| e-texts navigator |
| Wylie |
45a1 འདི་དང་མང་པོར་ཡང་། །འགྲོ་བ་རྣམས་ནི་ཀུན་གཞི་རྟོག་།གང་ཚེ་ཀུན་གཞི་འདི་འདྲ་བར། །རྣམ་པ་སྣ་ཚོགས་ཀུན་མཐོང་སྟེ། །འགྲོ་བ་རང་སེམས་མཐོང་བ་དང་། །དེའི་ཚེ་སེམས་ནི་ཕྱིར་ལྡོག་གོ། །ཆོས་རྣམས་ཐམས་ཅད་ཀུན་གྱི་གཞི། །བག་ཆགས་སྙེམས
45a2 ལ་སོགས་པ་དང་། །རྟོག་པས་རྙོག་པ་ཅན་དུ་བྱས། །གཞན་དུ་གྱུར་ནས་ཟག་པ་མེད། །ཟག་མེད་ངང་ལུགས་རབ་ཐོབ་ནས། །དེ་དག་རྟག་ཅིང་བརྟན་པར་འགྱུར། །ནམ་མཁའ་མྱ་ངན་འདས་དང་མཉམ། །འགོག་དང་འདྲ་བ་དེ་བཞིན་ཏེ། །མཉམ་གཞག་སེམས་དང་ལྡན་པ་ལ། །
45a3 མི་ཟག་ཆོས་རྣམས་སྐྱེ་བར་འགྱུར། །རྫུ་འཕྲུལ་བསམ་གཏན་རྣམ་ཐར་དང་། །ཏིང་ངེ་འཛིན་དང་སྟོབས་རྣམས་དང་། །ཐབས་དང་སྟོབས་དང་མངོན་ཤེས་དག་།འབྲི་མེད་མི་ཟད་དེ་བཞིན་ཏེ། །ནམ་མཁའ་ཟད་ཀྱི་མཐར་སྙེགས་ཤིང་། །དབྱིངས་བློ་རྣམ་ཤེས་རྟག་པ་དང་། །
45a4 མཐར་ཕྱིན་བཅུ་ཡི་གནས་ལྡན་ཞིང་། །ཡིད་བཞིན་ཤིན་ཏུ་བརྟན་པའི་ལུས། །རྣལ་འབྱོར་མཁས་པའི་རྣལ་འབྱོར་ཅན། །གཞན་དུ་གྱུར་ནས་རབ་ཏུ་འཐོབ། །འཇིག་པ་མྱ་ངན་འདའ་མ་ཡིན། །སེམས་ཅན་ཡོད་མིན་སྐྱེ་བ་མེད། །འབྲི་མེད་གང་བ་མེད་པར་ཡང་། །རྒྱལ་བ
45a5 རྣམས་ཀྱིས་འགྲོ་བ་བཤད། །ཞིང་གཞན་རྣམས་དང་ཞིང་འདི་ཡི། །ཆོས་ཉིད་གཅིག་ཏུ་ཟད་པ་སྟེ། །སྐྱེས་པར་གྱུར་ཏམ་མ་སྐྱེས་ཀྱང་། །ཆོས་རྣམས་ཆོས་ཉིད་དེ་བཞིན་གནས། །རྣལ་འབྱོར་ལྡན་པ་གྲོལ་བ་ལ། །རྟག་མེད་ཆད་པ་མེད་པ་སྟེ། །སེམས་ཅན་ཁམས་རྣམས
45a6 ཞིག་གྱུར་ན། །ཐམས་ཅད་མཁྱེན་པ་མི་སྣང་ངོ་། །མ་བྱོན་པ་ཡི་རྒྱལ་བ་དང་། །འདས་དང་ད་ལྟར་བྱུང་བ་དག་།མཉམ་པ་མ་ཡིན་འཐུན་པ་མིན། །ཤེས་བྱ་ཟད་ནས་དེ་དག་འབྱུང་། །བདུད་རྣམས་ཚར་བཅད་ལོག་པ་སྟེ། །བརྗོད་དང་བཅས་དང་བརྗོད་མེད་ཀྱང་། །དེ་སྟེ་སེམས
45a7 ཅན་འཇིག་ན་ནི། །སྡུག་བསྔལ་སྦུབས་ལས་མི་འགྲོལ་ལོ། །ལྕགས་ཀྱི་གར་བུ་བསྲེགས་པ་ལས། །མེ་ལས་བྱུང་སྟེ་བསིལ་གྱུར་ཅིང་། །ལྕགས་ནི་རྟག་པར་འདུག་པ་བཞིན། །དེ་ལྟར་རྣལ་འབྱོར་ཅན་དག་འཁོད། །ཕུང་པོའི་ཁྱིམ་དང་ངེས་བྱུང་བའི། །བག་ཆགས་རྣམས
iiif viewer powered by OpenSeadragon
