| e-texts navigator |
| Wylie |
42b1 ཅད་ས་བོན་ཀུན་གཞི་ལ། །རྣམ་པར་ཤེས་པ་ཀུན་ཀྱང་གནས། །རྣམ་ཤེས་བདུན་པོ་ཀུན་གཞི་ལས། །རབ་ཏུ་འབྱུང་ངོ་ཕན་ཚུན་དང་། །སེམས་ཀྱི་རྣམས་དང་ཀུན་གཞི་ལ། །རྟག་མེད་ཆད་པའང་མེད་པ་སྟེ། །ས་རྣམས་ཐམས་ཅད་ཀུན་གཞི་ཡིན། །བར་སྣང་རྣམ་པར་གནས
42b2 པ་སྟེ། །གསུམ་པོ་འདུས་པའི་རྐྱེན་བྱུང་བ། །བདག་དང་དབང་པོ་དག་ལས་བྱུང་། །ལུས་ཅན་རྣམས་ཀྱི་རྣམ་ཤེས་ནི། །ཡུལ་རྣམས་རྙེད་ནས་འབྱུང་བ་སྟེ། །འདི་ནི་རྟོག་པ་ཅན་གྱི་ཚུལ། །རྒྱུ་དང་ལས་ཀྱི་རྒྱུས་བྱུང་བ། །དབང་པོ་ས་རྣམས་ཐམས་ཅད་དང་། །ཚངས་ལ་སོགས
42b3 པ་ཕྱི་རོལ་དང་། །དེ་དག་ལྷ་མིན་ལས་ཀྱང་མིན། །རྡུལ་ཕྲན་གྱིས་ཀྱང་ས་མ་བྱས། །ས་རྣམས་ལྟ་བུར་ཀུན་གཞི་ཉིད། །ལྟ་བའི་ཡུལ་དུ་གཡོ་བ་ཡིན། །རྐྱེན་རྣམས་ཀུན་གཞི་མ་བྱས་ཏེ། །རྐྱེན་གྱིས་ཀུན་གཞི་བྱས་པ་མིན། །འདི་དག་ལ་ནི་གསུམ་འདུས་མེད། །
42b4 རྣམ་ཤེས་འོན་ཀྱང་འཁོར་བ་སྟེ། །ཤེལ་འདྲ་ཟླ་བ་བཞིན་དུ་ཡང་། །རྣམ་ཤེས་རྣམས་དང་ལྷན་ཅིག་རྒྱུ། །བག་ཆགས་བྱུང་བའི་རྣམ་ཤེས་དང་། །ཀུན་གཞི་རྟག་ཏུ་འགྲོགས་པ་ནི། །ཟླ་བ་སྤྱང་ཀིས་ཟིན་པ་བཞིན། །རྣམ་ཤེས་རྣམས་དང་ལྷན་ཅིག་རྒྱུ། །བག་ཆགས་དེ
42b5 ལས་ལངས་པ་ཡིས། །རྒྱས་པར་བྱེད་དོ་ཡང་དང་ཡང་། །རྒྱས་པ་གཞན་ཡང་རྒྱས་བྱེད་དེ། །དེ་ལའང་གཞན་གྱིས་ཡང་དང་ཡང་། །དེ་ལྟར་རབ་ཏུ་འཇུག་པའི་སེམས། །མཐོང་ནས་སེམས་དེ་རྣམ་པར་ལྡོག་།མི་བརྟན་ཡུལ་ལ་ཀུན་ནས་འབྲེལ། །ཁབ་ལོང་རྡོ་ལ
42b6 ལྕགས་བཞིན་ཏེ། །ཀུན་གྱི་གཞི་ལ་སེམས་ཡོད་པ། །ཟག་བཅས་ཟག་པ་མེད་པ་དག་།བག་ཆགས་དག་གིས་བསྒོས་པའི་རྣམས། །འཇུག་དང་ཕྱིར་ལྡོག་བྱེད་པ་ཡིན། །ཇི་ལྟར་བསྲེག་ལས་མེ་བུས་ཤིང་། །གཞན་དུ་མེ་ཡང་རབ་ཏུ་བུད། །དེ་དང་གཞན་དུ་དེ
42b7 བཞིན་བུད། །དེ་དག་ནས་ཀྱང་སྤོ་བཞིན་དང་། །དེ་ལྟར་ཀུན་གཞི་རྣམ་ཤེས་དང་། །གཞན་ཡང་དེ་ལས་བྱུང་བ་རྣམས། །ཆོས་ལ་རབ་ཏུ་རྒྱུ་བ་ནི། །གཏོགས་དང་ཟག་པ་མེད་པ་དག་།མཐོང་བའི་ཆོས་ལ་གནས་པ་ཡི། །ཡུལ་དང་ཡུལ་ཅན་དེ་ཡིན་ཏེ། །འཕགས
iiif viewer powered by OpenSeadragon
