| e-texts navigator |
| Wylie |
40a1 རྣམ་མི་བརྟག་། དེ་བཞིན་ས་འདི་ཐམས་ཅད་ཀྱང་། །མཚན་མ་མེད་པར་ཡོད་པ་མིན། །ཅི་ཡང་མཚན་མར་མི་རྟོག་པ། །མཚན་མ་ཡོད་ན་རྣམ་པར་བརྟག་།རྫ་དང་སྣམ་བུ་ཤིང་རྟ་དག་།གཟུགས་ཡོད་པ་ལ་རྣམ་པར་བརྗོད། །འཇིག་རྟེན་འདི་ནི
40a2 འདི་ཙམ་སྟེ། །གཟུགས་ཙམ་རྣམ་པ་གཞན་མི་འགྱུར། །ཙམ་ལ་མིང་དུ་བརྟགས་པ་སྟེ། །འདི་ལ་ཡང་དག་མིང་ཡོད་མིན། །མིང་མེད་རྣམ་པར་བྲལ་བར་ཡང་། །ས་རྣམས་ཐུབ་པས་མཐོང་བ་ན། །རྣམ་པར་རྟོག་པ་རབ་ཏུ་འཇུག་།རྣམ་རྟོག་མེད་པ་མི་སྐྱེའོ། །
40a3 ཚེར་སྐྱེ་མེད་པ་གཞན་གྱུར་པ། །མི་ཟད་དེ་ལ་སྐྱེ་བར་འགྱུར། །རྒྱུ་མེད་ཕྱིར་ན་མིང་མེད་དེ། །འདུ་ཤེས་ཙམ་ལ་རྣམ་པར་རྟོག་།དེ་བས་རྒྱལ་པོས་རྟག་པར་ཡང་། །འདུ་ཤེས་མ་ཡིན་འདུ་ཤེས་སྒོམས། །འདི་དག་ཐམས་ཅད་འདི་ཙམ་སྟེ། །ཐམས་ཅད་ལས་ནི
40a4 གཞན་མེད་དོ། །ཙམ་ནི་གཟུགས་སུ་ཤེས་པར་བྱ། །དེ་བཞིན་ལུས་དང་གཟུགས་དང་དབྱིབས། །ཆ་ལུགས་རིང་དང་སྐུ་ཡངས་ཏེ། །མཚན་མ་དང་ནི་རྣམ་གྲངས་གཅིག་།འདུ་ཤེས་མིང་དང་རྣམ་རྟོག་དང་། །བརྗོད་དང་ཁྱད་པར་ལྷན་ཅིག་སྟེ། །ཙམ་དང་མཚན་མ་འདུ
40a5 ཤེས་སུ། །སྤྱོད་པར་རབ་ཏུ་གདགས་པ་སྟེ། །ཙམ་ལ་གནས་དེ་མིང་རྣམས་ཀྱང་། །ཀུན་རྫོབ་དོན་དུ་རྣམ་པར་བརྟགས། །བརྗོད་པ་མེད་པར་དངོས་པོ་ནི། །མ་བྱུང་འབྱུང་བར་མི་འགྱུར་ཏེ། །རྣམ་ཤེས་རྣམས་ཀྱི་འབྱུང་བ་ཡང་། །རྟོག་བྱ་མེད་པར་ཡོད་པ་མིན། །རྟོག
40a6 བྱ་མིང་དང་ཙམ་པོ་ནི། །ས་རྣམས་ཐམས་ཅད་དེ་ཉིད་དེ། །དངོས་པོ་གང་ལ་གང་མིང་གིས། །བརྟག་པར་བྱ་བ་དེ་བཞིན་མེད། །འདི་ནི་ཆོས་རྣམས་ཆོས་ཉིད་དེ། །བརྟགས་ན་གནས་པ་མེད་པའོ། །འདི་དག་ཐམས་ཅད་མིང་ཙམ་སྟེ། །འདུ་ཤེས་ཅན་གྱི་དངོས་པོ་མེད། །
40a7 དེ་མེད་པས་ན་མིང་མེད་དེ། །མིང་མེད་པས་ན་རྣམ་མི་བརྟག་།རྣམ་པར་མི་རྟོག་ཞིར་འགྱུར་བ། །བསྲེག་པ་ཚིག་པའི་མེ་བཞིན་ཏེ། །ཁུར་ཙས་ཇི་ལྟར་ཁུར་བསྐུར་བ། །དེ་དང་ཐ་དད་མཚན་ཅན་ཏེ། །དེ་བཞིན་ཙམ་ནི་མིང་གི་ཁུར། །དེ་དང་ཐ་དད་མཚན་ཉིད་ཁྱེར། །
iiif viewer powered by OpenSeadragon
