| e-texts navigator |
| Wylie |
36b1 ཅི་བཞིན་ནོ། །སྨིག་རྒྱུ་ནམ་མཁའ་སྒྱུ་མ་དང་། །རྨི་ལམ་མ་ཡིན་ནོར་བའང་མིན། །སྦལ་པ་རུས་སྦལ་སྤུ་དག་དང་། །རི་བོང་རྭ་དང་མཉམ་པའང་མིན། །མེ་ནི་ཤིང་ལས་སྐྱེ་བར་འགྱུར། །གློག་ནི་དེ་བཞིན་སྤྲིན་ལས་སོ། །མེད་ལ་སྐྱེད་པ་སུ་ཡང་མེད། །རྫ་སོགས་རྫ་མཁན
36b2 ལྟ་བུའོ། །ཇི་ལྟར་རྩཝ་དང་ཤིང་དག་ལ། །བརྟེན་ཅིང་ལྷན་ཅིག་སྒྱུ་འབྱུང་བ། །དེ་བཞིན་མོས་ལ་སོགས་པ་ཀུན། །སེམས་དང་སེམས་བྱུང་ལྷན་ཅིག་གནས། །སེམས་ཀྱི་ཡུལ་ནི་བསམ་དུ་མེད། །སྟུག་ན་གནས་པས་ལེགས་པར་མཐོང་། །ལྷ་རྫས་སྔོན་མེད་ལྷན་ཅིག་སྐྱེས། །
36b3 མྱ་ངན་འདས་དང་ནམ་མཁའ་བཞིན། །སོ་སོར་མ་བརྟགས་འགོག་པ་ལྟར། །དུས་གསུམ་རྣམ་པར་སྤངས་པ་སྟེ། །འོད་ཅན་རྟག་ཏུ་དག་པ་ནི། །ལུས་ཅན་ཀུན་གྱི་ཀུན་གཞིའོ། །དང་པོ་ཚེས་པའི་ཟླ་མདོག་ལྟར། །བྱེ་བའི་ཞིང་དུ་སྣང་བ་སྟེ། །རི་རབ་གནས་ཤིང་འཁོར་བ་ཡང་། །
36b4 དངོས་པོ་འཇིག་པ་མ་ཡིན་ནོ། །དེ་བཞིན་ཡིད་སེམས་རྣམ་པར་ཤེས། །སེམས་ཅན་ཁམས་ན་འཁོར་མོད་ཀྱི། །དེ་ལ་འཕེལ་ཞིང་འབྲི་མེད་དེ། །རྟག་ཏུ་རང་བཞིན་འོད་སྣང་བའོ། །ཇི་ལྟར་ཟླ་བ་སྐྱེ་འབྲི་བར། །མི་ཤེས་འགྲོ་བ་རྣམ་རྟོག་ཀྱང་། །སྐྱེ་འབྲི་ཟླ་ལ་ཡོད་པ་མིན། །
36b5 གླིང་དང་གླིང་དུའང་རབ་ཏུ་སྣང་། །དེ་བཞིན་ཀུན་གཞི་རྣམ་ཤེས་ལ། །བྱིས་པ་མི་ཤེས་འགྲོ་རྣམས་ཀྱང་། །རྟག་ཏུ་སྐྱེ་བྲིར་རྣམ་རྟོག་སྟེ། །དེ་ནི་ཟག་མེད་སངས་རྒྱས་སོ། །ཀུན་གཞི་འདི་ལ་ཇི་ལྟར་ཡང་། །འབྱུང་བས་ཐ་དད་མི་འགྱུར་ཏེ། །འཇུག་པའི་རྣམ་ཤེས་སོང་གནས
36b6 པ། །བག་ཆགས་ཀྱིས་ནི་ཟླ་བ་བཞིན། །ཆུ་ཀླུང་དབུས་ཀྱི་ཤིང་ལྟ་བུར། །ཆུ་བོའི་ཀླུང་དང་འགྲོགས་མོད་ཀྱི། །ཐ་དད་མཚན་དུའང་རབ་ཏུ་གྲུབ། །རྒྱ་མཚོ་ཆེན་པོར་དེ་བཞིན་འགྲོ། །དེ་ལྟར་ཀུན་གཞི་རྣམ་ཤེས་ཀྱང་། །རྟག་ཏུ་བག་ཆགས་ལྡན་འགྱུར་བ། །རྣམ་པར་ཤེས་པ་བདུན
36b7 པོ་དང་། །འགྲོགས་ཀྱང་འདྲེ་བ་མེད་པ་སྟེ། །ཀུན་ནས་ཉོན་མོངས་རྣམ་བྱང་དང་། །རྣམ་པར་དག་པའི་རྒྱུ་ཡང་དེ། །ཆོས་མཐོང་འཕགས་པ་རྣམས་ཀྱི་ཡང་། །དེ་ནི་རྣལ་འབྱོར་མཉམ་བཞག་པ། །བྱོལ་སོང་མི་དང་ལྷར་སྐྱེས་དང་། །ཤ་ཟ་ལྟོ་འཕྱེ་ཡི་དྭགས་དང་། །ལྷ་མིན་དྲི
iiif viewer powered by OpenSeadragon
