| e-texts navigator |
| Wylie |
34b1 གང་ནའང་ཡོད་པ་མིན། །གྱུར་པའི་རྒྱུ་ལས་འབྲས་བུ་འབྱུང་། །རྡུལ་ཕྲན་གང་དག་རྒྱུར་འགྱུར་ནི། །དངོས་པོ་འཇིག་པ་མེད་པར་ཏེ། །རྣམ་པར་རྟོག་ལ་མི་རྟོག་ཅིང་། །རྒྱུ་ཡི་བདག་དང་ནང་གི་བདག་།བདག་གི་མཆོག་ཀྱང་མེད་པ་སྟེ། །བདག་དང་དབང་པོ་ཡིད་དང་དོན། །
34b2 འདུས་པའི་རྒྱུ་ནི་མ་ཡིན་ཏེ། །ཕྲད་ལས་འབྱུང་དང་རྣམ་ཤེས་དང་། །རྐྱེན་རྣམས་ཡོད་པ་མ་ཡིན་ནོ། །ཤེས་ཅན་ཤེས་པས་ཡུལ་རྣམས་ལ། །མཁས་པའི་སྟོབས་དང་ལྡན་པས་ནི། །སྡེ་དཔུང་སྟོབས་དང་བཞོན་བཅས་པའི། །ཉོན་མོངས་བདུད་རྣམས་གདུལ་བར་བྱ། །སྲེད
34b3 པ་འཇིག་རྟེན་དམའ་བར་བྱེད། །སྦྲང་རྩིས་བད་ཀན་མང་པོ་བཞིན། །སྲེད་པ་བཅོམ་ཞིང་ཐུབ་པའི་རྣམས། །རྣམ་པ་མང་ལས་རྣམ་པར་གྲོལ། །སྲེད་པས་རྣམ་པར་དཀྲུགས་པ་ན། །འཁོར་ལས་རྣམ་པར་མི་འགྲོལ་ཏེ། །སྲེད་དང་རྣམ་བྲལ་འཐར་བར་འགྱུར། །དེ་བས་རྣལ་འབྱོར
34b4 སྦྱར་བར་གྱིས། །ཡུན་རིང་ཡོད་པའི་བག་ཆགས་ནི། །སྦྲུལ་གདུག་ཁྲོས་པ་ཇི་བཞིན་ཡང་། །འདི་དང་ཕ་བིར་འདྲིད་པ་ནི། །འཁོར་བའི་ལམ་རྒྱུད་དོག་པར་རོ། །འཕགས་པ་རྒྱན་སྟུག་པོ་ལས་རྣལ་འབྱོར་རྣམ་པར་ཕྱེ་བའི་སྤྱོད་པ་ཞེས་བྱ་བའི་ལེའུ་སྟེ་དྲུག་གོ། །།
34b5 སངས་རྒྱས་རྣལ་འབྱོར་རྣམ་ཕྱེ་དང་། །བདག་ལྡན་དེ་ཡི་བྱིན་གྱིས་བརླབས། །རྒྱལ་བ་དག་དང་རྒྱལ་བའི་སྲས། །བྱེ་བའི་ཞིང་ན་བཞུགས་པ་དང་། །ཁམས་གསུམ་གནས་པ་ཐམས་ཅད་དང་། །ས་གནས་རྣལ་འབྱོར་ལྡན་པ་དང་། །བདེ་ཡོད་ཞིང་དང་སྟུག་པོ་སྟེ། །རྣལ
34b6 འབྱོར་ཅན་གྱི་ཞིང་མཆོག་དང་། །སངས་རྒྱས་པད་མོའི་དབུས་བཞུགས་པ། །རྡུལ་ཕྲན་བཞིན་བཞུགས་བདག་གིས་མཐོང་། །རྣལ་འབྱོར་དེ་ལས་བདག་ལངས་ནས། །ས་ལ་རྒྱལ་བ་དེ་དག་ནི། །སྟུག་པོའི་ཞིང་ན་བདག་བཞུགས་ཤིང་། །རྒྱལ་སྲས་ཐབས་ཅིག་བཞུགས་པ
34b7 དག་། མེ་ཏོག་ཨ་ཏ་སི་འདྲ་བའི། །མཁའ་ལ་ཟླ་འདྲ་བཞིན་བཞུགས་མཐོང་། །མཐེ་བོའི་ཚིགས་དང་རབ་འདྲ་བ། །ས་རྣམས་དགེ་ལ་རབ་སྦྱོར་བའི། །རྣམ་གྲོལ་སྙིང་པོ་བདག་གིས་མཐོང་། །འདི་ན་བུ་ཁྱོད་སུ་ཞིག་ཅེས། །སྙིང་པོ་དེ་ལྟར་སེམས་གྱུར་ཏེ། །ཐུབ་པ་འདི་ནི
iiif viewer powered by OpenSeadragon
