| e-texts navigator |
| Wylie |
45b1 ཀྱང་གྱུར་པ་དང་། །ཐུབ་པ་རྣལ་འབྱོར་བརྩོན་པའི་རྣམས། །དེ་དག་རྟག་ཅིང་གྲོལ་བ་ཡིན། །རྣམ་ཤེས་རྣམས་ནི་དབའ་རླབས་བཞིན། །ཀུན་གཞི་མཚོ་ལས་འབྱུང་བ་སྟེ། །ཆོས་ལྔའི་རང་བཞིན་རྣམ་ཤེས་ཀྱིས། །རབ་ཏུ་བསྐྱོད་ཅིང་ཤིན་ཏུ་རྒྱུ། །གནས་ངན་ལེན་གྱི
45b2 སྤྲོས་པ་ཡིས། །བཅོམ་པ་གནས་མེད་དོན་གྱི་གཟུགས། །ལྟ་བའི་ཡུལ་དུ་རྣམ་པར་གཡོ། །དེ་ལྟར་ཤེས་ནས་ཕྱིར་ལོག་སྟེ། །གཞན་གྱུར་མི་བཟད་རྟག་པའི་རྣམས། །མགོན་པོ་དག་ནི་སྟུག་པོར་འདོང་། །སྟུག་ན་གནས་པ་ཟླ་བ་བཞིན། །རྟག་ཏུ་གཟུགས་བརྙན
45b3 རྣམ་པར་མཛེས། །ཕུང་པོ་སྟུག་པ་ཀུན་གཞི་སྟེ། །ཡིད་ནི་དེ་ལ་ཉེ་ཕན་ནོ། །རྣམ་པར་ཤེས་པ་རྟོགས་པར་བྱེད། །གཟུགས་དང་ལས་ལ་སོགས་པའི་རྒྱུ། །རྣམ་ཤེས་ལྔ་ཡི་ཚོགས་རྣམས་ནི། །དབང་པོར་བཅས་ཤིང་ཡུལ་གཞོལ་བས། །སྣ་ཚོགས་ཡིད་ལ་འཛིན
45b4 པར་བྱེད། །ཀུན་གཞི་ཡུལ་ཅན་མ་ཡིན་ནོ། །ཚེ་ནི་ཀུན་གཞི་རྣམ་ཤེས་ཏེ། །ཡིད་ནི་དྲོད་དུ་རབ་ཏུ་གནས། །ཡིད་ཀྱི་རྣམ་ཤེས་དེ་ན་སྟེ། །ལྷག་མ་དབང་པོ་ལྔར་ཡང་གནས། །སེམས་དང་ཡིད་དང་རྣམ་པར་ཤེས། །ཕུང་པོའི་དབུས་ན་རྣམ་པར་གནས། །བག་ཆགས
45b5 ལས་དང་འབྲེལ་བའི་རྣམས། །སྔོན་ཅད་བྱས་པ་རྣམས་ཀྱིས་འབྱུང་། །འདོད་ཆགས་སྲེད་ལས་བྱུང་བ་ཡི། །ལས་ཀྱིས་བྱ་བ་བྱེད་པ་སྟེ། །སྔོན་ཆད་དེ་དག་ལས་བྱས་པས། །རྒྱུན་དུ་ལས་རྣམས་འབྱུང་བ་ཡིན། །ལུས་ལས་ལུས་ནི་གཞན་ལ་འགྲོ། །འཕོ་བ་སྲིན་བུ་པད་པ
45b6 བཞིན། །སེམས་དང་སེམས་བྱུང་བཅས་པའི་རྣམས། །རྒྱུན་ཆགས་པར་ནི་ཤིན་ཏུ་འདོང་། །ཡང་ཞིང་ཕུང་པོའི་ཚོགས་རྣམས་དང་། །རྣམ་ཤེས་སྲིད་པ་དོག་པར་ཡང་། །ཚོགས་ཤིང་རབ་ཏུ་འབྱུང་བ་ནི། །ལས་རྣམས་ཤིན་ཏུ་འབྱུང་བའི་ཕྱིར། །ཚེ་དང་དྲོད་དང
45b7 རྣམ་ཤེས་འདིས། །གང་ཚེ་ལུས་ནི་བོར་གྱུར་པ། །དེ་ཚེ་ལུས་ནི་དོར་བ་སྟེ། །ཤིང་བཞིན་ཚོར་བ་མེད་པའོ། །སེམས་ནི་ཀུན་གཞི་རྣམ་པར་ཤེས། །ངར་སེམས་བདག་ཉིད་ཡིད་ཡིན་ནོ། །གང་ཞིག་ཡུལ་ལ་འཛིན་བྱེད་པ། །དེ་ནི་རྣམ་པར་ཤེས་ཞེས་བྱ། །སེམས་ནི་ལས་རྣམས
iiif viewer powered by OpenSeadragon
