| e-texts navigator |
| Wylie |
33a1 ལྟར་རྟག་ཏུ་མི་བརྟན་ལ། །འབྱུང་བ་མེད་ཅིང་འཇིག་པ་མེད། །བདག་ལས་མ་ཡིན་གཞན་ལས་མིན། །རྟག་དང་ཆད་ལས་རྣམ་པར་གྲོལ། །གཟུང་དང་འཛིན་པ་ཡོངས་སུ་སྤངས། །ཇི་ལྟར་དྲི་ཟའི་གྲོང་ཁྱེར་ནི། །མདོག་ཏུ་ཟད་ཀྱང་གྲོང་ལྟར་སྣང་། །དེ་བཞིན
33a2 རང་རྟོག་རྣམ་བརྟགས་པའི། །དངོས་པོ་རྣམས་ཀྱང་རབ་ཏུ་འབྱུང་། །ཆོས་རྣམས་སྨིག་རྒྱུ་ལྟ་བུ་སྟེ། །ཡོད་མེད་རྣམ་བྲལ་དགེ་བ་ཡིན། །རྨི་ལམ་སྤྲིན་ལྟར་སྣང་བ་སྟེ། །རྩིག་ངོས་རི་མོའི་ཕུག་ལྟ་བུའོ། །ཞ་བོ་ལོང་བ་འདྲ་བ་ནི། །དངོས་ཀུན་གཅིག་གིས་གཅིག་རྒྱུ་བ། །
33a3 རང་བཞིན་རྟོགས་པར་མི་རུང་སྟེ། །རྣལ་འབྱོར་ཅན་གྱིས་ཡང་དག་མཐོང་། །རྡུལ་ཕྲན་རྣམ་པར་གཞིགས་པ་དང་། །རྡུལ་གྱི་དངོས་པོ་མི་གནས་ཏེ། །རང་བཞིན་ཀུན་གྱི་མཆོག་ཡིན་པས། །རྡུལ་ཕྲན་མཆོག་ཅེས་དེ་ཕྱིར་བརྗོད། །དེ་ཕྱིར་བློ་ནི་ཕྱིར་ལྡོག་སྟེ། །སྒྲ་ལ
33a4 སོགས་པའི་ཡོན་ཏན་སྤངས། །རྣལ་འབྱོར་མཁས་པའི་རྣལ་འབྱོར་ཅན། །དེ་ཚེ་ངལ་བསོའི་ཡིད་དུ་འགྱུར། །ངལ་བསོའི་ཡིད་ལྡན་རྣལ་འབྱོར་ཅན། །བཅིངས་པ་ཀུན་ལས་གྲོལ་བས་ན། །འདི་དང་ཕ་བིར་མི་སྐྱེ་སྟེ། །བསམ་གཏན་ཚུལ་ལ་མོས་པ་རྣམས། །སྣ
33a5 ཚོགས་རིན་ཆེན་སྙིང་པོ་ཡི། །གནས་ན་དབང་ཅན་དེ་དག་རྩེ། །ཡོན་ཏན་དབང་ཕྱུག་ཉེས་པ་མེད། །རིག་འཛིན་བུད་མེད་མང་པོ་དང་། །ཐུབ་པ་རྣམས་ཀྱིས་རབ་མཆོད་ཅིང་། །རྨི་ལམ་བཞིན་དུ་གནས་པ་ཡིན། །འདི་ན་གནས་ཀྱང་ཚངས་པ་དང་། །ཐུབ་དང་ཐུབ་པའི་བུ་རྣམས
33a6 དང་། །རིག་འཛིན་ཚོགས་ཀྱིས་དེ་བཞིན་ཏེ། །སྤྱི་གཙུག་བལྟ་བར་མི་ནུས་སོ། །འདི་ནི་ཐུབ་པའི་རྣལ་འབྱོར་ཡུལ། །དེ་བས་བསམ་གཏན་བརྩོན་པར་གྱིས། །འདི་ནི་ཀུན་གྱི་ཡུལ་མ་ཡིན། །དེ་ཕྱིར་གྲོགས་པོ་བསྟན་པར་གྱིས། །བརྟན་པ་ས་རྣམས་སྣ་ཚོགས་དང་། །འོད་ཅན
33a7 རྣམས་ཀྱི་གནས་སུ་ཡང་། །འདོད་ཆགས་ཕྱོགས་དང་བཅས་པ་དང་། །གཏི་མུག་ཞེ་སྡང་དེ་བཞིན་དུ། །བཅོམ་སྟེ་སྟུག་པོ་རབ་ཡངས་པ། །ཡིད་བཞིན་ཞི་བའི་གནས་སུ་འགྲོ། །དེ་ནི་འཆི་བདག་ཡུལ་མ་ཡིན། །རྣམ་ཤེས་སྤྱོད་ཡུལ་དེ་བཞིན་མིན། །མཚན་མ་མེད་པའི་གནས
iiif viewer powered by OpenSeadragon
