| e-texts navigator |
| Wylie |
47b1 ཀྱི་བསམ་གཏན་དག་། ལྷ་རྫས་བསོད་ནམས་ལྟ་སྦྱོང་བ། །རྣལ་འབྱོར་ཅན་དང་རྒྱལ་བའི་སྲས། །མཉམ་བཞག་རྟག་པར་བསམ་གཏན་བྱེད། །འདི་དག་ཐམས་ཅད་སེམས་ཙམ་སྟེ། །མཚན་ཅན་མཚན་ཉིད་ཡོད་པ་མིན། །ཕུང་པོ་རྣམས་མེད་ཁམས་ཡོད་མིན། །
47b2 ཐམས་ཅད་ཆོས་ལ་མཚན་ཉིད་མེད། །རྡུལ་ཕྲན་རྣམ་པར་གཞིགས་པ་དང་། །དེ་དག་དེ་ལྟར་མི་གནས་སོ། །རྟོག་པ་བསྐྱེད་པས་བརྟགས་པ་ནི། །དངོས་པོ་ས་དང་ཆུ་ལ་སོགས། །དངོས་པོའི་རང་བཞིན་མི་ཤེས་པ། །མཚན་ཉིད་དུ་ཡང་རྣམ་པར་རྟོག་།ཁ་དོག་སྡུག
47b3 དང་མི་སྡུག་དང་། །ཁ་དོག་སྣང་གཞན་དེ་བཞིན་ཏེ། །འཇའ་དང་ཨིན་དྲ་གོ་བ་ལྟར། །ཁ་དོག་སྣ་མང་སྤྲིན་ལྟ་བུའི། །སངས་རྒྱས་སྐུ་དང་འདྲ་བ་ཡིས། །ཐམས་ཅད་འགྲོ་བ་ཀུན་བཀང་སྟེ། །རྒྱས་པའི་སྐྱེ་མཆེད་ཅེས་བྱ་བས། །འབྱུང་བ་རྣམས་ཀྱང་རྣམ་གཞིགས་ཏེ། །
47b4 རྣལ་འབྱོར་ཤེས་པ་གཟུགས་ཅན་གྱིས། །ལུས་ལ་རྟག་ཏུ་གཟུགས་ཀྱང་མཐོང་། །གང་ལ་དམིགས་ཏེ་མཉམ་བཞག་པ། །དེ་ལ་དམིགས་ཤིང་རྣམ་པར་ལྡང་། །གང་དང་གང་ལ་རྣམ་རྟོག་པ། །དེ་དང་དེ་ནི་དམིགས་པ་ཡིན། །རྣལ་འབྱོར་ཅན་མེད་རྣལ་འབྱོར་མེད། །
47b5 དེ་ལྟར་རྣམ་པར་རྟོག་པ་ནི། །རྣལ་འབྱོར་ཅན་གྱི་རྣལ་འབྱོར་ཉིད། །ཀུན་གཞི་ས་རྣམས་ཐམས་ཅད་དང་། །ཐུབ་པའི་རྣལ་འབྱོར་བདེ་ལ་གནས། །ཆོས་དང་ཆོས་ཀྱི་མཚན་ཉིད་ཀྱང་། །རྟག་ཏུ་རབ་ཏུ་རྟོགས་བྱས་ཤིང་། །མཉམ་པར་བཞག་པའི་ཁྱད་པར་དག་།
47b6 མཉམ་བཞག་ལྡན་པ་རབ་ཏུ་སྟོན། །ཆོས་ཀྱི་རང་བཞིན་རྣམ་ཕྱེ་བས། །རྣལ་འབྱོར་ཅན་གྱི་བློ་འཁྲུག་པ། །བློ་གྲོས་ཞན་པས་རབ་ཏུ་སྐྱེ། །ཆོས་དང་བདག་ལ་འཛིན་པར་འགྱུར། །ཡིད་ཆེས་ལུང་དང་མི་ལྡན་པར། །ཆོས་རྣམས་སྟོན་པར་བྱེད་པ་ནི། །མཚན་ཉིད་རྣམ
47b7 པར་རྟོག་པ་ཡིས། །བདག་ཀྱང་ཆུད་ཟོས་གཞན་ཆུད་གསོན། །མཚན་ཉིད་ཅན་མེད་མཚན་ཉིད་མེད། །འདྲེས་པའི་ཕྱིར་ན་རྣམ་པར་སྣང་། །མངར་བའི་རྣམས་ནི་མཁྲིས་པ་སེལ། །བད་ཀན་ཚ་སྐྱུར་ལན་ཚྭ་སྟེ། །མ་ཞུ་ཚ་བའི་རྣམ་པ་དང་། །ལན་ཚྭ་ལ་སོགས
iiif viewer powered by OpenSeadragon
