| e-texts navigator |
| Wylie |
33b1 ཡིན་ཏེ། །རྟོག་པས་དེ་བསྒྲུབ་མ་ཡིན་ནོ། །འདི་ནི་ལྷ་རྫས་གནས་ཡིན་ཏེ། །ཐུབ་པ་རྣལ་འབྱོར་ལྡན་པ་ཡི། །དེ་བས་ཞིང་མཆོག་དེ་འདོད་ན། །ཐུབ་པས་བསམ་གཏན་དེ་ལ་གྱིས། །འདོད་ཆགས་ཞེ་སྡང་རྣམ་བཅོམ་སྟེ། །ང་མེད་ང་ཡི་འགྲོ་མེད་དུ། །འདོད་ཆགས་ཞེ་སྡང
33b2 མི་བསམ་པར། །བསམ་གཏན་མཆོག་ལ་བསྒོམ་པར་གྱིས། །ཕན་ཚུན་ཡུལ་ལ་འཛིན་པའི་ཕྱིར། །གཉིས་ཀྱི་བློ་ནི་རབ་ཏུ་འབྱུང་། །ཡོད་མེད་རྟོག་པས་དེ་བཞིན་དུ། །རྣམ་ཤེས་རྣམས་ལ་ཀུན་གཞིའོ། །བུད་མེད་རོ་སྨད་ཤས་རྒྱས་ཤིང་། །སྐྲ་བཟང་མིག་ཀྱང་མཛེས་པ
33b3 དང་། །སྣ་ལེགས་འཕྲལ་བའི་དབྱིབས་སྡུག་ལ། །སྨིན་མ་སྟུག་ཅིང་བལྟ་མཛེས་པ། །ཇི་ལྟར་ལ་ལ་དེར་ཆགས་པའི། །ཡིད་ཀྱིས་རྣམ་པར་མྱོས་པའི་སེམས། །ལྟ་ཞིང་རྣམ་པར་རྟོག་པའི་ཚེ། །མཁས་མིན་དེ་ལ་ཤིན་ཏུ་མྱོས། །འགྲོ་འདུག་འགྲེང་ཡང་དེ་བཞིན་ཏེ། །སྣོམ
33b4 ཟ་གཉིད་ཀྱིས་ལོག་པ་ནའང་། །འདོད་ཅན་གཞན་དུ་མི་སེམས་ཏེ། །འདོད་པ་ཅན་མོ་ཡིད་ལ་བྱེད། །དེ་བཞིན་ཁྱོད་བློ་རྙོག་པ་ཅན། །རྣམ་པ་ཀུན་ཏུ་ཡིད་ལ་གནས། །རྫབ་ཡུལ་རྙོག་དང་ལྡན་པ་ཡི། །བཅིངས་པའི་དབང་དུ་མ་འགྲོ་ཤིག་།ཇི་ལྟར་ལ་ལ་རྟོག་པ་ཅན། །བློ་ཡི
33b5 སྤྱོད་ཡུལ་རྣམ་འཁྲུལ་བ། །མ་ཧེ་དག་དང་བ་གླང་དང་། །གླང་པོ་དག་དང་བསེ་རྣམས་དང་། །རང་ག་ཀྲྀ་ཥྞ་ས་ར་དང་། །ཤ་ར་བ་དང་སུ་ར་དང་། །སྨྱན་དང་གཡག་ཀྱང་དེ་བཞིན་ཏེ། །མགོ་དཀར་རྣ་དང་ཁྱུ་མཆོག་གི། །རུ་ཆེན་རྣམ་པར་མཐོང་བ་དང་། །འདི་བདེན་གཞན་དུ་མི་འགྱུར
33b6 ཞེས། །སེང་སྟག་བོང་བུ་སོགས་པ་ཡི། །རྭ་རྣམས་ལ་ནི་མེད་ཅེས་ཏེ། །ཡོད་དང་མེད་པའི་ལྟ་བ་ཡང་། །མི་མཁས་རྣམས་ལ་རབ་ཏུ་འབྱུང་། །དེ་ལྟར་གཞན་གྱི་རྭ་མཐོང་ཞིང་། །བོང་བུའི་མེད་ཅེས་རྣམ་རྟོག་འབྱུང་། །ཇི་སྟེ་གཞན་གྱིས་མ་མཐོང་ན། །བོང་རུ་མེད་སྙམ་དེ
33b7 མི་འབྱུང་། །ལོག་པར་དམིགས་པའི་རྒྱུ་ཡི་ཕྱིར། །འདི་ན་མེད་ཅེས་རྟོག་པ་འབྱུང་། །དེ་ལ་དམིགས་པ་མེད་པས་ཀྱང་། །གདོན་མི་ཟ་བར་མེད་ལ་རྟེན། །རྙོག་ཅན་ང་རྒྱལ་རྟོག་ཡུལ་ལ། །བློ་གྲོས་སྤྱོད་ཡུལ་མ་རྟོག་ཅིག་།བ་ལང་བ་མན་མ་ཧེ་རྣམས། །རྟོག་པས་བརྟགས་པ
iiif viewer powered by OpenSeadragon
