| e-texts navigator |
| Wylie |
38b1 བ་རབ་ཏུ་སྟོན་པའོ། །འཕགས་པ་རྒྱན་སྟུག་པོ་ལས་ལེའུ་བདུན་ནོ།། །།དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོས་ཕྱོགས་བཅུར་བལྟས་ཏེ། གཙུག་གི་རིན་པོ་ཆེའི་འོད་ཟེར་གྱིས་འཇིག་རྟེན་གྱི་ཁམས་ཐམས་ཅད་དང་། དབང་བྱེད་ཀྱི་གནས
38b2 དང་། ནོར་བུ་རིན་པོ་ཆེའི་སྙིང་པོའི་ཕོ་བྲང་ན་གནས་པའི་རྒྱལ་བའི་སྲས་རྣམས་ལའང་སྣང་བར་བྱས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དག་པ་ཇི་ལྟ་བ་བཞིན་དུ་འགོད་པ་སྟོན་པ་ལ་སྨྲས་པ། ཡང་དག་པ་ཇི་ལྟ་བ་བཞིན་དུ་འགོད་པ་སྟོན་པ་ཁ་བ་ཡོད་པའི་ངོས་ལ
38b3 ཐམས་ཅད་གསོད་པ་ཞེས་བྱ་བའི་ཀྱི་རིགས་ཤིག་ཡོད་དེ། དེ་ནི་གཅོམ་སྒྱུ་བརྒྱ་སྟོང་གིས་མང་པོ་ཉེ་བར་བྲིད་ཅིང་ཐབས་ལ་བབ་པའི་རྣམས་བསད་ཅིང་ཟའོ། །དྲུས་མ་ཕྲུ་གུ་དང་བཅས་པ་མཐོང་ནའང་ཕྲུ་གུའི་སྐད་དུ་འབོད་དོ། །རྭ་ཅན་མཐོང
38b4 ནའང་རྭ་དེ་དང་འདྲ་བར་བསྒྱུར་ཏེ་གན་དུ་འགྲོའོ། །དེ་ནས་དེ་དག་དེ་ལ་བག་རྟོན་པ་དང་། དེས་དེ་དག་བག་རྟོན་པར་རིག་ནས་བསད་ཅིང་བསད་ཅིང་ཟའོ། །རྭ་མཐོང་ནའང་རྭའི་གཟུགས་སུ་བསྟན་ཏེ། དེ་དག་བག་ཕབ་ནས་ཇི་ལྟར་འདོད་པར་བསད་ཅིང་བསད་ཅིང་ཟ་སྟེ། ཇི་ལྟར་རི
38b5 དགས་ཞེ་གཏུམ་པའི་ངང་ཚུལ་ཅན་དེ་རྣམ་པ་སྣ་ཚོགས་ཀྱིས་གསོད་པ་དེ་བཞིན་དུ་ཀུན་གཞི་རྣམ་པར་ཤེས་པའང་ཕས་ཀྱི་རྒོལ་བ་མུར་འདུག་བདག་ཏུ་སྨྲ་བ་ལ་མངོན་པར་ཞེན་པ། བདག་གི་ཆོས་ཉིད་ཀྱི་རྣམ་པར་གནས་པ། འཛིན་པ་དེ་དང་དེ་དག་གིས་བཅིངས་པ་དེ་དང་དེ
38b6 དག་ལ་དེ་ལྟ་དེ་ལྟ་བུའི་རང་བཞིན་གྱི་བདག་ཉིད་ཀྱིས་བདག་ཏུ་སྨྲ་བ་ཡོངས་སུ་རྟོག་ཅིང་རྡུལ་ཕྲ་མོ་ཡན་ཆད་དུ་རབ་ཏུ་ཤེས་པར་བྱེད་པ་དེ་དག་ལ་དེའི་བདག་ཏུ་འཛིན་པ་ཉིད་དུ་གནས་པ་ནི་གཞན་དུ་རྣམ་པར་ཤེས་པ་ཙམ་དུ་མི་གནས་པའི་བར་དུ་སྟེ། བདག་ཡོངས་སུ་རྟོགས་པར་བྱེད་པ་རྣམས
38b7 ཀྱིས་ནི་ཡིད་དང་དབང་པོ་དང་དོན་དུ་ལྡན་པ་ལས་ཤེས་པ་སྐྱེ་བ་མཐོང་གི། བདག་དང་ཡིད་དང་དབང་པོ་དང་། དོན་འདུས་པའི་རྒྱུ་ལས་ནི་མ་ཡིན་ནོ། །དཔེར་ན་མེ་ཏོག་དང་གོས་སུ་ཕྲད་ན་བསུང་གི་ཁྱད་པར་དུ་འགྱུར་གྱི། མ་ཕྲད་པར་ནི་བསུང་དམིགས་པར་མི་འགྱུར་རོ། །དེ་བཞིན་དུ
iiif viewer powered by OpenSeadragon
