| e-texts navigator |
| Wylie |
46a1 སོགས་པ་སྟེ། །ཡིད་ནི་ཁོང་དུ་ཆུད་པར་བྱེད། །རྣམ་པར་ཤེས་པས་རྣམ་པར་རིག་།ལྔ་པོས་སྣང་བ་རྟོགས་པར་བྱེད།། །།འཕགས་པ་རྒྱན་སྟུག་པོ། །བམ་པོ་བཞི་པ་སྟེ་ཐ་མ། ལུས་ནི་སེམས་ཀྱིས་བཟུང་བ་ཡིན། །ཡིད་ནི་ལམ་རྒྱུད
46a2 འདོད་པ་སྟེ། །རྣམ་པར་ཤེས་པས་རྣམ་པར་རིག་།སྣང་བ་གཅོད་པ་ལྔ་པོའོ། །རྒྱུ་ལ་དམིགས་ཤིང་རྣམ་ཤེས་རྣམས། །སྐྱེ་སྟེ་གཞན་ནི་དེ་རྗེས་འབྲང་། །ཡིད་ལ་དམིགས་ཤིང་གཞན་དག་ཀྱང་། །མཐར་ཆགས་སུ་ནི་རབ་ཏུ་འབྱུང་། །ཡིད་རྙེད་ནས་ཀྱང་གཞན་དག་ནི། །
46a3 དབང་གི་ཡོན་ཏན་རྣམས་ཀྱིས་བྱས། །དབང་ནི་ལྔ་དང་ལྷན་ཅིག་ཏུ། །རྣམ་པར་ཤེས་པ་རབ་ཏུ་བྱེད། །འདུ་བྱེད་རྒྱུ་དང་ལྷན་ཅིག་ཏུ། །རོ་ལངས་འགྲོ་དང་འདྲ་བ་སྟེ། །སྨིག་རྒྱུ་དག་ནི་གཟུགས་དང་མཉམ། །ལོག་པ་མ་ཡིན་བདེན་པ་མིན། །འདི་ནི་བདག་མེད་སྟོང་པ་སྟེ། །
46a4 སྲིད་པས་ཀུན་དུ་དྲངས་པ་ཡིན། །འབྱུང་རྣམས་ལྷན་ཅིག་འབྱུང་བ་དག་།ཐམས་ཅད་དུས་ཡིད་ལྷན་ཅིག་སྟེ། །སེམས་བྱུང་ཡིད་ཅེས་བྱ་བ་དང་། །ལྷན་ཅིག་རྣམ་པར་ཤེས་པ་འབྱུང་། །རྣམ་ཤེས་ལྔ་པོ་དེ་དག་དང་། །ཡིད་ཀྱི་རྣམ་ཤེས་ལྡན་པ་ནི། །གནས་ངན་ལེན
46a5 དང་སྲེད་བསྒོས་པ། །རྒྱུན་མི་འཆད་པར་རབ་ཏུ་འབྱུང་། །ལུས་ཅན་ཀུན་གྱི་ཀུན་གཞི་ཡང་། །སེམས་དང་སེམས་བྱུང་ལྡན་པ་འབྱུང་། །ཀུན་གཞི་རྙེད་ནས་དེ་དག་རྒྱུ། །རྒྱུ་ནས་རྒྱས་པར་བྱེད་པ་སྟེ། །སེམས་རྣམས་ལམ་རྒྱུད་ཐམས་ཅད་དུ། །རྟག་པར་གཅིག་ལས་གཅིག
46a6 རྒྱས་འགྱུར། །ས་འདི་རྣམ་པ་སྣ་ཚོགས་པ། །རྣམ་པར་ཤེས་པ་རྣམས་ལས་འབྱུང་། །ཀུན་གཞི་སྣ་ཚོགས་གཟུགས་ཅན་ནི། །རྣམ་ཤེས་རྣམས་ཀྱི་གནས་ཡིན་ནོ། །ཕན་ཚུན་རྒྱུ་ཡི་སྟོབས་ལྡན་པ། །རྣམ་ཤེས་འཁོར་ལོ་འཁོར་བ་སྟེ། །ཀུན་གཞི་མཚོ་ལས་དབའ
46a7 རླབས་བཞིན། །ས་བོན་དག་དང་མྱུ་གུའི་རྒྱུད། །ཆུ་བོའི་རྒྱུན་ཀྱང་མཚམས་མེད་ཅིང་། །རྒྱུན་མི་འཆད་པར་འབྱུང་མོད་ཀྱི། །ཐ་དད་བྱེ་བྲག་དག་ཀྱང་སྣང་། །དེ་བཞིན་རྣམ་ཤེས་སྤྱོད་པ་སྟེ། །མཚམས་མེད་པ་ཡི་རྒྱུན་དུ་ཡང་། །རྒྱུན་མི་འཆད་པར་རབ་ཏུ་འབྱུང་། །གསུམ་དང
iiif viewer powered by OpenSeadragon
