| e-texts navigator |
| Wylie |
43a1 པ་མཐོང་བའི་ཆོས་ཅན་གྱི། །ཏིང་ངེ་འཛིན་ཀྱང་འདི་དག་ཡིན། །འཕགས་པ་དེ་དག་དེ་ལྡན་ཞིང་། །སྒོམ་དང་མཐོང་དང་ལྡན་པས་ན། །ཆོས་ཀུན་དེ་བཞིན་ཉིད་ཤེས་པ། །ཞིང་ནས་ཞིང་དུ་རབ་ཏུ་འདོང་། །ཇི་ལྟར་ཤིན་ཏུ་བཟང་བའི་གསེར། །གསེར་གྱི
43a2 དབྱིངས་ན་མི་སྣང་སྟེ། །བརྩལ་བས་ཤིན་ཏུ་ཞིབ་བཏགས་ནས། །ཡོངས་སུ་སྦྱངས་ན་སྣང་བར་འགྱུར། །དེ་བཞིན་ཀུན་གཞི་རྣམ་ཤེས་པ། །རྣམ་པར་ཤེས་པ་བདུན་དང་བཅས། །ཏིང་ངེ་འཛིན་གྱིས་ཡོངས་སྦྱངས་པའི། །རྣལ་འབྱོར་ཅན་གྱིས་རྟག་ཏུ་མཐོང་། །ཇི་ལྟར་མ
43a3 བསྲུབས་ཞོ་ལ་ཡང་། །དེ་ན་མར་ཡོད་མི་སྣང་སྟེ། །བསྲུབ་པའི་ཚུལ་གྱིས་མཐོང་བས་ན། །མཁས་པ་རྣམས་ཀྱིས་དེ་ཕྱིར་བསྲུབ། །དེ་བཞིན་ཀུན་གཞི་རྣམ་པར་ཤེས། །རྣམ་ཤེས་བདུན་དང་ལྡན་པ་ཡང་། །རྣམ་པར་བསྲུབས་ཤིང་སྟུག་སྤྱོད་པའི། །ཐུབ་པ་རྣམས་ཀྱིས
43a4 མཐོང་བ་ཡིན། །མ་རིག་པ་ནི་སྡུག་ཅེས་བྱ། །དཀྱིལ་འཁོར་ཡེ་ཤེས་རྣམ་གྲངས་ཏེ། །དཀྱིལ་འཁོར་འདི་ལ་བསླབས་པ་ཡི། །རྣལ་འབྱོར་ཅན་རྣམས་སྟུག་པོར་འདོང་། །གཟུགས་མེད་གཟུགས་ཡོད་ནམ་མཁའ་དང་། །རྣམ་ཤེས་འདུ་ཤེས་མ་ཡོད་དག་།རྣལ
43a5 འབྱོར་ཅན་གྱིས་ཡུལ་བསྒོམས་སམ། །དེ་དག་སྟུག་པོའི་ཞིང་དུ་འདོང་། །ཉི་མ་ཟླ་བའི་འོད་བཞིན་དུ། །འཇིགས་པ་མེད་པའི་རྒྱལ་བའི་སྲས། །རྣལ་འབྱོར་ཅན་གྱི་ཐུབ་སྟོན་ཅིང་། །རྣལ་འབྱོར་སྤྱོད་པའི་ལམ་གནས་པ། །སངས་རྒྱས་ཀུན་གྱིས་དབང་བསྐུར་བས། །དེ་ནི
43a6 དབང་བསྐུར་སྟུག་པོར་སོང་། །སངས་རྒྱས་རྣལ་འབྱོར་རྗེས་སུ་མཐོང་། །གཞན་དུ་གྱུར་ནས་སྟུག་པོར་སོང་། །སྟུག་ན་གནས་ཤིང་སྤྲུལ་པ་དང་། །སྤྲུལ་པའི་སྤྲུལ་པ་དེ་དག་གིས། །གང་ན་གང་ཆོས་སུ་འདོད་པ། །དེ་ནི་མཁའ་ལ་འདུག་ཅིང་སྟོན། །སྔོན་མེད་དུས་ཀྱི་གནས
43a7 ངན་ལེན། །བག་ཆགས་རྒྱུ་ཡིས་བསགས་པ་ཡི། །ཀུན་གཞི་རྣམ་རྟོག་བྱས་པ་ཡིས། །བཅིངས་པ་ཀུན་ཏུ་རབ་ཏུ་འབྱུང་། །ཇི་ལྟར་རྒྱ་མཚོའི་དབའ་རླབས་རྣམས། །རླུང་གིས་རབ་ཏུ་བསྐྱོད་པ་དག་།རྒྱུན་མི་འཆད་པར་རབ་ཏུ་འབྱུང་། །རྣམ་ཤེས་དེ་བཞིན་ཀུན་གཞི་ལ། །
iiif viewer powered by OpenSeadragon
