དང་མི་འཐུན་ཕྲ་མ་ཅན། །ལྕེ་གཉིས་ལོག་པར་ལྟ་བ་དག་།རྣམ་པ་གཞན་དུ་གནས་པའི་དངོས། །རྣམ་པ་གཞན་དུ་སྟོན་པར་བྱེད། །ཇི་ལྟར་སྒྱུ་མའི་སྐྱེས་བུ་ཞིག་།འབྲས་བུ
50a5 སྣ་ཚོགས་སྟོན་བྱེད་པ། །འབྲས་བུ་མེ་ཏོག་དེ་ན་མེད། །སྔགས་དང་ཁོང་བཟོས་ཟོ་མདོག་བདེ། །འཇིག་རྟེན་རྣམ་པ་གཞན་གནས་པ། །རྣམ་པ་གཞན་དུ་སྟོན་པར་བྱེད། །རྒྱལ་བ་རྣམས་དང་རྒྱལ་བའི་སྲས། །ཀུན་ཀྱང་ཐབས་ཀྱི་དམིགས་ལ་མཁས། །བསྟན
50a6 པ་གཞན་ལ་ཇི་སྙེད་དུ། །བསྟན་པ་བྱས་པ་དེ་དག་ཀུན། །བདེ་གཤེགས་རྣལ་འབྱོར་མཁས་པ་ཡིས། །བསྟན་པ་སྟུག་པོའི་རྒྱན་ལ་བསྟན། །ཁམས་རྣམས་དྲུག་དང་བརྒྱད་བསྟན། །སྐྱེ་མཆེད་བཅུ་དང་གཉིས་ཀྱི་མི། །ཡིད་ཀྱི་སྲད་བུས་བཏགས་པ་དག་།
50a7 སེམས་ཅན་ཀུན་དུ་རབ་ཏུ་འཁོར། །རྣམ་པར་ཤེས་པ་བརྒྱད་ཀྱི་ཚོགས། །ཁམས་དང་སྐྱེ་མཆེད་ཕུང་པོ་སྟེ། །ཡིད་ཀྱི་སྲད་བུས་བཅིང་བྱས་ཤིང་། །ལུས་དང་ལུས་ལ་རབ་ཏུ་རྒྱུ། །འདི་ནི་འགྲོ་བའི་སྐྱེས་བུ་སྟེ། །འགྲོ་བ་རྣམས་ཀྱི་དོན་དུ་བསྟན། །ལུས་ཅན་ཀུན་གྱི་སྐྱེས
iiif viewer powered by OpenSeadragon
