| e-texts navigator |
| Wylie |
41a1 ཀྱིས། །ཐམས་ཅད་མཁྱེན་དང་རྒྱལ་སྲས་ལ། །རྟག་པར་མཆོད་པ་རབ་ཏུ་བྱེད། །སྤྲིན་ལྟ་བུ་ཡི་གཞལ་མེད་ཁང་། །སྣ་ཚོགས་མང་པོའི་གཟུགས་འགྱུར་བ། །མཐའ་མ་ནམ་མཁའི་མུ་དང་མཉམ། །གཞན་ཡང་རྡུལ་ཕྲན་རྡུལ་སྙེད་ཀྱི། །སྤྲུལ
41a2 མང་ལྷ་ཡི་བུ་མོ་ཡིས། །རོལ་མོ་སིལ་སྙན་རབ་བསྒྲགས་ཏེ། །གཞལ་མེད་དག་ལ་མངོན་གནས་ནས། །དེ་བཞིན་གཤེགས་ལ་མཆོད་པ་བྱེད། །སྟོབས་དང་མངོན་ཤེས་དབང་ཐོབ་ཅིང་། །དོག་པའི་ས་ནས་མ་ཉམས་པ། །ཆོས་ཀྱི་སྤྲིན་ལས་འཐོན་གྱུར་ནས། །
41a3 སངས་རྒྱས་ས་ལ་ཞུགས་པའི་རྣམས། །སྒྱུ་མ་དཔའ་བར་འགྲོ་ལ་སོགས། །ཏིང་ངེ་འཛིན་ལ་མཉམ་བཞག་སྟེ། །གཟུངས་ལ་མཁས་པར་གྱུར་པའི་རྣམས། །དེ་བཞིན་གཤེགས་ལ་མཆོད་པ་བྱེད། །སངས་རྒྱས་ཡང་དག་བརྗོད་མོས་རྣམས། །མཐའ་ཡས་ཞིང
41a4 དུ་འགྲོ་བྱས་ཤིང་། །ཡང་དག་ཡོན་ཏན་ལྡན་པ་དག་།སངས་རྒྱས་ཡོན་ཏན་རབ་ཏུ་བརྗོད། །དཔུང་དང་བཅས་པའི་བདུད་བཅོམ་སྟེ། །རྒྱལ་བ་དག་དང་ཐབས་ཅིག་ཏུ། །རྒྱལ་སྲས་སོ་སོ་རང་རིག་པའི། །རྟོགས་པར་བྱ་བའི་ཏིང་འཛིན་སྒོམ། །གནས་གཞན་གྱུར
41a5 པའི་ཡོན་ཏན་ཅན། །ཆོས་ལ་བདག་མེད་སྟོན་པའི་རྣམས། །སྤྲོས་པ་ཐམས་ཅད་རྒྱུན་བཅད་ཅིང་། །དམ་པའི་དོན་ལ་རྣམ་སྒོམ་པ། །ཆོས་ལྔ་རྣམས་ཀྱི་རང་བཞིན་དང་། །རྣམ་ཤེས་བརྒྱད་ལའང་དེ་བཞིན་ཏེ། །མཁས་པ་བྱས་པར་རྟག་གྱུར་ཅིང་། །མཉམ་པར
41a6 བཞག་རྣམས་མཆོད་པར་བྱེད། །ཤིན་ཏུ་ཕྲ་བའི་རྡུལ་འདྲ་དང་། །དེ་བཞིན་ཆེན་པོའི་ལུས་ཀྱིས་ཀྱང་། །སྣ་ཚོགས་པ་ཡི་གཟུགས་གྱུར་ནས། །དེ་བཞིན་གཤེགས་ལ་མཆོད་པ་བྱེད། །ས་རྣམས་ཀུན་ཀ་བདག་ལུས་དང་། །ཡུངས་ཀར་འབྲུར་ཡང་རབ་འཛུད་བྱེད། །རྒྱ
41a7 མཚོ་བ་ལང་རྗེས་སུ་བྱེད། །བ་ལང་རྗེས་ཀྱང་གང་ཆེན་མཚོར། །སྤུ་གཅིག་རྩེ་མོར་བརྟན་གཡོ་བའི། །འགྲོ་བ་རབ་ཏུ་འཛུད་བྱེད་ཀྱང་། །གནོད་པར་བྱེད་པ་མ་ཡིན་ཏེ། །འགྲོ་བ་དག་ན་རྣམ་པར་སྤྱོད། །ལོངས་སྤྱོད་ཅན་གྱི་སྐྱིད་ལོངས་ཡུལ། །ཉི་ཟླ་ས་དང་མཉམ་པ་སྟེ། །
iiif viewer powered by OpenSeadragon
