| e-texts navigator |
| Wylie |
43b1 རྣམ་ཤེས་དེ་ནི་དེས་བྱས་པའི། །བག་ཆགས་རྣམས་ཀྱིས་རྒྱས་པར་འགྱུར། །འབྱུང་ཞིང་ལ་ལ་ཕྱིར་ལྡོག་སྟེ། །ཆད་མེད་རྟག་པ་མེད་པའོ། །རང་སེམས་ཁོང་དུ་མ་ཆུད་པས། །ཡུལ་ལ་གཞོལ་བའི་རྣམ་ཤེས་རྣམས། །རབ་ཏུ་ཞུགས་ཀྱང་ཕྱིར་ལྡོག་པ། །འགྲོ་བ
43b2 རང་སེམས་མཐོང་བའི་ཚེ། །དེ་བཞིན་གཞན་དུ་གྱུར་པའི་སེམས། །མེ་དང་བསྲེག་པ་ཇི་བཞིན་ཏེ། །ཀུན་གཞི་ཡུལ་ལྟར་སྣང་བ་ཡང་། །གཞན་དུ་གྱུར་ནས་ཟག་པ་མེད། །ཟག་མེད་འགྲོས་སུ་སོང་བ་དང་། །འཕགས་པའི་རིགས་སུ་སྐྱེ་བར་འགྱུར། །ཀུན་གཞི་ཡུལ
43b3 ལྟར་སྣང་བ་ནི། །ས་རྣམས་ཁྱབ་པར་བྱས་ཤིང་གནས། །ཡིད་ནི་བདག་ལ་བདག་ཅེས་ཏེ། །ངར་སེམས་རབ་ཏུ་འཇུག་པ་ཡིན། །རྣམ་ཤེས་ཁ་དོག་ཁྱད་པར་དང་། །ཀུན་དུ་གཅོད་པ་རབ་ཏུ་བྱེད། །སེམས་ནི་ལས་རྣམས་སོགས་པ་སྟེ། །ཡིད་ནི་ཁོང་དུ་ཆུད་པར
43b4 བྱེད། །རྣམ་པར་ཤེས་པས་རྣམ་པར་རིག་།ལྔ་པོས་སྣང་བ་མཐོང་བར་འགྱུར། །རབ་རིབ་ལྡན་པ་མྱོས་པ་ཡིས། །ཇི་ལྟར་སྐྲ་ཚོགས་མཐོང་བ་བཞིན། །གཟུགས་ལ་སོགས་ལ་གཟུགས་མེད་དེ། །སེམས་ནི་གཟུགས་ལྟར་གནས་པ་ཡིན། །ཉི་མ་ཟླ་བའི་ནོར་བུ་དག་།
43b5 ཡོངས་སུ་དག་པའི་མཚན་ཉིད་ཅན། །ཉི་ཟླའི་ཟེར་གྱིས་ཕོག་པ་དང་། །དེ་དག་རང་གི་ཡོན་ཏན་འབྱིན། །དེ་བཞིན་ཀུན་གཞི་རྣམ་ཤེས་པ། །དེ་བཞིན་གཤེགས་པའི་དགེ་སྙིང་པོ། །ཟག་མེད་ལེགས་དང་ལྡན་གྱུར་ཏེ། །གཞན་དུ་འགྱུར་ན་རབ་ཏུ་འབྱིན། །འདི་ལྟར་སྣང་བ
43b6 གང་ཡང་རུང་། །མཚན་མ་གཟུགས་སུ་སྣང་བའི་རྣམས། །བག་ཆགས་ཡོག་པའི་ཀུན་གཞི་སྟེ། །ས་རྣམས་ཀུན་ན་གཟུགས་ལྟར་གནས། ཇི་ལྟར་འོ་མ་གྱུར་པ་དང་། །ཡོན་ཏན་ཞོ་དང་དར་བར་སྣང་། །དེ་བཞིན་ཀུན་གཞི་རྣམ་ཤེས་ཀྱང་། །རྣམ་པར་གྱུར་ནས་གཟུགས
43b7 ལྟར་གནས། །ཇི་ལྟར་རབ་རིབ་ལྡན་པས་སྐྲ། །མིག་གི་ཉེས་པས་རྣམ་མཐོང་བ། །དེ་བཞིན་བག་ཆགས་ཉེས་ལྡན་པའི། །ཀུན་གཞི་ལུས་ཅན་རྣམས་ཀྱི་སྟེ། །རྟག་ཏུ་མིག་གི་ནང་སོང་བའི། །གཟུགས་ཀྱི་སྣང་བ་རབ་ཏུ་འཇུག་།འདི་དག་སྣང་བ་ཅི་ཡང་རུང་། །སྨིག
iiif viewer powered by OpenSeadragon
