| e-texts navigator |
| Wylie |
30b1 མེད། །རྒྱན་དང་ནོར་བུ་དག་ཀྱང་ངོ་། །ཡོད་དང་མེད་པའི་དངོས་པོ་ལྟར། །དབང་པོའི་ཉེས་པས་མཐོང་བ་ཡིན། །དེ་བཞིན་རྟོག་ཅན་དབང་གིས་འདི། །བདག་གི་བློ་ནི་ཇི་ལྟར་གནས། །ཚངས་ལ་སོགས་པའི་གནས་ཐུག་པར། །རྟོག་པ་མེད་པས་རབ་ཏུ་འཛིན། །གང་འདི
30b2 མང་པོ་སྣང་བ་དག་། སྣ་ཚོགས་ཚངས་ལ་སོགས་པའི་མཚན། །སྣ་ཚོགས་ཐམས་ཅད་བདག་གི་སེམས། །རྫ་ལ་སོགས་པའི་ཡོན་ཏན་མཚན། །ནང་དུ་གྱུར་པའི་གཟུགས་རྣམས་དང་། །མཐོ་རིས་གནས་པའི་གནས་རྣམས་དང་། །གང་འདི་ཕྱི་ནང་བྱ་བ་རྣམས། །
30b3 ཐམས་ཅད་སེམས་ལས་བྱུང་བའོ། །རྒྱན་སྟུག་རྣལ་འབྱོར་གང་ཡིན་པ། །དེ་ནི་གུད་ན་ཡོད་པ་མིན། །རྣལ་འབྱོར་ཅན་གྱི་བསོད་ནམས་ཀྱིས། །ཞུགས་པ་འདི་ལ་བསླབ་པར་གྱིས། །དབང་སྒྱུར་ལྷ་རྫས་གནས་དག་དང་། །ཡང་ན་གཟུགས་ཅན་རྣམས་གནས་དང་། །འདུ
30b4 ཤེས་མེད་པའི་གནས་སུ་འམ། །འོག་མ་ཡིན་པའི་གནས་སུ་ཡང་། །ཅུང་ཟད་མེད་དང་རྣམ་ཤེས་དང་། །འདུ་ཤེས་ཡོད་པ་མ་ཡིན་དང་། །སྣ་ཚོགས་ཀྱི་ནི་གནས་དག་ཏུ། །འདོད་ཆགས་ཀྱི་ནི་ཕྱོགས་བཤིག་ན། །ཁྱོད་ནི་མྱུར་དུ་དེར་གནས་པ། །སྟུག་པོ་རྣལ་འབྱོར
30b5 ཅན་གནས་སུ། །རྒྱལ་བའི་སྲས་ཀྱིས་མདུན་བྱས་ཏེ། །སྟུག་པོ་དེར་ནི་འགྲོ་བར་གྱིས། །རྣལ་འབྱོར་དེ་ལ་སྤྱད་པར་གྱིས། །བདག་གི་གཉེན་གྱིས་ཅི་ཞིག་བྱ། །བདག་གི་གཉེན་ནི་རྟག་ཏུ་འཆིང་། །འཁོར་བའི་ལམ་རྒྱུད་རྒྱུ་ཡང་ཡིན། །དབང་པོ་རྣམས་ནི་གཡོ་བ་སྟེ། །
30b6 བུད་མེད་རྣམས་ལའང་བློ་འཁྲུལ་པས། །ཁུ་ཆུ་ཁྲག་མནམ་མི་ཞིམ་པའི། །འཇི་བར་སྲིན་བུ་སྐྱེས་གྱུར་པ། །དགུ་འམ་བཅུ་ཞིག་པ་དང་ཡང་། །ཁུ་ཆུ་སྨིན་ནས་མངོན་པར་སྐྱེ། །དབང་པོ་རྣམས་ཀྱིས་ཀུན་ཡོག་པ། །སྲིན་བུ་གཡོ་བ་ཇི་བཞིན་ཏེ། །རིམ་པ་དེ་ཡི་ཚུལ་གྱིས་ན། །
30b7 ཇི་སྲིད་སེམས་ཅན་གནས་བར་དུའོ། །ལུས་ཅན་རྣམས་ཀྱི་སྐྱེ་ལ་ལྟོས། །ཚེ་ཚེར་དེ་དག་བྱུང་བ་སྟེ། །ཕ་དང་མ་ནི་སྟོང་དག་དང་། །བུ་དང་ཆུང་མ་བརྒྱ་དག་ཀྱང་། །ཐམས་ཅད་གནས་སུ་རྙེད་པ་ནི། །ལུས་ཅན་སྐྱེ་ལ་གནས་པའོ། །རྨི་ལམ་དག་ན་བུ་མེད་པའི། །མོ་གཤམ་བུ
iiif viewer powered by OpenSeadragon
