| e-texts navigator |
| Wylie |
32b1 སྣ་ཚོགས་དེ་དག་ནི། །རྟོག་པ་ཅན་གྱིས་མི་རིག་གོ། །འགྲོ་བའི་རིས་ཀྱི་དངོས་པོ་དག་།རྣལ་འབྱོར་སྤྱོད་པས་རྣམ་པར་གཞིག་།སྦྱར་ཞིང་རྣལ་འབྱོར་དེ་ལ་ཞུགས། །ལས་དང་ལས་མིན་མ་སེམས་པར། །རིས་སུ་འགྲོ་བའི་དངོས་པོ་ཡིས། །ཟླ་བ་ཉི་མ་རྣམ་མཛེས་པ། །
32b2 རླུང་གིས་ཤིན་ཏུ་བསྐྱོད་ནས་ཀྱང་། །མཁའ་ལ་རྟེན་པ་མེད་པར་འགྲོ། །ཤིན་ཏུ་ཕྲ་ཞིང་ཤེས་དཀའི་ལས། །སྟུག་པོར་གནས་པར་རབ་ཏུ་མཐོང་། །ལས་དེ་ཅི་ཞིག་ཡོད་པར་འགྱུར། །ཞུགས་བརྩོན་རྣལ་འབྱོར་ཅན་དག་ལ། །ཇི་ལྟར་མེ་ནི་ཤིང་གི་རི། །ཐལ་བར་བྱེད་པ་སྐད
32b3 ཅིག་ཏུ། །རྣལ་འབྱོར་ཅན་གྱི་ཐམས་ཅད་ལས། །ཡེ་ཤེས་མེས་ཚིག་སྐད་ཅིག་ཏུ། །ལས་དང་བག་ཆགས་ལྷན་ཅིག་ཏུ། །མང་པོའི་དུས་ནས་བསགས་པ་དག་།རྣལ་འབྱོར་ཡེ་ཤེས་བག་ཆགས་ཀྱིས། །ཐམས་ཅད་ཞིག་བྱེད་སྐད་ཅིག་ཏུ། །ཇི་ལྟར་སྒྲོན་མས་མུན་པའི
32b4 ཚོགས། །སྐད་ཅིག་ཏུ་ནི་བསལ་བྱེད་པ། །ཡེ་ཤེས་སྒྲོན་མས་ཐུབ་པ་དེ། །མི་ཤེས་རྣམ་པར་སེལ་བར་བྱ། །རྒྱན་སྟུག་པོ་ཐེག་པ་ཆེན་པོའི་མདོ་ལས་བདག་གི་ལས་ཀྱི་བྱ་བ་སྤྱད་པ་ཞེས་བྱ་བ་སྟེ། ལེའུ་ལྔ་པའོ།། །།བམ་པོ་གསུམ་པ། འཇིམ་པ
32b5 རྩཝ་སྨིག་ཐག་པ་ལས། །ཇི་ལྟར་གནས་པའི་ཁྱིམ་གྱི་རྣམས། །ཕན་ཚུན་ཀུན་ནས་འདུས་འབྱོར་ཅིང་། །ས་ཡི་དབུས་ན་སྣང་བ་ནི། །རེ་རེ་ལ་ཡང་ཁྱིམ་མེད་དེ། །རྫས་དང་དངོས་ལ་རྣམ་བརྟགས་ན། །རྫས་ཀྱི་རྣམ་པ་འདུས་པ་ལ། །ཁྱིམ་ཞེས་གདགས་ཤིང་བརྗོད་པ་སྟེ། །
32b6 སོར་མོ་ཕན་ཚུན་ཀུན་འདུས་ན། །ཇི་ལྟར་ལག་པའི་ཕུག་རོན་དུ། །ལག་པ་གཉིས་ནི་བསྡུས་ལས་འགྱུར། །ཐ་དད་པ་ལས་མི་འབྱུང་ངོ་། །གཡུལ་དང་ཤིང་རྟ་བསྙེམས་བྲལ་ཁང་། །གྲོང་ཁྱེར་ནགས་ཚལ་དེ་བཞིན་ཏེ། །རི་དང་སྤྲིན་དང་དབའ་རླབས་ཀྱང་། །བྲག་ཅ
32b7 གློག་དང་འདྲ་བའོ། །སྨིག་སྒྱུ་ཆུ་ཟླ་སྒྱུ་འདྲ་བ། །སྣམ་བུ་རྫ་སོགས་གྲགས་པ་སྟེ། །མཁས་ལ་དངོས་པོ་ཐམས་ཅད་ཀྱང་། །རྨི་ལམ་འདྲ་བར་ཀུན་ཏུ་སྣང་། །དེ་བཞིན་ལུས་ཁྱིམ་སྣ་ཚོགས་པ། །བུས་པའི་ལམ་རྒྱུད་དོག་པ་ན། །ཁམས་ཀྱིས་རི་བཞིན་གྱུར་པ་སྟེ། །ཁྱིམ
iiif viewer powered by OpenSeadragon
