| e-texts navigator |
| Wylie |
34a1 ཇི་བཞིན་ཏེ། །དེ་ལྟར་ཁྱོད་ཀྱིས་སེམས་སྤྱོད་དང་། །ཕུང་པོ་སྐྱེ་མཆེད་སྤྱོད་ཡུལ་དག་།མངོན་སུམ་ཚད་མ་དག་གིས་སམ། །ཤེས་རབ་ཀྱིས་ཀྱང་རྣམ་པར་ལྟོས། །རྣམ་གྲོལ་མཐོ་རིས་འགྲོ་བའམ། །ཇི་ལྟར་འདོད་པ་བཞིན་དུའང་འགྱུར། །ཚངས་པའི་གནས་སུ
34a2 ཚངས་པར་རམ། །མཚེ་མ་རབ་དང་གནས་དབེན་དང་། །རིན་ཆེན་སྣ་ཚོགས་གནས་སུ་ཡང་། །དབང་སྒྱུར་རྣམ་པར་མཛེས་པར་འགྱུར། །འོད་ཆུང་རྒྱས་པ་དག་ཏུ་འམ། །འདོད་ཁམས་བདག་པོ་དབང་ཅན་ནམ། །ཉི་ཟླ་བདག་བདག་གནས་སུ་འམ། །གཞན་ཡང
34a3 འོད་འབར་གཟར་ཡང་རུང་། །སུམ་ཅུ་རྩ་གསུམ་རྒྱལ་ཆེན་དང་། །འཕྲུལ་ལ་དགའ་བའི་གནས་སུ་ཡང་། །ཚངས་གནས་བཅུ་དང་ལྡན་པ་ཡི། །རྣལ་འབྱོར་ཅན་ནི་རྣམ་པར་མཛེས། །གྱ་ནོམ་སྣང་དང་ཤིན་ཏུ་མཐོང་། །འདོད་མེད་མི་དྲོས་དེ་བཞིན་ཏེ། །འོག་མིན་གནས
34a4 ཀྱི་ལྷ་རྫས་ན། །འོག་མིན་ཤིན་ཏུ་རྣམ་པར་མཛེས། །ཅུང་ཟད་མེད་མཁའ་རྣམ་ཤེས་དང་། །འདུ་ཤེས་ཡོད་མེད་མ་ཡིན་དང་། །དེ་བཞིན་འཕྲུལ་གྱི་བདེ་ཅན་དང་། །ཞིང་བཟང་གཞན་དུ་དེ་བཞིན་ཏེ། །མཁའ་ལ་འགྲོ་དང་སྤོབས་པ་བཞིན། །འཁོར་ལོ་འཁོར་བའི་རིགས་སུ
34a5 གནས། །གྲོལ་བ་རྣམས་ཀྱི་གྲོལ་ཡུལ་ལ། །སུ་གནས་དེ་དག་རྣལ་འབྱོར་ཅན། །འདོད་ཆགས་སྟོབས་ལས་སྔོན་རྒྱལ་བ། །དེ་དག་བཟང་པོའི་ས་ལ་གནས། །འདི་ལྟའི་རྣལ་འབྱོར་ལྡན་པས་ན། །རྣལ་འབྱོར་ལ་ནི་ཐུབ་པར་རྩེ། །རྫ་མ་འཇིག་པའི་གྱོ་མོ་ཡི། །ཇི་ལྟར
34a6 རྒྱུར་ཡང་འགྱུར་བ་དང་། །སྐད་ཅིག་འཇིག་ལ་སྐད་ཅིག་སྟེ། །མི་རྟག་ཉིད་ཀྱང་རྟག་པ་ཡི། །ས་བོན་ཇི་བཞིན་མྱུ་གུ་ལ། །རྒྱུ་རྣམས་དེ་དག་འདྲ་བ་ཡིན། །མྱུ་གུ་གཞན་མིན་ས་བོན་ལས། །ས་བོན་ཉིད་ཀྱང་མྱུ་གུ་མིན། །ས་སྣར་རྣམས་ལས་རྫ་སྣར་འབྱུང་། །ཚོས་ནས
34a7 དམར་རུར་མངོན་པར་འབྱུང་། །གནག་དང་སྣར་དང་འདྲེས་པ་དང་། །གྲོ་བོ་དམར་པོ་དག་ཀྱང་སྐྱེ། །འདམ་བུ་ལས་ནི་སྒོག་པར་འགྱུར། །རྭ་ལས་ལན་ཚྭར་དེ་བཞིན་ཏེ། །མི་གཙང་སྦྲང་བུ་དག་ལས་ཀྱང་། །སྲིན་བུར་འགྱུར་གཞན་མི་འདྲ་མང་། །རྒྱུ་དང་འདྲ་བའི་འབྲས་བུ་ནི། །ས་རྣམས
iiif viewer powered by OpenSeadragon
