| e-texts navigator |
| Wylie |
37a1 ཟ་འབར་བ་ཡི། །ལམ་རྒྱུད་ཀུན་ཀྱང་དེ་ཡི་དབང་། །སངས་རྒྱས་ཀུན་གྱི་གཞི་མཛེས་ལའང་། །དེ་ཉིད་རྒྱུར་ནི་གྱུར་པ་སྟེ། །དེ་རྟོགས་ནས་ནི་སངས་རྒྱས་དང་། །རིགས་དང་ཐེག་པ་གཞན་མིན་འགྱུར། །ཐམས་ཅད་ལུས་ལ་རྟག་ཏུ་གནས། །སྤྱོད་ལོང་ཡོད་ལ
37a2 རྣམ་པར་འདུག་། དཔལ་དང་ལྡན་ལ་ཁྱད་པར་དུ། །ཐམས་ཅད་ཀུན་ཀྱང་རབ་ཏུ་གནས། །རབ་དང་འབྲིང་དང་ཐ་མ་ལའང་། །འགྲོ་བ་དོག་པ་ཐམས་ཅད་ན། །དེ་ནི་ཀུན་ཏུ་གནས་པ་སྟེ། །ལུས་ཅན་རྣམས་ཀྱི་ལུས་ལ་རྟེན། །འབྲས་བུའི་བདག་དང་རྒྱུ་ཡི་བདག་།ནང་གི་བདག་ཀྱང
37a3 དེ་ཉིད་ལ། །བྱིས་པ་རྣམས་ཀྱིས་ཁོར་ཟུག་བརྟག་།དེ་ཡི་དབྱིངས་ལ་ཐོག་མ་མེད། །གནས་ངན་ལེན་དང་ལས་ཀྱིས་བསྐྱེད། །བག་ཆགས་ཐོག་མ་མེད་པས་བསགས། །འཚོ་ཞིང་གསོ་བར་བྱེད་པ་ནི། །རྣམ་པར་ཤེས་པ་བདུན་པོ་སྟེ། །ཡིད་ནི་རྟག་ཏུ་རླུང་དང་མཉམ། །གཡོ
37a4 ཞིང་མྱུར་བར་རབ་ཏུ་འཇུག་། ལུས་ཅན་རྣམས་ཀྱི་ལུས་གནས་ཤིང་། །ཁམས་ཀྱི་གོང་ལ་གནས་པའོ། །ལས་ཀྱི་རླུང་གིས་བསྐྱོད་པ་ནི། །དབང་པོ་རྣམས་ལ་ཁྱབ་པར་གནས། །རྣམ་ཤེས་བདུན་དང་ལྷན་ཅིག་ཏུ། །དབའ་རླབས་བཞིན་དུ་རྒྱུ་བ་སྟེ། །རྡུལ་ཕྲན་དུས་དང་གཙོ་བོ
37a5 དང་། །དེ་བཞིན་སྐྱེས་བུ་དབང་བཅས་སུ། །ཀུན་གཞི་གཅིག་པུ་དགེ་བ་དེ། །རྟོག་པ་ཅན་གྱིས་ཐེར་ཟུག་བརྟག་།རྟག་ཏུ་སྣ་ཚོགས་རྣམ་པའི་གཟུགས། །གཡོ་ཞིང་མྱུར་འབྱུང་བྱེད་པ་སྟེ། །ཀུན་གཞི་ས་རྣམས་ཐམས་ཅད་དུ། །ཕྱི་ནང་བཅས་པར་གནས་པ་ཡིན། །དེ་ནི་ས་ཡི
37a6 རྒྱུ་ཡིན་པར། །རྒྱུ་ཅན་རྣམས་ཀྱིས་བརྟག་པ་སྟེ། །དེ་ཡི་འགྲོ་བ་ཤིན་ཏུ་ཕྲ། །རྟོག་པ་ཅན་རྣམས་མྱོས་པར་བྱེད། །བདག་དོན་དབང་པོ་ཡིད་མྱོས་པའི། །ཡང་དག་མ་མཐོང་མྱོས་པར་འགྱུར། །སྔོན་གྱི་ལས་ཀྱིས་བསྐྱོད་པ་ཡི། །རྣམ་པར་ཤེས་པ་སྲེད་པའི་རྒྱུ། །སྣ་ཚོགས
37a7 གཟུགས་ཅན་འགྲོ་བ་དང་། །མི་རྣམས་ཀྱི་ཡང་རྒྱུ་ཡིན་ནོ། །འཇིགས་མེད་རྒྱལ་བའི་སྲས་རྣམས་ལ། །རྡོ་རྗེའི་སྙིང་པོས་ཡང་སྨྲས་པ། །ཀུན་གཞི་དང་ལུགས་དགེ་བ་ནི། །རྒྱལ་སྲས་རྣམས་ཀྱིས་མཐོང་ཐོས་ཏེ། །ཀུན་གཞིའི་མཆོག་ཏུ་དགེ་བ་ནི། །ཐམས་ཅད་ལུས་ལ་ཞེན་པ་སྟེ། །
iiif viewer powered by OpenSeadragon
