| e-texts navigator |
| Wylie |
37b1 སུམ་ཅུ་རྩ་གཉིས་མཚན་ལྡན་ཞིང་། །རྣམ་པ་སྣ་ཚོགས་གཟུགས་མངའ་བའི། །རྒྱལ་བ་འཁོར་ལོ་འཁོར་བར་ཡང་། །ས་རྣམས་ལ་ལར་འགྲོ་བས་མཐོང་། །ཇི་ལྟར་ཟླ་བ་སྐར་ཚོགས་དང་། །ལྷན་ཅིག་མཁའ་ལ་གནས་པ་ལྟར། །རྣམ་ཤེས་རྣམས་དང་ཀུན་གཞི་ཡང་། །
37b2 དེ་བཞིན་ལྷན་ཅིག་ལུས་ལ་གནས། །ཇི་ལྟར་དབང་གིས་སྒྱུར་བའི་ལྷ། །ལྷ་ཡི་བུ་མོས་མདུན་བདར་ཅིང་། །རིན་ཆེན་དབུས་ན་རྣམ་མཛེས་པ། །དེ་བཞིན་ཀུན་གཞི་ས་རྣམས་ལ། །ཇི་ལྟར་ཆུ་དབང་ཆུ་ཡི་ལྷ། །ཆུ་ཀླུང་རྒྱ་མཚོ་མཆིང་རྣམས་ལ། །ཇི་བཞིན་སྐྱེ་ལྡན་ས་ཡང་སྟེ། །དེ་བཞིན
37b3 སེམས་ནི་རྣམ་པར་མཛེས། །ཇི་ལྟར་གཞལ་མེད་གནས་པའི་ཉི། །རི་རབ་ལོགས་ན་རྣམ་པར་མཛེས། །ལྷ་རྣམས་ཀྱིས་ནི་ཕྱག་ཀྱང་བྱ། །དེ་བཞིན་ཀུན་གཞི་སངས་རྒྱས་སར། །ས་བཅུ་དག་ལ་ལྷན་ཅིག་ཏུ། །སྤྱད་པ་སྤྱོད་པ་རྒྱལ་བའི་སྲས། །ཐེག་པ་ཆེན་པོས་ཕྱུང་བ་སྟེ། །
37b4 ལུས་ལ་གནས་པ་རྣམ་པར་མཛེས། །རྗོད་པའི་ཞལ་གྱིས་རྟག་པར་ཡང་། །རྒྱལ་བ་རྣམས་ནི་ཀུན་ནས་བསྟོད། །ཉན་ཐོས་རྣམས་དང་རང་རྒྱལ་དང་། །རྒྱལ་བའི་སྲས་རྣམས་ཁྱད་པར་དུ། །ས་དང་ས་ལ་རྣམ་དག་པ། །རྒྱལ་བའི་སྲས་ཞེས་མངོན་བསྒྲགས་དང་། །
37b5 རྒྱལ་བ་དག་དང་རྒྱལ་བའི་སྲས། །དེ་དག་ཀུན་གཞི་འདི་ལ་བརྗོད། །ལུང་སྟོན་ལུང་བསྟན་འགྱུར་བ་ཡི། །རྒྱལ་སྲས་རྒྱལ་བ་དེ་བཞིན་ཏེ། །ཀུན་གཞི་དྲི་མེད་བསོད་ནམས་ཀྱིས། །དེ་བཞིན་གཤེགས་པར་འགྱུར་བ་ཡིན། །འདི་ལྟ་བུ་ཡི་ཀུན་གཞིའི་ཡུལ། །སྟུག་ན་གནས
37b6 པའི་རྣལ་འབྱོར་ཅན། །ཐུབ་བརྩོན་རྣལ་འབྱོར་སྤྱོད་པ་ཡིས། །རབ་ཏུ་མཐོང་ཞིང་རྣལ་འབྱོར་གྱིས། །སངས་རྒྱས་དག་དང་རང་སངས་རྒྱས། །ཉན་ཐོས་རྣམས་དང་མུར་འདུག་གཞན། །དེ་ཉིད་རྟོགས་ནས་མཐོང་བ་ནི། །རྣལ་འབྱོར་འཇིགས་མེད་རྣལ་འབྱོར་རོ། །རྣམ་པར
37b7 ཤེས་པའི་སྤྱོད་ཡུལ་གང་། །འདི་ལྟར་སྣང་བ་ཅི་ཡང་རུང་། །རྣམ་པར་ཤེས་པར་གྱུར་པ་སྟེ། །རྫ་ལ་སོགས་པ་ས་མ་ཡིན། །འདི་ལྟར་ནོར་པ་གང་སྣང་བ། །སྣ་ཚོགས་རྫ་གྲགས་ཅི་ཡང་རུང་། །དེ་ནི་ཀུན་གཞི་གྱུར་པ་སྟེ། །སྣང་བ་ནོར་པའི་མཚན་ཉིད་དོ། །ཀུན་གཞི་ཆུ་ཀླུང་དེ
iiif viewer powered by OpenSeadragon
