| e-texts navigator |
| Wylie |
39a1 སེམས་དང་། སེམས་ལས་བྱུང་བ་དང་། ཡིད་དང་རྣམ་པར་ཤེས་པ་རྣམས་མ་གཏོགས་པར་དོན་དེ་མ་ཡིན་པར་གྱུར་པ་སྣོད་དང་བདར་ལྟ་བུའམ། མེ་མར་དང་རྫ་ལྟ་བུའམ། སྨིག་ལོང་དང་ཨི་ཤ་ཀ་ལྟ་བུ་གཞན་ནི་གང་ཡང་མེད་དེ། རྒྱུ་དང་རྐྱེན་ལས་སེམས
39a2 དང་སེམས་ལས་བྱུང་བའི་ཚོགས་རབ་ཏུ་འབྱུང་ཞིང་བདག་མེད་ལ་ཕྲ་བ་དང་། བསྐྱེད་དུ་མི་རུང་བ་དང་། ཆ་མེད་པ་དང་། དག་ཅིང་ཐོག་མ་ནས་འོད་སྣང་བ་དང་། ཡུལ་རྣམ་པར་རིག་པའི་རྣལ་འབྱོར་ཅན་རྣམས་ཀྱི་འཕགས་པ་སོ་སོ་རང་གིས་རིག་པའི་སྤྱོད་ཡུལ་མ་གཏོགས་པར་རྟོགས་པར
39a3 བྱེད་པ་རྣམས་ཀྱིས་མི་དམིགས་སོ། །འདི་ཉིད་ནི་ཀྱི་གཅམ་ཞེ་གཏུམ་པོ་ལྟ་བུར་འཇིག་རྟེན་རྣམས་ལ་ཡོད་པ་དང་། མེད་པ་དང་། གཅིག་པ་དང་། མང་པོ་དང་། ཐམས་ཅད་དང་། ཐམས་ཅད་མ་ཡིན་པའི་ལྟ་བསྐྱེད་པར་བྱེད་པ་སྟེ། ལུས་ཅན་རྣམ་པར་རིག་པ་ཙམ་དུ་ཁོང
39a4 དུ་མ་ཆུད་པའི་རྣམས་བདག་དང་བདག་གིར་སྨྲ་བ་ལ་མངོན་པར་ཞེན་པར་ཡང་ལྟུང་བར་བྱེད་དོ། །མི་ཤེས་པའི་ཕྱིར་ཆོས་ཁོང་དུ་ཆུད་པར་འདོད་པའི་བློས་འཁོར་བའི་རྒྱུད་ཀྱི་འཁོར་ལོ་ལ་ཞོན་ཞིང་འདི་དང་ཕ་བི་ནས་རབ་ཏུ་རྒྱུག་སྟེ། དགེ་བའི་བཤེས་གཉེན་སངས་རྒྱས་དང་བྱང་ཆུབ་སེམས
39a5 དཔའ་དང་བྲལ་བ། རང་གི་ཕྱོགས་ལས་རིང་བ་བས་ཀྱང་ཆེས་རིང་བར་ཉམས་པའི་བློ་ཅན། འཕགས་པའི་ལམ་གྱི་ཡན་ལག་བརྒྱད་ཐོབ་པར་མི་ནུས་པ། ཐེག་པ་གསུམ་ལས་འགའ་ཙམ་ལའང་མི་འཇུག་པའི་རྣམ་པ་འཛིན་པ་ལས་རྣམ་པར་ཕྱིར་ལྡོག་པ་མ་སྐྱེས་ཀྱི་བར་དུ
39a6 འཕགས་པའི་བདེན་པ་མི་མཐོང་བས། སྟུག་པོའི་དཀྱིལ་འཁོར་གྱི་སྐལ་བ་ཅན་རྣམས་ཀྱང་སྟུག་པོའམ་སྟུག་པོའི་སྒྲ་ཡང་མི་ཐོས་སོ། །ཡང་དག་པ་ཇི་ལྟ་བ་བཞིན་དུ་འགོད་པ་སྟོན་པ་འདི་ནི་རྣལ་འབྱོར་ཅན་རྣམས་ཀྱི་ལྟ་བ་ཡོངས་སུ་སྦྱང་བ་སྟེ། འདི་ལ་ཁྱོད་དང་བྱང་ཆུབ་སེམས་དཔའ
39a7 གཞན་གྱིས་ཀྱང་བརྩོན་པར་གྱིས་ཤིག་། སངས་རྒྱས་ཀྱི་ཞིང་སྟུག་པོར་འཇུག་པའི་གཏམ་གྱི་ཚུལ་ཡང་རྣལ་འབྱོར་ཅན་རྣམས་ལ་སྟོན་ཅིག་།རང་གི་རྣམ་པར་རིག་པའི་ཡུལ་ཞེས་བྱ་བ་སྟེ་ལེའུ་བརྒྱད་དོ།། །།ཁབ་ལོང་རྡོ་ལ་ཇི་ལྟར་ལྕགས། །ཡོངས་ཀྱིས
iiif viewer powered by OpenSeadragon
