| e-texts navigator |
| Wylie |
32a1 བྱེད་པ་ཡོད་ན་ནི། །འདི་རྣམས་ཐུག་པ་མེད་པར་འགྱུར། །ཐུག་མེད་བྱས་པའི་ཉེས་པ་ཡིས། །ཐུབ་པ་དྲི་མ་ཅན་དུ་གྱུར། །དེ་སྟེ་ལམ་རྒྱུད་སྣ་ཚོགས་རྣམས། །ཆུ་དང་ནམ་མཁའ་ས་གནས་པའི། །ལུས་ཅན་ལུས་ལ་ཀུན་གནས་ཏེ། །སྐྱེ་བ་བཟང་པོ་གནས
32a2 སུ་སྟེ། །རིས་སུ་འགྲོ་བ་ཡོད་པས་ན། །ཇི་ལྟར་འདོད་པར་ལུས་ཅན་འགྲོ། །དབང་པོ་སོ་སོ་བྱ་བ་ཡང་། །ཇི་ལྟར་འདོད་པར་ཡུལ་འཛིན་ཏེ། །འདི་ནི་རྣམ་རྟོག་རྣམ་འགྱུར་བ། །ཞོ་མར་ཇི་ལྟར་འོ་མ་ལས། །དེ་བཞིན་སྐྱེ་དང་གནས་དང་འཇིག་།ལས་ཀྱིས་བྱས་པར་འགྱུར་སེམས
32a3 ན། །རྨི་ལམ་དྲི་ཟ་སྒྱུ་མ་སྤྲིན། །བྲག་ཅ་དང་ནི་གློག་འདྲ་བ། །སྨིག་རྒྱུ་སྲེད་པ་ལྟར། །དངོས་པོ་རྣམ་བསྒོམས་རྣལ་འབྱོར་ཅན། །ཐོག་མ་མེད་ནས་བསགས་པ་ཡི། །མི་ཡི་རྣམ་སྤྲོས་བག་ཆགས་ཀྱིས། །སྣ་ཚོགས་གནས་ངན་ལེན་པ་དང་། །
32a4 སྣ་ཚོགས་རྟོག་པས་ལས་སུ་བརྟགས། །དབང་པོ་སྒྱུ་མ་ལྟ་བུ་ཡིན། །ཡུལ་རྣམས་རྨི་ལམ་འདྲ་བ་སྟེ། །བྱེད་དང་ལས་དང་བྱ་བ་ཡང་། །རྣལ་འབྱོར་སྒྲུབ་པས་མི་བརྟག་གོ། །རྟོག་པ་ཉམས་པའི་རྟོག་པ་ཅན། །རྣམ་མྱོས་ཤེས་པ་ཉམ་ཆུང་བས། །བྱེད་པར་རབ
32a5 ཏུ་རྟོག་པ་ནི། །བྱ་བས་འགྲོ་བར་བྱས་པར་ཏེ། །འཇིག་རྟེན་གཅེས་པས་བྱས་མ་ཡིན། །རྡུལ་གྱི་རྐྱེན་ལས་བྱུང་བའང་མིན། །རྒྱུ་མེད་པས་ཀྱང་བྱས་མ་ཡིན། །ངོ་བོ་ཉིད་ཀྱིས་བྱུང་བའང་མིན། །རྡོ་རྗེ་ལྕགས་དང་ཁབ་ལོང་དང་། །རིན་ཆེན་ཕྲེང་བ་རྒྱན་རྣམས་ཀྱིས། །ཇི་ལྟ་བུ་ཡི
32a6 ལས་ཤིག་བྱས། །ནོར་བུ་གསེར་དུ་མིང་བཏགས་པས། །བྱ་དང་ཁྲ་བོ་དང་། །ཚེར་མ་རྣམས་ཀྱི་རྣོ་དངོས་དང་། །འགྲོ་བ་སྣ་ཚོགས་ངོ་མཚར་བ། །རྣམ་རྟོག་ལས་ལས་མ་སྐྱེས་སོ། །ལས་ཀྱི་གང་ལས་མ་ཡིན་ཞེས། །རྟོག་ཅན་བདེན་ལ་མྱོས་པ་ནི། །བདེན་པའི་དངོས
32a7 པོར་མི་ཤེས་པ། །འདི་ནི་རྣམ་རྟོག་ལས་མིན་དུ། །འོ་མའི་ནང་ན་ཡོད་པའི་དུག་།རྗེས་སུ་མི་བདེ་རྣམ་པར་འགྱུར། །རྣམ་པར་རྟོག་པའང་ཐམས་ཅད་དུ། །དེ་བཞིན་དངོས་པོ་རྣམས་ལ་འཇུག་།དངོས་པོ་སྐྱེ་བ་མ་ཡིན་ཏེ། །དངོས་པོ་རྣམ་པར་འཇིག་པའང་མེད། །རྣམ་རྟོག
iiif viewer powered by OpenSeadragon
