| e-texts navigator |
| Wylie |
38a1 བཞིན་དུ། །སྣ་ཚོགས་སྣང་མངོན་འགྲོ་བས་མཐོང་། །བག་ཆགས་རྣམས་ཀྱིས་བསྒོས་པའི་སེམས། །གཟུང་དང་འཛིན་པ་རབ་ཏུ་འཁོར། །དངོས་པོ་སྒྱུ་འདྲ་མ་ཡིན་ཏེ། །སྐྲ་ཡི་ཚོགས་དང་སྨིག་རྒྱུ་མིན། །སྐྱེས་དང་མ་སྐྱེས་མ་ཡིན་ཏེ། །སྟོང་དང་མི་སྟོང
38a2 རྣམ་པར་སྤངས། །དངོས་སུ་གཅིག་མེད་མི་འགྱུར་ཏེ། །རིང་དང་ཐུང་ལ་སོགས་པ་བཞིན། །སྒྱུ་མའི་རང་བཞིན་སྐྱེས་པ་ནི། །གང་ན་ཅི་ཡང་ཡོད་པ་མིན། །དེ་ནི་རིག་སྔགས་སྒྱུ་མ་སྟེ། །སྐྱེས་བུ་རྣམས་ལ་རབ་ཏུ་སྣང་། །སྨིག་རྒྱུ་སྐྲ་ལ་སོགས་པའི་ཚོགས། །གཉིས་ལས་ཉེ
38a3 བར་མངོན་པ་སྟེ། །གཅིག་མེད་པར་ནི་གཉིས་པོ་ཡང་། །མ་བྱུང་འབྱུང་བར་མི་འགྱུར་ཏེ། །སྒྱུ་ལ་སོགས་པ་རྣམ་བརྟགས་པ། །འདི་ནི་རྣམ་ཤེས་གྱུར་པའོ། །སྒྱུ་མེད་སྒྱུ་ཞེས་བྱ་བ་ཡི། །དངོས་པོ་གང་དང་གང་ཡང་མེད། །ཅིའང་རུང་སྟེ་གང་ཡོད་པ། །སྒྱུ་མས་བྱས་པའང
38a4 ཡོད་པ་ཡིན། །མྱོས་པར་བྱེད་པ་འཇིག་རྟེན་ན། །སེམས་ལ་དབང་མེད་རྣམས་ལ་ཡོད། །སྒྱུ་མ་དག་གམ་གྱོ་མོ་དག་།སྣ་ཚོགས་སྒྱུ་མས་མ་བྱས་ཏེ། །གཡོ་བ་གང་དག་ཅི་ཡང་རུང་། །དེ་ནི་སྣང་མིན་སུས་མི་མཐོང་། །འདི་ལ་རྣམ་རྟོག་གཡོ་བ་ནི། །ཁབ་ལོང་དག་ལ་ལྕགས
38a5 བཞིན་ཏེ། །སེམས་ཅན་མེད་ལ་མི་རྟག་པའི། །ཤེལ་སྒོང་ནོར་བུ་ཇི་བཞིན་ནོ། །ཀུན་གཞི་ཀུན་ནས་སྣ་ཚོགས་པ། །བྱེད་པ་བཞིན་དུ་སྣང་བ་སྟེ། །སྐྱེ་ཞིང་འཆི་བར་འགྱུར་མོད་ཀྱི། །འཁོར་བ་པོ་ནི་གང་ཡང་མེད། །རྨི་ལམ་འདྲ་བར་སྐྱེ་ཤི་དག་།རབ་ཏུ་མཐོང་ན་རྣམ་པར
38a6 འགྲོལ། །ཐུབ་པ་གང་ཚེ་གྱུར་པ་ན། །གྲོལ་བ་ཞེས་ནི་བརྗོད་པ་སྟེ། །རིགས་དང་གཞུང་གིས་བསྟན་པ་ནི། །སངས་རྒྱས་ཁྱུ་མཆོག་དེ་ཡིན་ནོ། །ཐམས་ཅད་ཆོས་ལ་མེ་ལོང་བཞིན། །སྲང་ཡིན་དེ་བཞིན་ཚད་མ་སྟེ། །དངོས་པོ་ཀུན་ལ་སྒྲོན་མ་བཞིན། །ཁབ་ལོང་བ་ཡི་རྡོ་ལྟར
38a7 གནས། །རྣལ་འབྱོར་ལམ་གྱི་མཚན་ཉིད་དེ། །འཇིག་པ་རྣམས་ཀྱང་རྣམ་པར་བཟློག་།བསམ་གཏན་པ་ཡི་བསམ་གཏན་མཆོག་།རྣམ་པར་བྱང་བའི་རྒྱུ་ཡིན་ནོ། །ཀུན་ནས་ཉོན་མོངས་ཟད་པར་བྱེད། །ལམ་ཡང་རྣམ་པར་སྦྱོང་བའོ། །དམ་པའི་དོན་གྱི་སྤྱོད་ཡུལ་ཏེ། །འགྱུར
iiif viewer powered by OpenSeadragon
