| e-texts navigator |
| Wylie |
44b1 ཅོད་པན་དུ་ཡང་འོས། །ཅོད་པན་ལ་ཡང་གདགས་པ་ཡིན། །དེ་བཞིན་ཀུན་གཞི་རྣམ་པར་ཤེས། །བག་ཆགས་རྣམས་ཀྱིས་བཅགས་བརྡུངས་པ། །རྣམ་དག་སངས་རྒྱས་རིགས་ཡིན་ཏེ། །སངས་རྒྱས་ཉིད་དུ་དེ་གཟུང་ངོ་། །ཇི་ལྟར་ཆུ་གཏིང་རྡོ་བ་དག་།ཉ་ལྕིབས་དག
44b2 གིས་ཡོངས་དཀྲིས་པ། །དེ་བཞིན་ཀུན་གཞི་རྣམ་ཤེས་ཀྱང་། །བག་ཆགས་དྲི་མ་ཅན་དུ་བྱས། །གཟུང་དང་འཛིན་པའི་གཟུངས་སུ་ཡང་། །དངོས་པོ་གཉིས་ཀྱིས་རབ་ཏུ་འཇུག་།ཇི་ལྟར་ཁ་གཉིས་ཡོད་པའི་སྦྲུལ། །གང་དུ་འདོད་པ་དེར་འགྲོ་སྟེ། །དེ་བཞིན་ཀུན་གཞི
44b3 རྣམ་པར་ཤེས། །རིམ་དང་ཅིག་ཅར་རྒྱུ་བ་ཡིན། །རྟག་ཏུ་སྣ་ཚོགས་གཟུགས་ལྟ་བུ། །དེ་ལ་རྟོག་པས་རྣམ་པར་བརྟག་།རྟོག་ཅན་རྣམ་པར་མྱོས་འགྱུར་བ། །བདག་དང་བདག་གིར་རྣམ་རྟོག་ཅིང་། །ཡོད་དང་མེད་ཀྱི་རྒྱུ་སྡོད་པའི། །ས་རྣམས་ལ་ཡང་རྣམ་རྟོག་སྟེ། །འགྱུར
44b4 བའི་ཡོངས་སུ་གྱུར་པ་དང་། །ཀུན་གཞི་ཟབ་པ་ཉིད་དག་ཀྱང་། །བློ་ཆུང་རྣམས་ཀྱིས་མི་རིགས་པས། །སྒྱུ་མའི་བཞིན་དུ་འཁོར། །རང་བཞིན་གཅིག་མིན་ཤེས་པར་དཀའ། །ལུས་ཅན་ཀུན་ལ་འདྲ་བ་སྟེ། །དེ་བཞིན་ཀུན་གཞི་རྣམ་ཤེས་ཀྱང་། །རྟག་ཏུ་སྒྱུ
44b5 མའི་འདྲ། །སེམས་ཅན་གཅིག་མིན་ཤེས་པར་དཀའ། །ཡོད་དང་མེད་པར་རྣམ་པར་བརྟགས། །རྡུལ་དང་གཙོ་བོ་སྐྱེས་བུ་དང་། །མི་གསལ་ཚངས་པའང་དེ་ཡིན་ཏེ། །རྟོག་པས་འཁྲུལ་པའི་རྟོག་ཅན་རྣམས། །ཀུན་གཞི་ལ་ནི་རྟག་ཏུ་རྟོག་།ས་རྣམས་ལྟ་བུར
44b6 གནས་པ་ལ། །སྣ་ཚོགས་སར་ཡང་དེ་བཞིན་རྟོག་།ས་ལ་གང་གིས་རྟོག་གྱུར་པའི། །ཡིད་ནི་ཀུན་ནས་རྟོག་ཅེས་བྱ། །ཇི་ལྟར་རི་མོ་མཐོ་དམན་དང་། །རྣམ་པ་སྣ་ཚོགས་སྤྲིན་གྱི་གཟུགས། །འཇའ་དང་སྲེད་བྱེད་དང་། །སྤྲིན་སྒྲ་འབྲུག་ཀྱང་ཇི་བཞིན་ཏེ། །རབ་རིབ
44b7 ཅན་གྱི་ཕྲེང་བ་དང་། །བཟང་མོའི་གདོང་ཡང་དེ་བཞིན་དུ། །རྨི་ལམ་དག་ན་རྣམ་སྣ་ཚོགས། །དྲི་ཟའི་ཁང་པ་གནས་རྟེན་དང་། །རོ་ལངས་ཆུ་ཡི་ཤིང་རྣམས་དང་། །བྲག་ཅ་སྤྲིན་དང་དུ་བ་དང་། །མེ་ལོང་མིག་ལ་གཟུགས་བརྙན་དང་། །ཆུ་ལ་ཆུ་ཡི་ཟླ་བ་དང་། །རྣམ་རྟོག
iiif viewer powered by OpenSeadragon
