| e-texts navigator |
| Wylie |
46b1 ལྡན་ཞིང་གསུམ་ལས་ཡང་། །སེམས་དང་ཡིད་དང་རྣམ་ཤེས་རྣམས། །བག་ཆགས་སྲེད་པས་བསྐྱེད་པ་དང་། །རང་སེམས་རྣམ་པར་འཁྲུལ་པ་ཡིས། །དབའ་རླབས་བཞིན་དུ་རྟག་ཏུ་འབྱུང་། །ཆོས་རྣམས་ཀུན་གྱི་འབྱུང་བ་དག་།ཕྱི་དང་ནང་ཡང་རྣམ་བསྒོམས་ཏེ། །
46b2 ཐུབ་པའི་གནས་ཀྱང་རྣམ་བསྒོམས་ནས། །མཉམ་པར་གཞག་པ་སྟུག་པོར་འགྲོ། །རྡོ་རྗེའི་སྙིང་པོ་ཁྱོད་དང་ཡང་། །རྒྱལ་སྲས་འཇིགས་མེད་གཞན་དག་ཀྱང་། །སྟུག་པོར་འཇུག་པར་བྱེད་པའི་ཆོས། །ཐམས་ཅད་ཆོས་ཀྱང་རབ་སྟོན་པ། །རྒྱལ་བ་རྣམས་དང་རྒྱལ
46b3 སྲས་རྣམས། །ཐབས་ཅིག་རབ་ཏུ་རྣམ་དགོངས་ཏེ། །ཆོས་ཀྱི་མཚན་ཉིད་དཔེ་མེད་པ། །རྨད་དུ་བྱུང་བ་འདི་བསྟན་ཏོ། །རྡོ་རྗེ་སྙིང་པོ་འཇིགས་མེད་པ། །རིན་ཆེན་སྣ་ཚོགས་ཟླ་སྙིང་གི། །སེང་གེའི་ཁྲི་ལ་རབ་འདུག་སྟེ། །ཤེས་རབ་ཆེན་པོས་རྣམ་བསྒོམས་ཀྱིས། །རྒྱལ
46b4 བའི་སྲས་ཀྱིས་མདུན་བདར་བ། །སྟུག་པོའི་རྒྱན་ལ་རྣམ་པར་བསྒོམས། །རྣམ་པར་བསྒོམས་ནས་རྟག་པར་འདི། །རྣལ་འབྱོར་ཅན་གྱི་རྣལ་འབྱོར་སྟོན། །ཟླ་དབང་རྒྱལ་བ་དེས་བསྟན་ལ། །བག་མེད་པར་ནི་མ་བྱེད་ཅིག་།ཟླ་བའི་དཔལ་གྱི་བཅོམ་ལྡན་འདས། །སྤྲུལ་པར་བྱ་བ་མང
46b5 སྤྲུལ་ཅིང་། །འདོད་པའི་ཁམས་ཀྱི་བསྙེམས་བྲལ་དང་། །གཟུགས་ཅན་རྣམས་ཀྱི་གནས་སུ་ཡང་། །རྒྱལ་སྲས་རྣམས་ཀྱིས་ཀུན་ནས་བསྐོར། །ལྷ་རྣམས་ཀྱིས་ཀྱང་མདུན་བདར་ཅིང་། །ཚུལ་གྱིས་དམ་པ་སྟོན་པ་ནི། །འཇིགས་མེད་སྟུག་པོའི་རྒྱན་ཡིན་ནོ། །རྣལ་འབྱོར
46b6 ཅན་གྱིས་སྤྱོད་པའི་མཆོག་། ཚུལ་བཟང་རྣལ་འབྱོར་སྤྱོད་པ་སྟེ། །སོ་སོ་རང་རིག་ཤེས་པ་ཡི། །ཏིང་ངེ་འཛིན་དང་བདེ་བའི་རྣམས། །ཡང་དག་མཐའ་ལ་མི་རིག་པར། །རྗེས་སུ་མྱོང་བར་བྱས་ནས་ཀྱང་། །རྣལ་འབྱོར་བདེ་ལས་མངོན་ལངས་ཤིང་། །གཅིག་ལ་གཅིག
46b7 ནི་ཕན་ཚུན་ལྟ། །རྣལ་འབྱོར་སྤྱོད་པའི་ཚུལ་དགེ་འདི། །གང་གིས་ཤིན་ཏུ་མཐོང་བར་གྱུར། །རྣམ་པ་སྣ་ཚོགས་འོས་པ་ཡི། །སྟན་གྱི་མཆོག་ལ་འཁོད་པའི་རྣམས། །ཀུན་ཀྱང་ངོ་མཚར་རབ་ཏུ་རྙེད། །བསམ་བྱེད་བསམ་གཏན་བསམ་པ་དང་། །བསམ་གཏན
iiif viewer powered by OpenSeadragon
