| e-texts navigator |
| Wylie |
36a1 ཐར་བར་འགྱུར་བ་ཐེ་ཙོམ་མེད། །འཁོར་ལོ་འཁོར་བའི་རྒྱལ་པོར་འགྱུར། །སྤོབས་ཅན་ཁམས་ཀྱི་བདག་པོ་དང་། །ཚངས་ལ་སོགས་པའི་གནས་སུ་ཡང་། །གནས་འགྱུར་འཁོར་གྱི་བདག་པོར་འགྱུར། །དྲི་མེད་ཞིང་གི་པད་མོ་ལ། །ཐུབ་པའི་དབུས་སུ
36a2 སྐྱེ་བར་འགྱུར། །པད་མོའི་དབུས་སུ་སྐྱེ་བ་ཡང་། །བརྩོན་འགྲུས་ལྡན་པའི་སྲས་ཀྱིས་འཐོབ། །བརྩོན་པས་བདུད་ལས་རྒྱལ་བར་འགྱུར། །བག་ཆགས་འདོད་པའི་རྒྱུ་ལས་ཀྱང་། །འདོད་བདག་བདག་པོ་ཕམ་བྱས་ཤིང་། །ཐེག་པ་གཅིག་ལ་རབ་ཏུ་འཇུག་།བརྩོན
36a3 འགྲུས་ལྡན་ཞིང་ཞི་མེད་པའི། །རིགས་ཀྱང་ཐུབ་པ་རབ་ཏུ་སྟོན། །སྲས་པོ་ཡངས་པའི་རིགས་གྱུར་ཅིང་། །ཞིང་དང་ཞིང་དུ་བདག་པོར་འགྱུར། །སངས་རྒྱས་ཉིད་དུ་སྨོན་སེམས་ན། །སངས་རྒྱས་རིགས་ནི་རྣམ་པར་དག་།རྣམ་དག་རིགས་ཅན་སྲས་དེ་ནི། །སངས་རྒྱས
36a4 རྣམས་ཀྱིས་ལུང་བསྟན་ཏེ། །མྱུར་དུ་སངས་རྒྱས་ཅི་འདྲ་བ། །དེ་བཞིན་ཐུབ་པ་འཚང་རྒྱའོ། །རྣམ་སངས་རྒྱས་ནས་ཉེར་འཚོ་བ། །ཚངས་ལ་སོགས་དང་རྣལ་འབྱོར་ཅན། །ས་ལྟར་རྟག་པའི་དུས་སུ་ཡང་། །ལུས་ཅན་རྣམས་ལ་ཉེ་བར་གནས། །ཐམས་ཅད་སྨན་གྱི
36a5 རྣལ་འབྱོར་ཅན། །ཇི་ལྟར་གྲོང་དང་གྲོང་གནས་པ། །ནད་རྣམས་རབ་ཏུ་སེལ་བ་ལྟར། །རབ་ཏུ་མཁས་པ་དེ་བྱེད་པ། །རྣམ་རྟོག་མེད་པའི་ཡིད་ཀྱིས་ཏེ། །བཅད་ཀྱང་གཡོ་ཞིང་འགུལ་བ་མེད། །འདི་ནི་རྣམ་པར་རིག་པ་ཙམ། །ཡིད་ནི་ནང་དང་ཕྱིར་ཡང་སྤྱོད། །བདག་དང་བདག
36a6 གི་མེད་པ་སྟེ། །ནོར་བར་མཐོང་ཞིང་མི་གཡོའོ། །ཡིད་ཀྱི་རྣམ་ཤེས་ཡུལ་ཅན་གྱི། །ཀུན་གཞི་ཀུན་ནས་གནས་པ་སྟེ། །གཅད་དང་གཅོད་པར་བྱེད་པ་དང་། །དེ་ཉིད་གཅད་བྱ་གཅོད་པའང་ཡིན། །ལུས་ཅན་ཀུན་གྱི་ཀུན་གཞི་ནི། །ལས་ཀྱི་བག་ཆགས་རྣམས་ཀྱིས་ཡོག་།
36a7 ཁར་བ་ནོར་བུ་ཉི་མ་དག་།ལྡན་ལས་མེ་འབྱུང་ཇི་བཞིན་ཏེ། །གཙུབ་མ་གཙུབ་སྟན་འདུས་ལས་མིན། །མིས་ཀྱང་བྱས་པ་མ་ཡིན་ནོ། །དེ་བཞིན་སེམས་ཡིད་རྣམ་ཤེས་དང་། །དབང་པོ་དོན་དང་ཡིད་དང་ལས། །སེམས་རྣམས་རབ་ཏུ་སྐྱེར་གྱུར་པ། །རྒྱ་མཚོའི་དབའ་རླབས
iiif viewer powered by OpenSeadragon
