| e-texts navigator |
| Wylie |
48b1 སྒྱུ་མའི་བཞིན་དུ་གནས། །སེམས་ཙམ་དུ་ནི་འཇུག་པ་ལས། །གཞན་དུ་ཡོངས་སུ་གནས་འཕོ་སྟེ། །ས་ལ་སྟོང་ཞེས་བརྗོད་པར་བྱ། །སེམས་ནི་དངོས་པོའི་ཚུལ་དུ་གནས། །རྫ་ལ་སོགས་པའི་ཡུལ་མེད་དེ། །སེམས་ནི་རྫ་མ་ལྟ་བུའོ། །ས་ལ་གཟུགས
48b2 རྣམས་ཡོད་པ་དང་། །ལྷ་ཡུལ་གནས་པའི་ཁྱིམ་རྣམས་དང་། །རྣམ་པ་སྣ་ཚོགས་གང་སྣང་བ། །དེ་དག་ཀུན་གཞི་སྣང་བ་ཡིན། །ཀུན་གཞི་ཀུན་ཏུ་ལག་པ་སྟེ། །ཀུན་ཏུ་ཁ་མིག་མགོ་བོ་ཡང་། །ཅིག་ཅར་བ་དང་རིམ་གྱིས་ཀྱང་། །ས་རྣམས་ཡོག་པར་རབ་ཏུ་གནས། །
48b3 བུས་པ་རྣམ་པར་མྱོས་བྱེད་དེ། །གང་གི་སྙིང་ལ་གང་གནས་པ། །དེ་ནི་དེ་ལ་གཉིས་ཚུལ་དུ། །ལུས་ཀུན་བཀང་སྟེ་རབ་ཏུ་གནས། །སྟོང་མིན་དངོས་པོ་གང་ཡང་མེད། །ཐོ་བས་ཇི་ལྟར་རྫ་བཞིན་དུ། །དངོས་པོ་གང་ལ་གཞོམ་བྱ་བའི། །དངོས་པོ་དངོས་སུ་ཡོད་པ་མིན། །
48b4 དེ་སྟེ་སྟོང་པའི་དངོས་ཡོད་ན། །འཇིག་མེད་མ་ཡིན་གཞིག་པར་འགྱུར། །གཞིག་བྱ་གཞིག་པར་བྱེད་པ་གང་། །དེ་ནི་རྣམ་པར་རྟོག་པས་བརྟགས། །རི་རབ་རི་བོ་ཙམ་འགྱུར་བའི། །བདག་ཏུ་ལྟ་བ་མི་གནོད་ཀྱི། །སྟོང་ཉིད་ལྟ་བ་གནོད་པ་ནི། །ང་རྒྱལ་མི་བདེན་བརྟགས
48b5 པའོ། །རྣལ་འབྱོར་སྤྱོད་པས་སྟོང་པ་ཉིད། །གནས་མ་ཡིན་པར་སྦྱར་མི་བྱ། །གནས་མིན་གལ་ཏེ་སྦྱར་གྱུར་ན། །བདུད་རྩི་དུག་ཏུ་འགྱུར་བ་ཡིན། །ལྟ་བ་ཇི་སྙེད་གང་ཡང་རུང་། །ལུས་ཅན་རྣམས་ལ་ཡོད་པ་ཡི། །ལྟ་བ་རྣམ་པར་སྤང་བའི་ཕྱིར། །སྟོང་པ་ཉིད་ཀྱི
48b6 ཚུལ་བསྟན་ཏོ། །སྟོང་པ་ཉིད་ཀྱི་ལྟ་ཐོས་ཀྱང་། །ལ་ལའི་ལྟ་བ་མ་ཞིག་ན། །གསོར་མི་རུང་བའི་ལྟ་ཅན་ཏེ། །སྨན་པས་བཏང་བའི་ནད་པ་བཞིན། །ཇི་ལྟར་བསྲེག་པ་ཚིག་པའི་མེ། །བསྲེག་པ་མེད་པས་མི་གནས་སོ། །དེ་བཞིན་བསྲེག་བྱ་ལྟ་ཚིག་ན། །སྟོང་ཉིད་མེ་ཡང
48b7 འགག་པར་འགྱུར། །ལྟ་བས་འགོག་པའི་དུས་སུ་ཡང་། །ཡེ་ཤེས་ཡང་དག་མེ་འབྱུང་སྟེ། །ཉོན་མོངས་ཐམས་ཅད་སྲེག་པར་བྱེད། །ཉོན་མོངས་བསྲེགས་ནས་རྣམ་པར་མཛེས། །ཐུབ་པ་རྣལ་འབྱོར་ལྡན་པའི་རྣམས། །ཡེ་ཤེས་འདི་ལྡན་ཐུབ་སྤྱོད་དག་།དེ་བཞིན
iiif viewer powered by OpenSeadragon
