| e-texts navigator |
| Wylie |
49a1 གཤེགས་པའི་གནས་ཀྱི་མཆོག་། སྟུག་པོ་དེར་ནི་རབ་ཏུ་འདོང་། །རི་བོང་རྭ་ཡིས་རི་བོ་རྣམས། །མངོན་པར་གཞིག་བྱ་མ་མཐོང་སྟེ། །འདི་ལ་མོ་གཤམ་བུ་ཡིས་ཀྱང་། །སྲོག་ཆགས་གང་ཡང་བསད་པ་མེད། །རི་བོང་རྭ་ཡི་གཞུ་ཡིས་ཀྱང་། །སུ་ཡང་ཐབ་མོ་མི
49a2 བྱེད་དེ། །མོ་གཤམ་བུ་ལ་སུ་ཡང་རུང་། །ཁྱིམ་གྱི་ལས་སུ་མི་སྐོའོ། །སྟོང་པ་ཉིད་དང་མི་རྟག་ཉིད། །རྟག་ཏུ་དངོས་དང་གཅིག་གྱུར་ཏེ། །ཡོད་དང་མེད་པའི་རང་བཞིན་ཡང་། །དེ་བཞིན་གཅིག་པ་ཉིད་དུ་གྱུར། །མངལ་ན་གནས་དུས་ཚུན་ཆད་ཀྱང་། །གཟུགས་རྣམས་གཞིག
49a3 པར་བརྩོན་པ་སྟེ། །གང་ནའང་དེ་མེད་གཟུགས་ཡོད་མིན། །གཟུགས་མེད་པར་ཡང་དེ་མེད་དེ། །ཁྱད་པར་མེད་པར་འབྱུང་བ་ནི། །མ་བསྒྲིབས་ཟླ་དང་འོད་ཟེར་བཞིན། །དེ་བཞིན་དངོས་རྣམས་སྟོང་ཉིད་དང་། །ལྷན་ཅིག་གཅིག་ཏུ་འབྱུང་བ་སྟེ། །ཕན་ཚུན་རྣམ་པ་ཐ་དད་དུ། །
49a4 དེ་དག་དགོས་པ་མི་སྒྲུབ་བོ། །རྒྱུ་དང་རྐྱེན་རྣམས་ཚོགས་པ་ལས། །རྣལ་འབྱོར་ཅན་གྱི་ལས་སྒྲུབ་བོ། །ལུས་འདི་བདག་ཡོད་མ་ཡིན་ཏེ། །རོ་ལངས་འཁྲུལ་འཁོར་རབ་ཏུ་འདྲ། །སྲེད་པའི་སྲད་བུས་བཅིངས་བྱས་ཤིང་། །ཡུལ་གྱི་རྣམས་ཀྱིས་དྲང་བ་ཡིན། །ལྷ་རྫས་སྟོང་པ
49a5 ཉིད་བཤད་པ། །ལྟ་བ་ཐམས་ཅད་སྦྱོང་བ་སྟེ། །མཐའ་རྒལ་སྟོང་པ་ཉིད་ལྟ་བ། །རྒྱལ་བ་རྣམས་ཀྱིས་ལྟ་མེད་བཤད། །སྟོང་ཉིད་ལྟ་བ་སྦྱོང་བ་ནི། །ཡོད་དང་མེད་པ་གཞིག་པའི་ཕྱིར། །བློ་ལྡན་མཉམ་པར་བཞག་པ་ཡི། །རྣལ་འབྱོར་ཅན་གྱིས་རྟག་ཏུ་བསྒོམ། །རྩཝ་དང་ཤིང
49a6 དང་གྱོ་མོ་དག་། སྒྱུ་མའི་མཁན་པོས་རྒྱུར་བྱས་ཏེ། །སྔགས་ཀྱིས་ཅི་དང་ཅིར་འདོད་པར། །གཟུགས་ཀྱི་དངོས་སུ་རབ་ཏུ་བྱེད། །གཟུགས་དང་སྣང་བ་ཡིད་བྱེད་དང་། །སྲེད་དང་མིག་རྣམས་རྒྱུར་བྱས་ཤིང་། །མིག་གི་རྣམ་ཤེས་སྒྱུ་མ་བཞིན། །སྨིག་རྒྱུ་བཞིན་དུ་དེ་གཡོའོ། །
49a7 གང་གི་ཡུལ་དུའང་འོང་བ་མེད། །ཡུལ་གཞན་དག་ཏུའང་འགྲོ་བ་མིན། །འདི་ལྟའི་རྣམ་ཤེས་འབྱུང་བ་ལ། །ཡོད་དང་མེད་པར་བརྟག་མི་བྱ། །སྐྲ་ཡི་ཚོགས་དང་བོང་བུའི་རྭ། །མོ་གཤམ་བུ་དང་སྨིག་རྒྱུ་དང་། །དྲི་ཟའི་གྲོང་ཁྱེར་རྨི་ལམ་དག་།མིང་དུ་གྲག་གི་ཡོད་པ་མིན། །
iiif viewer powered by OpenSeadragon
