| e-texts navigator |
| Wylie |
35a1 གཅིག་ཅིག་སྙམ། །དེ་ཚེ་སྐུ་རུ་ཞུགས་པར་གྱུར། །འགྲོ་བ་རྣམས་ཀྱང་སྐུར་ཞུགས་ནས། །ཐུབ་པའི་པད་མོའི་སྙིང་པོ་ཡིས། །སངས་རྒྱས་རྣམས་ཀྱི་ལོངས་སྤྱོད་དང་། །ཁམས་གསུམ་ཀུན་ན་གནས་པར་ཡང་། །གང་ཚེ་མཐོང་བ་དེ་དུས་ན། །ཀྱེ་མ
35a2 མཚར་ཆེས་བསམ་པ་དང་། །དེ་ཚེ་ཐུབ་པ་ལྷ་ཡི་ལྷས། །རྣལ་འབྱོར་ཡུལ་ནི་རབ་བསྡུས་ཏེ། །ཐུབ་པས་སྔོན་བཞིན་བཞག་པར་གྱུར། །ཀྱེ་མ་བསམ་ཡས་ལྷ་རྫས་འདི། །རྣལ་འབྱོར་ཅན་གྱི་སྣ་ཚོགས་གཟུགས། །སངས་རྒྱས་ལྷ་ཡི་ཡུལ་ཡིན་ཏེ། །བསམ་གྱིས་མི
35a3 ཁྱབ་བདག་གིས་མཐོང་། །ཆོས་ཀྱི་སྤྲིན་གྱི་ཏིང་འཛིན་དང་། །དགའ་དང་མི་གཡོ་དེ་བཞིན་ཏེ། །རིང་སོང་མངོན་དུ་གྱུར་པ་དང་། །འོད་བྱེད་པ་ཡི་མ་ལུས་པར། །སྒྱུ་མ་དཔའ་བར་འགྲོ་ལ་སོགས། །གཟི་བརྗིད་ཅན་ཡང་མ་ལུས་པར། །གཟུགས་རྣམས་ཀྱི་ཡང་ཡུལ་ཡིན་ཏེ། །
35a4 འོག་མིན་ཐབས་ལས་བྱུང་བའོ། །དེ་ནི་ཡིད་བཞིན་འགྱུར་སྐུ་ཡིས། །དབང་གི་ཡོན་ཏན་བརྒྱད་པོ་རྣམས། །ཕྲ་ཚོགས་ཆེ་བའི་ཡོན་ཏན་དང་། །འཐོབ་དང་འདོད་འབྱོར་བསྒྲགས་པ་དང་། །བདག་པོ་དབང་དང་ལྡན་པ་དང་། །ཇི་ལྟར་འདོད་པར་རུང་བའི་རྣམས། །ཐོབ་ནས་སྟུག་པོའི
35a5 དབུས་ཡུལ་ན། །རྣམ་པར་གནས་ཤིང་རབ་ཏུ་རྩེ། །སྤྲུལ་པའི་ལྷ་རྫས་སྟུག་པོ་ནས། །ཕྱིན་པ་དགེ་བ་དེ་དག་ཀྱང་། །ལྷུན་གྱིས་གྲུབ་པ་སངས་རྒྱས་ཀྱི། །འཕྲུལ་པ་རྣམས་ནི་རབ་ཏུ་འབྱེད། །རྒྱལ་བ་རྣམས་དང་རྒྱལ་སྲས་སུ། །ཐབས་ཅིག་བཞུགས་པར་ཀུན་ན་སྣང་། །དེ
35a6 ལྟར་ས་འདི་སྣ་ཚོགས་ཏེ། །རང་གི་གཟུགས་ལྡན་རྣམས་ཀྱང་འདྲེས། །ཆ་ལས་ཕྱིར་ལྡོག་དེ་ཡི་ཚེ། །བྱ་བ་བྱས་པས་སྟུག་པོའི་གཞི། །ཤེས་པས་བཅད་ཅིང་མཁས་པའི་རྣམས། །ཐུབ་པ་དག་གིས་སྟུག་པོ་མཐོང་། །གཞལ་མེད་པད་མོ་འདྲ་བ་ན། །མེ་ལྟར་རབ་ཏུ་འབར་བ
35a7 ཡིན། །ཐུབ་པ་རྣལ་འབྱོར་བདེ་མོས་པ། །རྣལ་འབྱོར་ཅན་དང་ལྷན་ཅིག་གནས། །དཔལ་བེའུ་མཚན་དང་ཐམས་ཅད་ལྡན། །ཕྲ་བའི་ལུས་ཅན་རང་གི་འོད། །དེ་དག་དབུས་སུ་ཐུབ་པའི་དབང་། །ཁྱོད་ནི་གནས་པར་རབ་ཏུ་འགྱུར། །ལྟོས་ཤིག་ལྷ་ཡི་ཅོད་པན་དང་། །དྲུ་མ
iiif viewer powered by OpenSeadragon
