| e-texts navigator |
| Wylie |
48a1 རྣམ་པས་སེལ། །མཁྲིས་པ་བད་ཀན་འཁྲུགས་པ་ལས། །རིམས་རྣམས་སྐྱེ་བར་འགྱུར་བ་དང་། །ལུས་ཅན་རྣམས་ཀྱི་ལུས་ཡུལ་དུ། །འདུས་པ་རླུང་ལས་བྱུང་བ་དང་། །རིམས་དག་རྣམ་པར་གཞིག་པའི་ཕྱིར། །ཐུབ་པས་བསྡུ་བ་བྱས་པ་ནི། །ཁར
48a2 ལ་སོགས་ཡན་ལག་དྲུག་། ཤ་དང་སྐོལ་མ་ཁུ་བ་དག་།ཐ་དད་མཚན་གྱིས་འཇིག་འགྱུར་བ། །ལུས་ཅན་རྣམས་ཀྱི་རིམས་ཀུན་ཏོ། །རྣམ་ཤེས་རྣམས་ནི་ཀུན་གཞི་ལ། །ཕན་ཚུན་ཐ་དད་མི་གནས་ཏེ། །གལ་ཏེ་ཆོས་ཀྱི་རང་བཞིན་ནམ། །མཚན་ཉིད་གཅིག་ནི་ཡོད
48a3 གྱུར་ན། །དེ་ཚེ་ཆོས་དང་མཚན་ཉིད་ལ། །མཚན་ཉིད་མི་འདྲ་མེད་པར་འགྱུར། །རྫས་རྣམས་བསྡུས་པས་སེལ་མི་ནུས། །མི་ཡང་སོས་པར་མི་འགྱུར་རོ། །སོས་དང་རྣམ་པར་བསལ་བ་འདི། །མཁས་པ་རྣམས་ཀྱིས་མཐོང་བ་སྟེ། །གཞན་དུ་ཀུན་གཞི་རྣམ
48a4 ཤེས་པ། །རྣམ་པ་མང་པོར་གནས་པ་སྟེ། །སྒྱུ་མའི་བཞིན་འཁོར་བ། །རྣལ་འབྱོར་བརྩོན་པས་བརྟགས་པ་ཡིན། །མཚན་མེད་མཚན་ཅན་མེད་པ་སྟེ། །ཕུང་པོ་རྣམས་ལས་ཕུང་པོ་ཅན། །གཞན་མེད་ཡན་ལག་ཉིང་ལག་ལས། །ཡན་ལག་ཅན་མེད
48a5 ཡན་ལག་ལ། །འཇིག་རྟེན་རྒྱུ་ཡིས་མ་བྱས་ཏེ། །འབྲས་བུ་རྣམས་ལ་རྒྱུ་ཡང་མེད། །འཇིག་རྟེན་རྡུལ་ཕྲན་བསགས་པ་མིན། །ཕྱོགས་དང་གནས་སུ་མི་འགྲོའོ། །དེ་དག་སོར་གཉིས་སོར་གསུམ་དུ། །ཅི་ཡང་རྩོམ་པར་མི་བྱེད་དེ། །དངོས་པོ་ཡོད་པ་ཕྲད་པའི
48a6 ཕྱིར། །རྡུལ་ཕྲན་ཐམས་ཅད་འདུ་བར་འདོང་། །དེ་ཚེ་ཡོན་ཏན་ཁྱད་ཡོད་པ། །ཡོན་ཏན་རྣམས་ཀྱིས་ཡོན་ཏན་དུ། །འཇིག་རྟེན་མ་བྱས་རང་བཞིན་གྱིས། །འཇིག་རྟེན་རྐྱེན་ལས་མ་བྱུང་སྟེ། །འདོད་རྒྱལ་དངོས་ཀྱིས་དེ་བཞིན་མིན། །ཆོས་གསུམ་པས་ཀྱང་མ་བྱས་ཏེ། །བག
48a7 ཆགས་རྣམས་ཀྱིས་དཀྲུགས་པའི་སེམས། །རྣམ་པར་རྟོག་པ་མང་པོའི་གནས། །སྙིང་གི་ཕྱོགས་ན་གནས་པ་ཡི། །ལུས་ཅན་ཀུན་གྱི་ཀུན་གཞི་དང་། །སེམས་དང་ཡིད་དང་རྣམ་ཤེས་རྣམས། །འགྲོ་བ་དག་གིས་སྣ་ཚོགས་བརྟགས། །འགྲོ་བ་མ་ལུས་རབ་མནན་ཏེ། །
iiif viewer powered by OpenSeadragon
