| e-texts navigator |
| Wylie |
41b1 འཚིག་མེད་ས་དང་འདྲ་བར་ཡང་། །རྣམ་པ་ཀུན་གྱིས་ཕན་འདོགས་ཤིང་། །མེ་དང་རླུང་དག་འདྲ་བ་སྟེ། །རྟག་ཏུ་ཆུ་དང་སྨན་འདྲ་བ། །རིན་ཆེན་ཁམས་ཀྱི་འབྱུང་ཁུངས་ལྟར། །སེམས་ཅན་ཀུན་ཀྱང་ཉེ་བར་འཚོ། །སྐྱེས་པ་མེད་ཅིང་འགགས་པ་མེད། །མ་ཆད་རྟག་པ
41b2 འང་མེད་པ་སྟེ། །ཐ་དད་དོན་མིན་དོན་གཅིག་མིན། །འགྲོ་མེད་འོང་བ་མེད་པའི་རྣམས། །རྣམ་པར་བརྟགས་པའི་མིང་དག་དང་། །ཀུན་དུ་བརྟགས་པའི་རང་བཞིན་གྱིས། །སེམས་ཅན་རྣམས་ཀྱི་དོན་བྱེད་པ། །མིང་དང་མིང་མེད་རྣམ་སྤངས་དག་།སྒྱུ་མ་ལྟ་བུ་རྨི་ལམ་འདྲ། །
41b3 དྲི་ཟའི་གྲོང་ཁྱེར་དཔེ་བཞིན་ཏེ། །སྨིག་རྒྱུ་ཆུ་ཡི་ཟླ་བ་འདྲ། །རང་བཞིན་ཀུན་དུ་བརྟགས་པ་དག་།གློག་དང་སྤྲིན་དང་དུ་བ་དང་། །མགལ་བའི་འཁོར་ལོ་སྨིག་རྒྱུ་འདྲ། །འདི་ཚུལ་བརྟགས་པའི་ཆོས་རྣམས་ནི། །རང་བཞིན་ཀུན་དུ་བརྟགས་པ་སྟེ། །གང་དང་གང་གི་མིང་རྣམས
41b4 ཀྱིས། །ཆོས་རྣམས་གང་དང་གང་བརྗོད་པ། །དེ་ནི་དེ་ན་ཡོད་པ་མིན། །ཀུན་ཏུ་བརྟགས་པའི་རང་བཞིན་ནོ། །འདི་དག་ཐམས་ཅད་མིང་ཙམ་སྟེ། །འགྲོ་བ་འདི་ནི་མིང་ཙམ་མོ། །བརྗོད་པ་དང་ནི་ཐ་དད་པ། །བརྗོད་པར་བྱ་བ་གང་ཡང་མེད། །འདི་ནི་ས་ཡི་རང་བཞིན་ཏེ། །
41b5 ཀུན་ཏུ་བརྟགས་པ་རབ་ཏུ་བསྟན། །མིག་དང་གཟུགས་ལས་བརྟེན་བྱས་ཤིང་། །གསུམ་ལས་ཡིད་དེ་འབྱུང་བ་ཡིན། །རྔ་སྒྲ་མེ་ནི་འདུ་འཕྲོད་ལས། །མྱུ་གུ་ས་བོན་ས་ལས་རིམ། །ཁང་པ་ལ་སོགས་སྣ་ཚོགས་དང་། །སྣམ་བུ་རྫ་ལ་སོགས་པ་དང་། །ལུས་ཅན་རྣམས
41b6 དང་ཆོས་རྣམས་ཀྱི། །འདི་ནི་རང་བཞིན་གཞན་དབང་ངོ་། །དོན་རྣམས་དོར་བ་མེད་པ་དང་། །གང་ཡང་ཟག་པ་མེད་པའི་ཆོས། །སོ་སོ་རང་རིག་རྒྱུད་རྣམས་དང་། །ཆོས་ལ་བདག་མེད་ཉིད་དག་ནི། །ཐམས་ཅད་ཆོས་ཀྱི་གྲུབ་པ་སྟེ། །རང་བཞིན་དུ་ནི་དེ་བརྟགས་སོ། །
41b7 རང་བཞིན་གྱིས་ནི་ཆོས་ཀྱི་རྣམས། །ཐ་དད་མཚན་དུ་བསྒྲགས་པ་སྟེ། །ཆོས་རྣམས་ཐམས་ཅད་འདྲེས་པར་ནི། །རང་བཞིན་མེད་ན་རབ་ཏུ་འགྱུར། །གཅིག་མིན་རྫས་རྣམས་འདུས་པ་ལས། །སྒྱུ་མའི་མཁན་པོས་གཅིག་མིན་གཟུགས། །རྟོགས་པར་སླ་བ
iiif viewer powered by OpenSeadragon
