| e-texts navigator |
| Wylie |
35b1 མིའམ་ཅི་ཡི་བདག་། གཞལ་མེད་བྱེ་བ་མང་པོ་ཡིས། །ཟླ་བ་བཞིན་དུ་རབ་ཏུ་འབར། །ཐུབ་པ་རྣམས་དང་རྒྱལ་བའི་སྲས། །དགའ་ལྡན་ལ་སོགས་ལྷ་ཡི་མཆོག་། ཏ་ས་ཡི་མེ་ཏོག་འདྲ། །ཤེས་རབ་བཟང་ཞིང་མཚན་མང་བ། །ཕྲེང་བ་ཅོད་པན་ཐོགས་པའི་རྣམས། །
35b2 གཞལ་མེད་མང་པོས་གནས་པ་སྟེ། །ལུས་ནི་རབ་ཏུ་འབར་བ་དང་། །ཀུན་མཁྱེན་ཐམས་ཅད་མངོན་གྱུར་པ། །ཐོགས་པ་མེད་པའི་སྤོབས་པ་དང་། །ཀུན་ཏུ་བཟང་པོ་སྟོབས་ཆེན་ཏེ། །ཟླ་བ་འདྲ་བའི་གཞལ་མེད་ཀྱིས། །སྟུག་པོའི་གང་ཆེན་མཚོ་ལ་གནས། །རྣམ་པ་དུ་མར
35b3 ཐམས་ཅད་ནས། །ཐུབ་པ་རྣམས་ཀྱིས་བསྟོད་པ་སྟེ། །ཆགས་མེད་ཚངས་པའི་ཁྱུ་མཆོག་དང་། །གྲུབ་དང་དྲི་ཟ་ཚོགས་རྣམས་དང་། །མཁས་དང་ངེས་པར་ལྡན་པ་ཡི། །སྐྱེས་བུའི་ཚོགས་ཀྱི་བདག་པོ་དང་། །རྒྱལ་བའི་སྲས་ཀྱིས་མདུན་དུ་བྱས། །རྣལ་འབྱོར་སྤྱོད
35b4 པས་ཁྱད་པར་དུ། །གཟིམས་པ་ལྟ་བུར་མཐོང་བ་ནི། །དེ་དག་ལེ་ལོ་བྲལ་བས་ཏེ། །གཉིད་དང་སྙོམ་སོགས་བསྲབས་པ་ཡིས། །སངས་རྒྱས་ལྷ་ཡི་རྗེས་སུ་འབྲང་། །མུར་འདུག་ཀུན་གྱིས་མཐོང་གྱུར་ཅིང་། །དེ་བཞིན་ལྷ་དང་ཚངས་ལ་སོགས། །འཛམ་གླིང་པ་དང་འོག་མིན
35b5 དང་། །འཕྲུལ་གྱིས་སྤྲུལ་པས་ཐུབ་མཐོང་བ། །འགྲོ་བས་སྣ་ཚོགས་ཀུན་གཟུགས་སུ། །ས་ལ་ཀུན་ནས་ཞུགས་པར་ཏེ། །ཆོ་འཕྲུལ་རྣམ་པ་མང་པོ་ཡིས། །མགོན་པོ་ཤིན་ཏུ་རྣམ་པར་མཛེས། །ལ་ལ་ཉལ་ཞིང་རབ་ཏུ་འབར། །དེ་བཞིན་གཞན་དག་ཕན་ཚུན་འཆག་།
35b6 ལ་ལ་གཡེན་སྤྱོ་བྲེལ་ཅིང་སྒོམ། །དེ་བཞིན་གཞན་ཡང་མྱ་ངན་འདའ། །ལ་ལ་མངལ་དུ་འཇུག་པ་དང་། །སྐྱེ་དང་འབྱུང་དང་དཀའ་སྤྱོད་དང་། །བྱང་ཆུབ་རྣམ་པར་འཚང་རྒྱ་ཞིང་། །ཆོས་ཀྱི་འཁོར་ལོ་བསྐོར་བར་རོ། །སངས་རྒྱས་ཉིད་དང་སངས་རྒྱས་ཡུལ། །སངས་རྒྱས་ཡེ་ཤེས་བླ་ན
35b7 མེད། །རྒྱལ་བའི་སྲས་པོ་འཇིགས་མེད་པ། །དེ་དག་ཀུན་གྱིས་འཐོབ་འགྱུར་ཏེ། །ཐུབ་པ་ཤཱཀྱའི་སེང་གེ་ཡིས། །ཇི་ལྟར་བརྙེས་བཞིན་གྲོགས་པོ་རྣམས། །རྒྱལ་སྲས་འཇིགས་པ་མེད་པ་ཡིས། །འདི་དག་ཀུན་ལ་ཡིད་ཆེས་ཀྱིས། །ཡིད་ཆེས་གྱུར་ན་སངས་རྒྱས་སམ། །
iiif viewer powered by OpenSeadragon
