| e-texts navigator |
| Wylie |
47a1 རྣམས་ཀྱི་དགོས་པ་དག་། རྒྱལ་སྲས་འཇིགས་པ་མེད་པའི་རྣམས། །ཀུན་ཀྱང་སེམས་ཤིང་རབ་ཏུ་གནས། །སྟུག་པོའི་རྒྱན་དང་རྒྱལ་པོ་ལ། །ལྟ་བ་མཉམ་པར་བཞག་པའི་རྣམས། །མགོ་ལ་ཅོད་པན་ཐོགས་པ་དག་།མཚན་རབ་སུམ་ཅུ་རྩ་གཉིས
47a2 ཀྱིས། །ཡན་ལག་བྲིས་པ་དེ་དག་ཀུན། །བྱེ་བའི་ཞིང་ནས་འོངས་པ་སྟེ། །གཡོ་བ་རྣམས་དང་ཤིན་ཏུ་བྲལ། །ཐམས་ཅད་གོས་བཟང་ཆ་ལུགས་མཛེས། །རྣལ་འབྱོར་སྤྱོད་པ་སྟོབས་ཆེན་ཏེ། །བལྟའོ་རྡོ་རྗེ་སྙིང་པོ་ལ། །རྣམ་པར་རྟོག་དང་རྣམ་དཔྱོད་ལ། །ཆོས་ལ
47a3 མོས་པ་ཡང་དག་ཏུ། །མཐོང་སྟེ་དེ་ནས་དེ་ཀུན་དང་། །ཕྱོགས་རྣམས་བཞི་པོར་བལྟ་བྱས་ཏེ། །འཛུམ་པ་སྔོན་དུ་རབ་བཏང་ནས། །འཇམ་ཞིང་སྙན་པའི་དབྱངས་སུ་སྨྲས། །རྒྱལ་སྲས་མཉམ་པར་བཞག་པའི་རྣམས། །རྣལ་འབྱོར་ཅན་གྱི་རྣལ་འབྱོར་ཡུལ། །གང་ལ་རྟོག
47a4 ཅན་མྱོས་འགྱུར་བ། །དེ་དག་བདག་ལས་མཉན་པར་གྱིས། །གང་བསམ་གང་གིས་ཇི་ལྟ་བུར། །བསམ་གཏན་བསམ་བྱེད་དགོས་པ་དག་།འདོད་དང་སྡིག་པ་རྣམས་ཀྱིས་དབེན། །རྣམ་པར་རྟོག་བཅས་རྣམ་དཔྱོད་བཅས། །དགའ་བདེ་དབེན་ལས་སྐྱེས་པར་ཡང་། །བསམ
47a5 གཏན་དང་པོ་སྐྱེ་བ་ཡིན། །དེ་ལྟ་བུ་ཡི་རིམ་ཚུལ་དུ། །བཞི་དང་བརྒྱད་དང་དེ་བཞིན་བཅུ། །མུར་འདུག་བདག་ཏུ་སྨྲ་བ་དང་། །བསམ་གཏན་ཅན་རྣམས་བསམ་གཏན་བྱེད། །ཉན་ཐོས་ཐེག་པ་ཅན་རྣམས་དང་། །རང་རྒྱལ་ཐེག་ལྡན་དེ་བཞིན་ཏེ། །ཀུན་ཀྱང་རྟག་ཏུ་བསམ་གཏན
47a6 བྱེད། །ཆོས་རྣམས་དང་ནི་ས་དག་གི། །རང་གི་མཚན་ཉིད་རྟོགས་པ་དང་། །ཕུང་པོའི་སྐྱེ་མཆེད་ཚོགས་ཀྱི་རྣམས། །འདི་དག་ཐམས་ཅད་བདག་མེད་དེ། །བྱེད་པ་མེད་ཅིང་གཡོ་བ་མེད། །གསུམ་པོ་འདུས་ལས་རབ་ཏུ་བྱུང་། །འཁྲུལ་འཁོར་རོ་ལངས་འདྲ་བ་སྟེ། །བྱེད་པ་རྣམས
47a7 ཀྱིས་རྣམ་པར་སྤངས། །ཐུབ་པ་ཕྱི་རོལ་བསམ་གཏན་བྱེད། །སྟོང་པར་ལྟ་བའི་ལྟ་བ་ཅན། །ཆོས་ཀྱི་མཚན་ལ་མོས་པ་རྣམས། །ཆུད་གསོན་མཚན་ཉིད་མ་ཡིན་ནོ། །ཕུང་པོ་བདག་མེད་མཁས་པའི་རྣམས། །བསམ་གཏན་འདི་འདྲར་བསམ་གཏན་བྱེད། །དེ་བཞིན་གཤེགས
iiif viewer powered by OpenSeadragon
